23
Yoova, i ŋginiiŋ toit
Mbouŋ to David
Yoova, i ŋginiiŋ tsiau poia.
Irau nambool pa gabua eta mako. *
 
I ighegherev ghau nala pa kikiliiŋ popoia tau igheen yaa naliu ziige na.
Leso naghan, naghun yaa luuma, ve namariau. *
 
I igham tapirig ivot muul,
ve ipaduduuŋ ghau le nataghon eez tau iduduuŋ ila i maata.
Leso ipaghazoŋai eeza tiina ivot ighazooŋ.
Yoova, ighe nalaagh ila nugh sapsapu to mateegh, ve ndoroom tiina ikau ghau, ene irau naroi mako.
Pasaa, yo uleep tomani ghau.
Yau naghit ghom ukis zaab tsio tomania titi to upaduduuŋ sipsip pani, tauvene ateg izi.
Yau nalam namin loom payo, ve yo upakur ghau kat.
Yo ugham marewaaŋ tiina payau ila koiagŋa matazi.
Ve uliŋ ŋgoreeŋ izala dabag, ve ugham poghani ghau kat.
 
Onoon kat, saawe isov tau naleep izi taan, yo lolom isaghav ghau, ve poia tsio izazaa tsiau itaghon saveeŋ mbuaaŋ tsio.
Rumei tsio aat imin niag to lepoogh le irau saawe tsiau isov.
* 23:1 Yo 10:11; Hib 13:20 * 23:2 Syg 7:17