Peroveta
Micah
ana buka
Pariverena
Wei bukana, Micah mai Israel e ririwei da God taui awari amlona i ḡaiḡai. Tauna amlona i ḡaiḡai aubaina eḡa ita votelatelei. Lamna aubaina ai ḡavia ina voterei da ina viḡaviei.
Wate nanare Bada ana parivainuaḡana i jimei. Bada i parivainuana da au damona ana rava ina vilawani.
5
Gulau meiei ina nei
1 Sorodia ona vomairi! Ona vokaukaua!
Ḡavia Jerusalem i matave kwaipipini.
Israel ana gulau ina kwapui, jiḡonei navanavana ina kwapui.
2 Tam, Bethlehem Ephrathah,
melaḡai aburu oina dam Judah au orai.
Wate awarimiei, Israel ai gulau ina opu.
Tauna wariaḡana,
au karena da marina.
3 Bada mai Israel i voterei ai ḡavia au urai,
da wavine marina au manawa, tevera orotona ina ḡuni.
Ma ai rava ḡelaui a tuvai-opunei,
ina nememei ai au gana au Israel.
4 Tauna Bada ana rewapanei, ina mairi ma ana sipu ina raveni,
ana vinualaulaunei ma Bada wavana ḡaeḡaenei.
Rava anatapui au dobu, Tauna ina vivirana-kauei
ma lamna aubaina taui kampa ina mae-kaua.