123
Gway jin yuḵu mmo/ii ka gagamis mo.
E /e mo tani aha/ ’deka em pem ’kup̱ ki mis mo,
ayy /e jin dikin eya ḵursi ma maliḵ e momis mo.
Hili mo mo ma, me’d jin hila e gi c̱iŋkina/ me’d gi tap̱am buni mo,
dhali me’d jin hila e gi nyara/ me’d ma yim jin karu mmohil c̱iŋkina/ nyara/ mo tani
wakan em bana si’da/ hil ’kup̱ ki Tap̱a Arumgimis bana mo,
ntagi a’di midi miimii ap̱o/ ana mo.
 
Miiyi mii ap̱o/ aman mo ma, ayy Tap̱a, miiyi mii ap̱o/ aman mo
haali/ aman tana ga dhana waḵ jin uri ’kup̱ mo ba/.
Ki rash rash mo tani aḵashiram bam ’tu’dkunu mo
ki mo jin ṯẖunyu aman ’twa/ i is mo ki uni gwansan kun ’ko ki ’ko ’penkap̱an mo,
ka waḵ buni uni gun dhu is buni ki ca mo.