28
Ma God nanare Moses i riwei da wei purapurai i voai, kepakepa vinevinena ma incense aniapuna goldei, ma rampa anivojijinana rampa seven aubaii. Ma i viararamani menanare Bada ana numagara vivivireina ina voai ma au orana gara ḡamoḡamo opinei ina babalaraḡi da gabu ruaḡa, ma gabuna ana gari ina kauei da wei gabuna ina gari-kwaikwaipipini. Ma wate maiteni i riwei da pulo aniapuna bronzei, ma aboma ḡaeḡaena ina kauei anioḡa aubaina.
Pirisi ai gara
1 Ma God i riwa, Tuam Aaron natunatuna Nadab, Abihu, Eleasar ma Ithamar maiteni mai Israel awariei ma tereriei. Ma ma viaiaini da Tau aubaiu ina vipirisi pulo tauapuina.
2 Ma pirisi ana ḡara vivivireina ma popoi vareim aubaina da inanana ina vinualaulauna ma rava ina vivirei,
3 Rava rarau-ḡaroḡaroi ma nuaulaulai, ma ḡoreiai da Aaron ana pirisi garana ina popoi da ina oteni ma ina viaiaini da aubaiu ina vipirisi.