40
God ana rava ina vinuaubai.
1 Ami God e ririwa, “Au rava, ona vinuaubai!
Nuauba riwai ona riwei.”
2 Riwa egolanei mai Jerusalem ona riwei
ona riwei da ai vinuapoapoe marana i kwa,
ai ḡoʼapoapoe i nota-tawanei.
Bada ai ḡoʼapoapoe i vimaiei mara ruaḡa.
3 Rava e viḡoreḡore;
“Bada ana aninae au mutulua ona vokaukauei!
Etanai jijimanina ata God aubaina au mutulua ona kauei.
4 Gwagwa ona dobo-naiei,
ma ola anatapui ona ḡara tawatawanei
doana anatapuna ona vimataveni,
ona ḡara-laboḡi.
5 Bada ana boruma ina vieḡai,
ma rava anatapui ina inanai.
Lamna Bada gamonei i riwa!”
9 Zion, tam pariverena aiaina e garagararei.
Ma ḡae ola ḡaeḡaena au tepana
ma ponam ḡaeḡaenei,
pariverena aiaina ma raugugulei
ma eḡa ma rovo!
Taon ḡaeḡaei Judah au paratana ma pariverei,
“Ami God e nenei!”
10 Ona inana Bada God ana rewapanana
e nenei da ina vibadeta.
Ona inanai! Maiana, lamna rava i vivilawania, maiteni e nenei.
11 Ana rava ina ḡamoi me sipu tauḡamoina,
ana sipu natunatui au nuanuana ina raparapai.
ma tatauvao ina ravena-kauei.