13
Eya manyuḵ gway mo. Gway ma Dawuu’d.
1 Kakasja, ayy Tap̱a? A/e mini dhal aha/ ’pen ki sule/ sule/ kan mowa?
Dhali /e mini bag jis/em pini ’peni aha/ ki mo gi wakata mo?
2 Dhali ki mo gi wakatinta imiga/ mii ḵal mom’pe’d shem pem eya ḵashiram pem mo,
dhali ta gi mondiṯ bwa eya dum pem iyula tente/ kan mo?
Ki mo gi wakatinta imina a’di jin ta ’kup̱ gi aha/ ica ap̱o/ aha/ mo?
3 Nyiṯẖi ma dhali thoḵ aha/ gwo mo, ayy Tap̱a, Arumgimis pem mo.
Kushi em pem mo isi ciki/ ki aha/ mina ish e mo e a’di jin ta mo/ish e gi mowu mo,
4 isi ciki/ ki a’di jin ta ’kup̱ ki aha/ midi o gwo mo ki: Aha/ p̱ina a’di e mo be,
isi ciki/ ki uni kun ta ’kup̱ ki aha/ mina bwa ’kuny mo haali/ aha/ yiḵinkunu is mo be.
5 Hili aha/ gamkina gwo is mo e mo/en pini jin ṯelkunu sho’k mo,
adum pem mina bwa ’kuny mo e bway mowoṯẖ pini mo.
6 Aha/ mina yuḵ gway e Tap̱a mo,
haali/ a’di mii aha/ ki ’bore/ ki miin to kun ishkin ka enthus mo.