Muqeddes Kalam (latin yéziq) Zebur 76

76-küy •••• Perwerdigar ellerdin hésab alidu

1 Bu Asaf yazghan küy bolup, tarlik sazlar tengkichide éytilsun dep, neqmichiler béxigha tapxurulghan: —

Yehudada Xuda tonulghandur;

Uning nami Israilda ulughdur.

2 Uning panah jayi Salémdidur,

Zion téghida makani bardur. ◼

3 Xu yerde sundurdi U düshmenning otluq oqlirini,

Chéqip tashlidi qalqan, qilich wǝ barliⱪ urux qorallirini

Sélah.

4 Xeriping nekeder eladur, ow-oljagha bay taglardinmy heywiting zordur!◼

5 Düxmen baturlar bulandi;

Uyqugha ketken sewep: —

Palwanlarning héchqaysisi öz qolini kötürelmidi.

6 Séning eyiblishing bilen, i Yaqupning Xudasi,

Jeng harwisi hem atlar ölüktek uxlitildi.

7 Qorqushqa tégishliktur Sendinla, peqet Sendinla,

Ⱪaysi insan tik tutalar ghezipingning aldida?

8-9 Yer-zémin barqe yawash möminlerni qutquzmak bolup,

Sǝn Huda soraⱪ-һɵkum jakarda asmandin tursаng,

Basar zéminni weһim, qorqunuch-süküt.

Sélah.

10 Chünki insanlarning qehri Sanga shöhret keltüridu;

Kemer kebi baghliding belingge qehringni. ◼

11 Perwerdigar Xudayinglargha qesem qilip, emel qilinglar;

Sowgha bersun qoshni eller qorqunqi kérek Bolghuchigha;

12 U emirlerningmu rohini sundurar;

U yer yüzidiki padishahlargha dehshetlik bolar.

◼ 76:2 «Uning panah jayi Salémdidur» — ibraniy tilida: «Uning uwisi Salémda». Bu söz belkim Xudani shirgha oshitidu. Tewrattiki «Hoshiya» dégen qisimda Xuda «Yehudaning shiri» dep atilidu. «Salém» — «Yérusalém»ning qisqartip éytilishi. ◼ 76:4 «ow-olja bay taghliri» — belkim top-top döwilen’gen ow-oljilarni körsitidu. ◼ 76:10 «Insanlarning qehri Sanga shöhret keltüridu; kemer kebi baghliding belingge qehringni» — bu sirliq söz belkim (1) Xuda insanning barliq asiyliq-qarshilishishlirini axirida Özining shöhritige hem muddialirigha aylanduridu; (2) insanlarning Öz qehri özige keltürgen külpetler yénik bolup qalghan bolsa, «qalghan qehr»ni Xuda Özi toluqlap jazalirini éghirlashturidu.