81
81-küy •••• Ⱨeyt-bayramda Hudaning guwaⱨ-hitabini Israilƣa ǝslitix
1 Bu Azaf yazƣan küy bolup, «Gittif»ta qelinsun dǝp, Nǝƣmiqilǝrning bexiƣa tapxuruldi: —
Küq-ⱪuwwitimiz bolƣan Hudaƣa küy eytip yangritinglar,
Yaⱪupning Hudasiƣa xadlinip tǝntǝnǝ ⱪilinglar!
2 Nahxini yangritip, dap bilǝn tǝng,
Yeⱪimliⱪ qiltar ⱨǝm rawabni qelinglar!
3 Yengi ayda, bǝlgilǝngǝn waⱪitta,
Heyt-bayramlik naƣra-sunay qelinglar!
4 Qünki Israilƣa qüxken bǝlgilimǝ,
Yaⱪupning Hudasining bir pǝrmanidur bu.
5 U Misir zeminida yürüx ⱪilƣanlirida,
(Xu yǝrdǝ biz qüxǝnmǝydiƣan bir tilni anglap yürǝttuⱪ)
U buni Yüsüpkǝ guwaⱨ ⱪilip bǝrdi;
6 — «Uning mürisini yüktin saⱪit ⱪildim,
Uning ⱪoli sewǝt kɵtürüxtin azad boldi;
7 Ⱪistaⱪqiliⱪta nida ⱪilding,
Mǝn seni azad ⱪildim;
Güldürmama qiⱪⱪan mǝhpiy jaydin sanga jawab bǝrdim;
«Mǝribaⱨ» suliri boyida seni sinidim».
Selaⱨ.
8 — «Tingxa, hǝlⱪim, Mǝn seni guwaⱨlar bilǝn agaⱨlandurmǝn;
I Israil, Manga ⱪulaⱪ salsang iding!
9 Arangda yat ilaⱨ bolmisun,
Yat ǝldiki ilaⱨⱪa bax ǝgmigin!
10 Seni Misirdin elip qiⱪⱪan Pǝrwǝrdigar Hudayingdurmǝn;
Aƣzingni yoƣan aq, Mǝn uni toldurimǝn.
11 — Biraⱪ hǝlⱪim sadayimƣa ⱪulaⱪ salmidi,
Israilning Manga baƣlanƣusi yoⱪ idi;
12 Xunga Mǝn ularni ɵz tǝrsaliⱪiƣa ⱪoyuwǝttim;
Ular ɵz mǝsliⱨǝtliri bilǝn mengiwerǝtti.
13 — Aⱨ, Mening hǝlⱪim Manga ⱪulaⱪ salsa idi!
Israil Mening yollirimda yürsǝ idi!
14 Ularning düxmǝnlirini sizlǝndürǝr idim,
Ⱪolumni rǝⱪiblǝrgǝ ⱪaritip, ularni basar idim. tǝzlǝndürǝr???
15 Pǝrwǝrdigarƣa nǝprǝtlǝngüqilǝr Uning aldida zǝiplixip boysunar idi;
Ularning xu ahiriti mǝnggügǝ bolatti;
16 Sanga buƣdayning ǝng esilini yegüzǝr idim,
Bǝrⱨǝⱪ, ⱪoram taxtin ⱨǝsǝl aⱪⱪuzup seni ⱪandurar idim».