10
Sheba ai Gulau wavinena Solomon i raugenari
1 Solomon ana vigulau wavana naenaena ma lamnei Bada i vimae-ḡaeḡaeni. Ma Sheba ai gulau wavinena, wei riwana i nonori ma i ḡei au Jerusalem da paridadana piripirinei Solomon ana nuaulaula ita raudadani.
2 Wavine ana taunola ma kamel maḡamaḡaui ai pulo i vigerui ma ana borui i derirui. Taui ai pulo lam tauvidagiai, ḡaima maiai ḡaeḡaei ma gold ḡaeḡaena. Wavine i nei Solomon awarina ma kaua maḡamaḡaui i vinua-notenotei Solomon i paridadanei.
3 Solomon ana paridadana anatapuna i paribelei, kampa eḡa aiwai tagogi ita piripiri guratana awarina.
4 Sheba ai gulau i aramanei da Solomon nuanuana i ulaula kaua ma; i ʼnanai ana gulau-numana, vigulauna i voai,
5 lam au kepakepa, ana gabemani babadai ai gara, ana wine taupainii, ma pulo i apuapui Bada ana au tempol. Ma wavine ana nota i kwa.
6 Ma Solomon i riwei, “Am kaua anatapuna ma am nuaulaula au au dobu a nononoria lamna anatapuna riwa kaua!
7 Au naona eḡa ata vitumaḡanei wate marina a nei da matauei a inanai da a vitumaḡana. Ma a inanai da aiwai a nononoria lamna eḡa. Tam am vigulau i rata dewadewa.
8 Am taunola i vinuaiai kaua! Am gabemani babadai au naom e maimairi marana patapatai ma am nuaulaula e rarautaniḡanei.
9 Bada am God ana voepaepai, i vinuaiaiem ma i terem Israel ai gulau. Bada ana nuavaina maemaena mai Israel aubai i terem gulau, da riwa kauei ma kaua jijimaninei ma vibada.”
13 Solomon, Sheba ai gulau aiwai anatapuna i rarau-oḡarei ma i vivibaḡei, i verei, wate ḡelaui i vereoi. Anina ma gulau wavinena i wanavira-melei ana au dobu ana taubagibagi maiteni.