33
God mai Israel i egari da Canaan ina vaia
50 Mai Israel Moab au wapuna, waira Jordan au ririvana i mamae ma, mai Jeriko au baba ḡelauna. Ma Bada Moses i riwei,
51 “Wei riwai mai Israel ma riwei, ‘Maranai Jordan o damani da au Canaan,
52 Dobuna taumaenina anatapui ona viaḡaḡana-opunei. Ai gana da ai kokoitau anatapui ona rika-viamoamoai.
53 Dobu a veremi ona vaia, ḡariemi da ona maeni.
54 Doa ona ḡutai dam damai awarii, au ḡaima ina viatataiemi nanare. Doa vounaina dam vounaina ona verei ma dam voaburuna nanare ana ḡuta voaburuna. Wate ḡaimei ana pariveremi metauna damna, metauna doana ina vaia. Dam anatapui doa ina vaia.
55 —‘Wate mepa da nai dobuna taumaenina eḡa ona viaḡaḡana-opunei ma o vianinei da ina mae, taui lamna me vunavuna au matami bo donadona au ririvami maemaena, ma wei vita ḡaeḡaena ina veremi wei au doana.
56 Mepa da ravai eḡa ona viaḡaḡana-opunei. Lamna taumi ana pupunimi me a viogei da taui ana pupuni.”