☰ Timotiyƣa «1» 2
2
Jamaǝtning birinqi wǝzipisi
1 Mǝn ⱨǝmmidin awwal, etiⱪadqilarƣa pütkül insanlar üqün Hudadin tilǝklǝr tilixini, dua-tilawǝt ⱪilixini, baxⱪilar üqün murajiǝt ⱪilixini wǝ tǝxǝkkürlǝr eytixini, 2 bolupmu padixaⱨlar wǝ barliⱪ ǝmǝldarlar üqün dua-tilawǝt ⱪilixini jekilǝymǝn. Xundaⱪ ⱪilƣanda, biz toluⱪ ihlasmǝnlik wǝ salmaⱪliⱪ bilǝn tinq wǝ aman-esǝn ⱨayat kǝqürǝlǝymiz. ◘ 3 Bundaⱪ dua-tilawǝt ⱪilix güzǝl ixtur, Ⱪutⱪuzƣuqimiz Hudani hursǝn ⱪilidu. 4 Qünki U pütkül insanning ⱪutⱪuzuluxi wǝ ularning ⱨǝⱪiⱪǝtni tonup yetixini halaydu. ◘ 5 Qünki birla Huda bardur, Huda bilǝn insanlar arisida bir kelixtürgüqimu bar, U bolsimu Ɵzi insan bolup kǝlgǝn Mǝsiⱨ Əysadur. ◼  ◘ 6 U barliⱪ insanlarni ⱨɵr ⱪilix üqün Ɵzini ⱪurban ⱪilip bǝdǝl tɵlidi; xundaⱪ ⱪilip bekitilgǝn waⱪit-saitidǝ Hudaning nijatiƣa guwaⱨliⱪ berildi. ◼  ◘ 7 Mǝn bu guwaⱨliⱪni yǝtküzüx üqün jakarqi wǝ rosul boluxⱪa tǝyinlinip (mening bu sɵzlirimning ⱨǝmmisi rast, mǝn yalƣan gǝp ⱪilmidim), yat ǝlliklǝrgǝ etiⱪad wǝ ⱨǝⱪiⱪǝt yolida ɵgǝtküqi bolup tiklǝndim. ◘ 8 Xunga, mǝn xuni halaymǝnki, ǝrlǝr ⱪǝyǝrdǝ bolsun, duaƣa jǝm bolƣanda ƣǝzǝpsiz wǝ dǝtalaxsiz ⱨalda, ⱨalal ǝmǝllik ⱪollirini kɵtürüp dua ⱪilsun. ◘
9 Ohxax yolda ayallarmu muwapiⱪ kiyinip, ɵzlirini ar-nomus wǝ salmaⱪliⱪ bilǝn pǝrdaz ⱪilsun. Ularning ɵzlirini pǝrdazlax, qaqlirini alaⱨidǝ yasax wǝ altun, ünqǝ-mǝrwayit wǝ esil ⱪimmǝt kiyim-keqǝklǝr bilǝn ǝmǝs, ◘ 10 bǝlki güzǝl ǝmǝlliri bilǝn pǝrdazlixini halaymǝn. Bu, Huda yolida tǝⱪwadar bolay degǝn ayallarƣa yarixidu. 11 Jamaǝt sorunlirida, ayallar tinq olturup, toluⱪ itaǝtmǝnlik bilǝn tǝlim alsun. ◼ 12 Lekin ayallarning ǝrlǝrgǝ tǝlim berixi yaki ular üstidin ⱨɵküm sürüxigǝ yol ⱪoymaymǝn. Əksiqǝ, ular tinq bolsun. ◼  ◘ 13 Qünki awwal Adǝm’ata, keyin Ⱨawa’ana yaritilƣan. ◘ 14 Awwal aldinip azdurulƣanmu Adǝm’ata ǝmǝs, bǝlki Ⱨawa’ana idi. U tolimu aldanƣanliⱪidin ularning itaǝtsizlikigǝ qüxüp ⱪalƣanidi. ◘ 15 Lekin ayallar etiⱪadta, meⱨir-muⱨǝbbǝt wǝ pak-muⱪǝddǝsliktǝ salmaⱪliⱪ bilǝn turidiƣanla bolsa, ular tuƣutta saⱪ-salamǝt ⱪutulidu. ◼
 
 
