22
Tarawatu am lawana aubaina
16 “Mepa da oroto wavine matatapu i gwalai da i viawawanei, ma eḡa aiai wei wavinena ita rautani da ita ravaḡi. Nai orotona wavine mataopana ina vimaiei ma ina ravaḡi.
17 Wate mepa da amana i viḡa, lamna maranai oroto matatapu ana mataopa ina vimaiei wavine amana awarina.
18 Aiai wavinena e paraparauma lamna ina viraḡeni.
19 —Aiai ḡamoḡamo i viawawanei lamna orotona ina viraḡeni.
20 —Aiai pulo i apui god ḡelauna awarina ma eḡa tau Bada awariu lamna nai ravana ina viraḡeni.
21 —Eḡa dobuḡela ravai ona ḡoa-boai, ona notai da taumi mara tagogi o mae dobuḡela ravami au Egypt.
22 —Eḡa kaikaiababa ma kedakeda ona ḡoa-boai.
23 Mepa da nanare ona kauei ma taui ina tou awariu agu aubaina, Tau Bada, ai tou anina ana nonori ma ana voagui.
24 Ma Tau ana meji guratana ma ḡavia au orana ana viraḡenimi. Awawami ina vikaiababa ma natunatumi eḡa amamai.
25 —Mepa da mane u unelei molamolakana awarina, lamna eḡa mane ḡelauna au tepana ma vibaḡei.
26 Mepa da rava ḡelauna ana kwama u vaia da manena ina veremelem ma muriai ma vere-melei, ana kwama ma vere-melei muriai da madeḡa ina ḡaira.
27 Kwamana lamnei e purupurui da inina e vivibola. Bo aiwai ḡelauna e mamae da ina vipuruei? Mepa da kwama eḡa uta veremelei ma tauna awariu i tou agu aubaina ma Tau ana paribelei aubaina Tau rau-nuapoapoeu.”