58
Uji ririwa kauana.
Bada uji ririwa kauana e bababaniei:
7 “Am-irairaḡei lam ona taraiḡuei,
ma ami numa ona votawanei,
nelabalabai ma vinuapoapoe awarii.
Kovakovai gara ona vioteni,
ma taraoim eḡa ona inana-tawanei.”
8 “Maranaina, au viaiaina ina ravilalaimi me maratomtom madeḡana,
ma ami doria laḡilaḡina ana vilawani.
Au naomi ana nae da ami aninae ana vovaijijimani,
ma murimiei, au boruma ina gagaloemi.
9 Nai maranaina ona viḡore ma Tau Bada, ana paribelemi.
Agu ona gararei ma ana riwa, ‘Tau weka.”
“Eḡa rava, vita ona verei, eḡa ona viwavuwavu
ma eḡa babani morumorui ona kaukauei.
10 Maranai am-irairaḡei o viambagibagi,
ḡokokokarai o vovoagui.
Lamnei, ami lalalaina gimtona ina lalai,
ina ravilalai me aubenai madeḡana.”