17
Bada ona-vitumaḡanei
5 Bada e ririwa,
“Aiavoi da ai vitumaḡana rava ota awarii e tereterei,
ma ai rewapana e vitumatumaḡaneiei;
ma e gedugeduaieu,
ana parivaiapoapoeni.
6 Taui me, ai podapodai au dobu dariḡaḡa
eḡa aiwai aiaina ita inainanai.
Taui dobu au paipairana ina mae, ai ma modu eḡa,
me au dobu au vivibogana ita mamae kampa eḡa rava ita mamae.”
7 “Wate aiavoi awariu e vivipatutu ma e vivitumaḡana da
Bada ai tepamairi, taui ana viaiaini.
8 Taui me ai, vuvura au adana i paewi,
ma warami i ḡaira waira au orana.
Eḡa marapoi ina rovoei,
ma rugurugui majimajiḡai ina maimairi.
Ma marapoi ana au mara,
eḡa ua ita vovoterei.”
9 “Rava nuapoui lamna morumoru kauana, i apoapoe kaua,
aiai i aramana-kauei, da ina vilawani.
10 Tau Bada rava nuapouii
a tuvirevirei ma kaua govagovaḡai au orai a inana-pai.
Rava anatapui ai kaua ana inanai.
ma ai kaua awarinei ana puloi.”