◘ 2:2 Yǝr. 29:7. ◘ 2:4 Əz. 18:23; 2Pet. 3:9. ◼ 2:5 «Qünki birla Huda bardur» — yaki «qünki Huda birdur» — «Ⱪan.» 6:4 («Pǝrwǝrdigar Hudayimiz, Pǝrwǝrdigar bir birliktur») wǝ izaⱨatni kɵrüng. ◘ 2:5 Yuⱨ. 17:3; Rim. 3:30; Gal. 3:19; Ibr. 9:15. ◼ 2:6 «U (Mǝsiⱨ) barliⱪ insanlarni ⱨɵr ⱪilix üqün Ɵzini ⱪurban ⱪilip bǝdǝl tɵlidi» — bu «ⱨɵr ⱪilix» gunaⱨning wǝ Xǝytanning ilkidin. «xundaⱪ ⱪilip bekitilgǝn waⱪit-saitidǝ Hudaning nijatiƣa guwaⱨliⱪ berildi» — baxⱪa birhil tǝrjimisi: «Bu uluƣ ixⱪa (yǝni Mǝsiⱨning ɵlümi wǝ tirilixi) bekitilgǝn waⱪti-saitidǝ guwaⱨliⱪ berildi». Lekin bizningqǝ Əysaning ɵlümining ɵzi xu «guwaⱨliⱪ»tur — demǝk, Əysaning ⱪurbanliⱪi Hudaning qǝksiz muⱨǝbbǝt wǝ nijatliⱪ pilani toƣruluⱪ bǝlgilǝngǝn waⱪtida axkarilandi. ◘ 2:6 Mat. 20:28; Əf. 1:7; Kol. 1:14. ◘ 2:7 Ros. 9:15; 13:2; 22:21; Rim. 1:9; 9:1; Gal. 1:16; 2:8; Əf. 3:8; 2Tim. 1:11. ◘ 2:8 Zǝb. 134:1-2; Yuⱨ. 4:21. ◘ 2:9 Tit. 2:3; 1Pet. 3:3. ◼ 2:11 «Jamaǝt sorunlirida, ayallar tinq olturup, toluⱪ itaǝtmǝnlik bilǝn tǝlim alsun» — Yǝⱨudiylarning ǝn’ǝniliri boyiqǝ ayal kixilǝr Hudaning sɵzlirini ɵgǝnmǝslik kerǝk idi, xunga rosulning bu sɵzi qong bir yengiliⱪ idi. ◼ 2:12 «Lekin ayallarning ǝrlǝrgǝ tǝlim berixi yaki ular üstidin ⱨɵküm sürüxigǝ yol ⱪoymaymǝn» — bu tǝlim toƣruluⱪ, xundaⱪla aqa-singillarƣa ata ⱪilinƣan iltipatlar toƣruluⱪ «1Kor.» 14:34-35 wǝ «Korintliⱪlar (1)»diki «ⱪoxumqǝ sɵz»imiznimu kɵrüng. ◘ 2:12 Yar. 3:16; 1Kor. 14:34; Əf. 5:24. ◘ 2:13 Yar. 1:27; 2:22. ◘ 2:14 Yar. 3:6. ◼ 2:15 «Lekin ayallar etiⱪadta, meⱨir-muⱨǝbbǝt wǝ pak-muⱪǝddǝsliktǝ salmaⱪliⱪ bilǝn turidiƣanla bolsa, ular tuƣutta saⱪ-salamǝt ⱪutulidu» — demǝk, «Ayallar Hudaning lǝnitigǝ uqriƣanliⱪtin tuƣuti ⱪiyin wǝ hǝtǝrlik bolsimu, uningdin saⱪ-salamǝt ɵtüp ketidu». Bu 14-15-ayǝtni: «Ayallar ǝrlǝrgǝ tǝlim berix, ǝrlǝr üstigǝ ⱨɵküm sürüxtǝ ǝmǝs, bǝlki bala tuƣux wǝ uni beⱪix jǝryanida, etiⱪad arⱪiliⱪ erixidiƣan ⱪutⱪuzuluxtin bǝⱨrimǝn bolalaydu» degǝn baxⱪa bir mǝnidǝ qüxinixkimu bolidu. Ayǝtning: «Biraⱪ ayallar Ⱨawa’anining nǝslidin tuƣulƣan Əysa Mǝsiⱨ arⱪiliⱪ ⱪutⱪuzulidu» degǝn yǝnǝ bir qüxǝnqisi ǝyni tekistkǝ anqǝ yeⱪin kǝlmǝydu, dǝp ⱪaraymiz.
☰