☰ Tesalonikaliⱪlarƣa «2» 3
3
Biz üqün dua ⱪilinglar
1 Ahirida, i ⱪerindaxlar, biz üqün dua ⱪilinglarki, Rǝbning sɵzi huddi silǝrgǝ yǝtkǝn qaƣdikigǝ ohxax, ⱨǝrⱪandaⱪ yǝrdǝ tez tarⱪalsun wǝ xan-xǝrǝplik dǝp uluƣlansun;□  ■ 2 xuningdǝk bizning ⱪǝbiⱨ wǝ rǝzil adǝmlǝrdin ⱪutuluximiz üqünmu dua ⱪilinglar. Qünki ⱨǝmmila adǝm ixǝnq-etiⱪadliⱪ boluwǝrmǝydu.■ 3 Əmma Rǝb Ɵzi ixǝnqliktur; U silǝrni mustǝⱨkǝm ⱪilidu ⱨǝm rǝzil bolƣuqidin saⱪlaydu. □
  ■
4 Əmma Rǝbdǝ, silǝrgǝ tapiliƣinimizni ⱪiliwatisilǝr, xundaⱪla dawamliⱪ ⱪiliweridu, dǝp hatirjǝmmiz. 5 Əmdi Rǝb ⱪǝlbinglarni Hudaning meⱨir-muⱨǝbbitigǝ ⱨǝm Mǝsiⱨning sǝwr-qidamliⱪiƣa qɵmkǝxkǝ yetǝkligǝy.□
 
Ixligǝn qixlǝydu
6 Əmdi ⱪerindaxlar, Rǝbbimiz Əysa Mǝsiⱨning namida xuni tapilaymizki, bizdin alƣan tǝlimlǝrgǝ riayǝ ⱪilmay, tǝrtipsiz yürgǝnlǝrdin ɵzünglarni neri tutunglar.□  ■ 7 Bizdin ⱪandaⱪ ülgǝ elixinglar kerǝklikini ɵzünglar bilisilǝr; qünki biz silǝr bilǝn billǝ bolƣanda tǝrtipsiz yürmigǝniduⱪ.■ 8 Ⱨeqkimning nenini bikarƣa yemǝyttuⱪ; bǝlki biz ⱨeqⱪaysinglarƣa eƣirimizni salmasliⱪ üqün, keqǝ-kündüzlǝp tirixip-tirmixip japaliⱪ ixlǝyttuⱪ.■ 9 Bundaⱪ ⱪiliximiz, silǝrdin yardǝm kütüxkǝ ⱨǝⱪliⱪ bolmiƣanliⱪimizdin ǝmǝs, bǝlki ɵzimizni silǝrgǝ bizdin yahxi ülgǝ ⱪaldurup, silǝrning bizgǝ ǝgixixinglar üqün idi. ■ 10 Qünki biz silǝrning yeninglarda bolƣinimizda silǝrgǝ: «Birsi ixlimǝymǝn desǝ, u yemisun!» dǝp tapiliƣaniduⱪ. 11 Qünki biz aranglarda bǝzilǝrning tǝrtipsiz laƣaylap, ⱨeq ixlimǝy baxⱪilarning ixliriƣa arilixip yüridiƣanliⱪini angliduⱪ. □ 12 Biz muxundaⱪlarƣa Rǝb Əysa Mǝsiⱨdǝ xundaⱪ buyruymiz wǝ ulardin ɵtünüp soraymizki, tinq yaxap, ǝmgikinglar bilǝn ɵz neninglarni tepip yǝnglar. □  ■ 13 Lekin silǝr, i ⱪerindaxlar, yahxi ixlarni ⱪilixtin erinmǝnglar.■
14 Əmma ǝgǝr uxbu hetimizdiki sɵzlǝrgǝ itaǝt ⱪilmaydiƣan birsi bolsa, uningdin ⱨǝzǝr ǝylǝnglar wǝ uni hijalǝtkǝ ⱪaldurux üqün uning bilǝn bardi-kǝldi ⱪilmanglar. ■ 15 Biraⱪ, uni düxmǝn ⱪatarida kɵrmǝy, ǝksiqǝ uningƣa bir ⱪerindax süpitidǝ nǝsiⱨǝt ⱪilinglar.
 
Tilǝklǝr
16 Hatirjǝmlik Igisi bolƣan Rǝb ⱨǝr waⱪit ⱨǝr yolda xǝhsǝn silǝrgǝ hatirjǝmlik ata ⱪilƣay. Rǝb ⱨǝmminglar bilǝn billǝ bolƣay!□  ■
17 Mǝnki Pawlus bu ahirⱪi salimimni ɵz ⱪolum bilǝn yazdim; bu, mening ⱨǝmmǝ hǝtlirimning ɵzigǝ has bǝlgisidur. Mana bu mening ɵz ⱪǝlimimdur. □  ■ 18 Rǝbbimiz Əysa Mǝsiⱨning meⱨir-xǝpⱪiti ⱨǝmminglarƣa yar bolƣay!
