54
Tamtamon ee ighason Maaron to itatan koiŋa
Mbouŋ to David
Mbouŋ tane iŋarui saawe tau tamtamon to nugh Zip tila to Saul, ve tipaes pani tighe David iyoŋyooŋ ila sosozi. Ŋeer tau imuuŋ pa mbouŋ na, aat isaav pa tamtamon to tirav gita ve timbou mbouŋ tane
1 O Maaron, yo ezam tiina pa tapirim ve poia tsio. Uvool tsiau ve upas ghau navot pa pataŋani tsiau tane!
Utotoi tapirim pa koiagŋa, ve ugham mulin ghau ila nimazi. Leso upaghazoŋai ghau ila tamtamon matazi ughe yau nagham sosor eta mako.
2 Maaron, ughur taliŋam pa suŋuuŋ tsiau.
Ulooŋ aliŋag tane ve uul ghau.
3 Pa zeran sasaghati to nugh malau tilam tipaburigin malmal payau.
Yes tau tizuari zi pa ravuuŋ ghau namaat ne, tamtamon tiroi pazi. Pasaa, lolozi isaghatin tamtamon rigta mako.
Yes tipapakur tauzi, ve matazi iŋgal Maaron mako.
4 Eemon Maaron, i Uleeŋa tsiau.
Yau naleep ila Tiina tsiau niima, tauta aazne naleep matag yaryaare.
5 Ŋgar saghati tau koiagŋa tigham payau ne, upamuule ila pa tauzi.
Upasov zi le tisov kat itaghon saveeŋ mbuaaŋ tsio.
6 Yoova, yo poiam kat!
Tauvene lolog poia payo, ve naghe nagham watooŋrau to napait ezam.
7 Pasaa, yo uul ghau ve upas ghau navot pa pataŋani tsiau naol isov.
Yo utatan koiagŋa ila taug matag, ve naliiv zi wa.