23
Bada Gulau vouna ina vinei mamae‑terenai aubaii
1 Bada e ririwa, “Au rava ai babada nuabola ḡaeḡaena ina nelaḡai! Taui sipu taupaini apoapoei. I vipaipai-boa da sipu i vidabararai.”
2 Lamna aubaina Bada, Israel ana God, wenanare Israel babadai awari e ririwa, “Taumi ami kauelei au sipu o vidabararai ma o vilamolamonei. Eḡa ota vipaipai kaua. Lamna kauai apoapoei aubaina ana kovoḡimi.
3 Anina ma Tau au sipu ḡelaui a virubai au dobuḡela, ana neiana-meleiai ai au gari. Wei mamae‑terenai ina vinatuna ma ina maḡa guratana.
4 Taupainii rava kaua ana tere-naiei da ina viḡamoḡamo kaua ma eḡa ina rovo me bo orai ina sisi. Eḡa tagogi ina kwako. Tau Bada a riwa.”
5 Bada e ririwa
“Mara vouna e nenei maranai gulau ana terei David ana damei.
Wei gulauna ina vibada kaua ma kaua aiainei ma jijimaninei dobu anatapuna ina vibadei.
Nota aiainei Judah ravai ina rauetaraveni ma
Israel ravai au nuauba ina mae.
6 Wei maranaina mai Judah, ina vilawani
ma Israel ana nuaubai ina mae.
Ma wavana ina ḡorei, Bada Tauterevaijijimanita.”