□ 3:1 «... biz üqün dua ⱪilinglarki, Rǝbning sɵzi huddi silǝrgǝ yǝtkǝn qaƣdikigǝ ohxax, (ⱨǝrⱪandaⱪ yǝrdǝ) tez tarⱪalsun wǝ xan-xǝrǝplik dǝp uluƣlansun» — «tez tarⱪalsun» grek tilida «yügürsun» degǝn sɵz bilǝn ipadilinidu. ■ 3:1 Mat. 9:38; Əf. 6:19; Kol. 4:3. ■ 3:2 Yⱨ. 6:44; Rim. 15:31. □ 3:3 «U (Rǝb) silǝrni mustǝⱨkǝm ⱪilidu ⱨǝm rǝzil bolƣuqidin saⱪlaydu» — «rǝzil bolƣuqi» Xǝytan, Iblis. Baxⱪa birhil tǝrjimisi «U (Rǝb) silǝrni rǝzilliktin saⱪlaydu». ■ 3:3 Yⱨ. 17:15; 1Tes. 5:24. □ 3:5 «Əmdi Rǝb ⱪǝlbinglarni Hudaning meⱨir-muⱨǝbbitigǝ ⱨǝm Mǝsiⱨning sǝwr-qidamliⱪiƣa qɵmkǝxkǝ yetǝkligǝy» — «Hudaning meⱨir-muⱨǝbbiti» awwal Uning bizgǝ bolƣan muⱨǝbbiti, andin bizning Uningƣa bolƣan muⱨǝbbitimiz; «Mǝsiⱨning sǝwr-qidamliⱪi» awwal Mǝsiⱨning Ɵzining sǝwr-qidamliⱪi, andin bizning Uningda wǝ Uning üqün sǝwr-qidamliⱪ boluximiz. □ 3:6 «Əmdi ⱪerindaxlar, Rǝbbimiz Əysa Mǝsiⱨning namida xuni tapilaymizki, bizdin alƣan tǝlimlǝrgǝ riayǝ ⱪilmay, tǝrtipsiz yürgǝnlǝrdin ɵzünglarni neri tutunglar» — «tǝrtipsiz yürgǝnlǝr» keyinki ayǝtlǝrdin eniⱪki, «bikar tǝlǝplǝr»ni kɵrsitidu. ■ 3:6 1Kor. 5:11; 2Tes. 2:15; 3:14; Tit. 3:10. ■ 3:7 1Kor. 11:1; 1Tes. 1:6, 7; 2Tes. 2:10. ■ 3:8 Ros. 18:3; 20:34; 1Kor. 4:12; 2Kor. 11:9; 12:13; 1Tes. 2:9. ■ 3:9 1Kor. 4:16; 9:3, 6; 11:1; Fil. 3:17; 1Tes. 1:6; 2:9. □ 3:11 «Qünki biz aranglarda bǝzilǝrning tǝrtipsiz laƣaylap, ⱨeq ixlimǝy baxⱪilarning ixliriƣa arilixip yüridiƣanliⱪini angliduⱪ» — grek tilida rosul Pawlus qaⱪqaⱪ ⱪilip: «... ⱨeq ix ⱪilmaydǝ, lekin ⱨǝrtǝrǝptǝ baxⱪilarning ixlirida bolƣanliⱪini angliduⱪ» dǝydu. □ 3:12 «Biz muxundaⱪlarƣa Rǝb Əysa Mǝsiⱨdǝ xundaⱪ buyruymiz wǝ ulardin ɵtünüp soraymizki...» — «muxundaⱪlar» — demǝk, 11-ayǝttiki «tǝrtipsiz laƣaylap, ⱨeq ixlimǝy baxⱪilarning ixliriƣa arilixip yüridiƣanlar». «Kirix sɵz»imiznimu kɵrüng. ■ 3:12 Əf. 4:28; 1Tes. 4:11. ■ 3:13 Gal. 6:9. ■ 3:14 Mat. 18:17; 1Kor. 5:9; 2Tes. 3:6. □ 3:16 «Hatirjǝmlik Igisi bolƣan Rǝb ⱨǝr waⱪit ⱨǝr yolda xǝhsǝn silǝrgǝ hatirjǝmlik ata ⱪilƣay» — «Hatirjǝmlik Igisi bolƣan Rǝb» grek tilida: «Hatirjǝmlikning Rǝbbi» yaki «Hatirjǝmlik bǝrgüqi Rǝb» — demǝk, hatirjǝmlik bǝrgüqi ⱨǝm Ɵzi ⱨǝrdaim hatirjǝmliktǝ turƣuqi Rǝbdur. ■ 3:16 Rim. 15:33; 16:20; 1Kor. 14:33; 2Kor. 13:11; Fil. 4:9; 1Tes. 5:23. □ 3:17 «Mǝnki Pawlus bu ahirⱪi salimimni ɵz ⱪolum bilǝn yazdim. Bu, mening ⱨǝmmǝ hǝtlirimning ɵzigǝ has bǝlgisidur. Mana bu mening ɵz ⱪǝlimimdur» — Pawlusning ⱨǝrbir hetidiki birnǝqqǝ ⱪurni ɵz ⱪǝlimi bilǝn yezix aditi bar idi; bu, baxⱪilarning ɵzining namida sahta hǝtlǝrni yezixning aldini elixi üqün idi. Ɵzining kɵzi ajiz bolƣaqⱪa, hǝtlirini adǝttǝ katipⱪa yazduratti. («Galatiyaliⱪlarƣa»diki «kirix sɵz»imizni ⱨǝm 6:11diki izaⱨatni kɵrüng. ■ 3:17 1Kor. 16:21; Kol. 4:18.
☰