☰ Zǝbur 76
76
76-küy •••• Pǝrwǝrdigar ǝllǝrdin ⱨesab alidu
1 Bu Asaf yazƣan küy bolup, tarlik sazlarda eytilsun dep, neƣmiqiler bexiƣa tapxurulƣan: —
Yǝⱨudada Huda tonulƣandur;
Uning nami Israilda uluƣdur.
2 Uning panaⱨ jayi Salemdidur,
Zion teƣida makani bar. ◼
3 Xu yǝrdǝ sundurdi U düxmǝnning otluⱪ oⱪlirini,
Qeⱪip taxlidi kalⱪan, ⱪiliq we barliⱪ urux ⱪorallirini .
Selaⱨ.
4 Xǝriping nǝkǝdǝr ǝladur, ow-oljaƣa bay taglardinmy heywiting zordur!◼
5 Düxmǝn baturliri bulandi;
Uyquƣa kǝtkǝn sǝwǝp: —
Palwanlarning ⱨeqⱪaysisi ɵz ⱪolini kɵtürǝlmidi.
6 Sening ǝyiblixing bilǝn, i Yaⱪupning Hudasi,
Jǝng ⱨarwisi ⱨǝm atlar ɵlüktǝk uhlitildi.
7 Ⱪorⱪuxqa tegiqliktur Sendinla, pǝkǝt Sendinla,
Ⱪaysi insan tik tutalar ƣezipingning aldida?
8-9 Yǝr-zemin barqǝ yawax mɵminlǝrni ⱪutⱪuzmak bolup,
Sǝn Huda soraⱪ-ⱨɵkum jakarda asmandin tursang,
Basar ziminni wǝⱨim, ⱪorⱪunq-süküt.
Selaⱨ.
10 Qünki insanlarning ⱪǝⱨri Sanga xɵⱨrǝt kǝltüridu;
Kǝmǝr kǝbi baghliding belingge ⱪehringni.◼
11 Pǝrwǝrdigar Hudayinglarƣa ⱪǝsǝm ⱪilip, ǝmǝl ⱪilinglar;
Sowƣa bǝrsun ⱪoxna ǝllǝr ⱪorⱪunqi kerǝk Bolƣuqiƣa;
12 U ǝmirlǝrningmu roⱨini sundurar;
U yǝr yüzidiki padixaⱨlarƣa dǝⱨxǝtlik bolar.
 
 
◼ 76:2 «Uning panaⱨ jayi Salemdidur» — ibraniy tilida: «Uning uwisi Salemda». Bu sɵz bǝlkim Hudani xirƣa oxitidu. Tǝwrattiki «Ⱨoxiya» degǝn ⱪisimda Huda «Yǝⱨudaning xiri» dǝp atilidu. «Salem» — «Yerusalem»ning ⱪisⱪartip eytilixi. ◼ 76:4 «ow-olja taƣliri» — bǝlkim top-top dɵwilǝngǝn ow-oljilarni kɵrsitidu. ◼ 76:10 «Insanlarning ⱪǝⱨri Sanga xɵⱨrǝt kǝltüridu; kǝmǝr kǝbi baghliding belingge ⱪehringni» — bu sirliⱪ sɵz bǝlkim (1) Huda insanning barliⱪ asiyliⱪ-ⱪarxilixixlirini ahirida Ɵzining xɵⱨritigǝ ⱨǝm muddialiriƣa aylanduridu; (2) insanlarning Ɵz ⱪǝⱨri ɵzigǝ kǝltürgǝn külpǝtlǝr yenik bolup ⱪalƣan bolsa, «ⱪalƣan ⱪǝⱨr»ni Huda Ɵzi toluⱪlap jazalirini eƣirlaxturidu.
☰