8
Ututuva damona
15 Ma God Noah i riwei i pa, 16 “Tam ma awam ma natunatum ana awawai waga ona oputawanei. 17 Ma ḡamoḡamo lawalawai anatapui ma taravaina-opunei, kiu anatapui, ḡamoḡamo au doa tetetei da ina vinatuna ma ina maḡa da dobu ina vioai.”
18 Ma Noah awana ma natunatuna ma awawai waga i opu-tawanei. 19 Ma ḡamoḡamo anatapui, kiu ma ḡamoḡamo ḡelaui au doa tetetei, ai au dam nununai nanare waga i opu-tawanei.
20 Ma Noah pulo aniapuna i voai Bada awarina ma ḡamoḡamo aiaii, kiu aiaii tagotagogi ava taputapuna i apui pulo aniapuna au tepana. 21 Ma maranai Bada pulo ḡabuna i laḡoni ma au nuanuana i pa, “A aramanei da rava melamelaiei ai nota i apoapoe. Wate dobu eḡa ana viapoapoeni ma eḡa melanai lawalawai anatapui ana pupuna-melei me a kauei nanare.
22 Ma maranai dobu e mamae
paewa ma tuaruta,
ubauba ma vibola,
bodu ma omra,
garewa ma madeḡa,
maratom ma au pom,
ina mae-nonoa ma eḡa ina kwa.”