49
Bada ana taunola
3 Bada i riweu i pa,
“Israel tam au taunola ma tamei au boruma ana vieḡai.”
5 Au manawa ma Bada i vineu da ana taunola;
da ana rava mai Israel kwakokwakoi ana neiana-meleiai awarina.
Bada i vimaeḡaeḡaeniu;
Tauna au rewapana.
6 I riweu “Au Taunola,
Jacob ana dam ma voepana-melei ma
mai Israel kwakokwakoi ma neiana-meleiai; lamna nola aburuna.
Wate nola ḡaeḡaena a vereverem;
lalalaina ma naiei jentail awarii
ma lawana mamae-nonoana ma naiei da dobu au gia dewadewana ina ḡeta.”
14 Wate mai Jerusalem i riwa,
“Bada i netawaneta! Tauta nuanuana i vuru”
15 Ma Bada i paribelei,
“Moina! Tatauvao natuna melamelana au ḡuḡuna, nuanuana ina vuru bo;
bo natuna i ḡuniḡunia nuanuana ina vuru
Mepa da alo nuanuana ina vuru,
wate tau, eḡa nuanuau ina vuru!”
16 Jerusalem eḡa melanai nuanuau ina vuru
Ona inanai! Wavami, au ura lapalapau a rurui.