11
David ana epaia
Me ai tuḡutuḡu ita nabinabi
Mara e nenei maranai Jesse ana damei gulau ina nei.
Ma Bada Aruana tauna au tepana ina rauei da:
Nuaulaula ma aramana ḡaeḡaena ina verei,
ana oḡa tara aiaina ma tepa tora ina verei, da ana rava ina paina-kauei.
Bada ina aramanei ma ina vivirei.
Bada votelatelana, lamna ana nuaiai ḡaeḡaena,
ma eḡa kaua tepana inanana bo viarautu awarinei, ina kovoḡimi;
Tauna molamolakai ina rauetarana-kauei,
ma vivinuapoapoe au dobu aubaii ina mairi.
Ma gamona bolabolana dobu ina kovoḡi,
ma ponanei ḡoʼapoapoe ravai ina viraḡeni.
Tauna kaua jijimanina ina vijiḡoratei
ma patutu ina vitairoroei.
 
Nanare auou moduei sipu natuna maiteni ina mae,
ma leopard gote ḡaubona au ririvana ina matave,
nanare cow ma lion natunatui ina laba-tagogi;
ma tevera ina viḡamoḡamo.
Bulumakau ma bear ina am tagogi,
natunatui ina matave tagogi,
ma lion gidagida ina ani me bulumakau.
Tevera daradarana mota ana au nibo ina vikalokalo
Ee! Ma tevera edaedana mota aiara ana au nibo, urana ina tereḡairei.
Au Zion, au ola vivivireina eḡa aiwai ina vikeroi bo ina viapoapoeni.
Aubaina Bada aramanana
dobu ina vioai, me waira boga e vivioai.
 
10 Nai maranaina gulau vouna, Jesse ana damei,
ina vomairi da ina vimataira dobu au ana tapuna.
Dam ḡaeḡaei anatapui ina deri ḡeta awarina, ana au animae boruborumana.