34
Bada ma viborumei
Bada ana vimaeḡaeḡaeni marana patapatai,
ma ana viborumana-nonoei.
Orau taputapuneiBada ana voepaepai;
Vilamolamonai riwau ina nonori ma ina vinuaiai.
Ona nei ata Bada tana vimaeḡaeḡaeni
wavana tana voepae-gogonei.
 
A raupari Bada awarina ma i paribeleu,
awariu rovo anatapui i vaitawanei.
Aiavoi awarina e inainana,
taui naoi ina ravilalai
ma eḡa melanai ina vitepa-ubaubai.
Au nota i kwa da a ḡorei, ma i nonori
ma nuabola au orau i vaitawanei.
Aiai da Bada e vivivirana-kauei,
ana anela taui e inana-vaitetei, ma e vivilawani.
 
Taumi ona raudadani ma ona aramanei da Bada i aii.
Taui Bada au ḡouna maemae nuaiai ḡaeḡaena awari.
Taumi vivitumaḡanami eḡa aiwai ona voladaḡei.
Lamna aubaina, Bada ona vivirei.
10 Lion ḡauboi mara ḡela am e irairaḡe,
wate aiavoi da Bada awarina e vitumaḡana eḡa ina voladaḡa.
11 Natunatu, ona nei, ona rautaniḡana,
ma ana viararamanimi da Bada ona vivirei.
12 Taumi o ḡoei da ami lawana ina aii
ma ina manawa bo?
13 Nanare, lamna menami ona paina-melei da eḡa babani apoapoe bo moru ona babaniei.
14 Ḡoa apoapoe ona geduaiei ma kaua aiaii ona kaukauei,
ma ona voguratei da nuauba lawanana ona maeni.
15  Bada, matana ḡoa aiaii ravai awari e tereterei,
ma taniḡana e tonetonei mepa da agu e toutouei.
16 Wate tauna ḡoʼapoapoei ravai e mamae-puputei
taui ina iraḡe ma rava nuanuai ina vuru.
17 Rava jijimanii agu aubaina e viviḡoreBada awarina
tauna e rarautaniḡana ma ai vita e vaivaitawanei.
18 Tauna rava peupeui, rovorovoi, ma vinuabolai e vivilawani,
tauna rava orana i peu kaua e vovoepai.
 
19 Rava jijimanii ai nuabola i maḡa
wate Bada taui e vovoagui ai au nuabola.
20 E inainana-vaitetei da eḡa gelamina tagogi ina wanagai.
 
21 Ḡoa apoapoe ravai ai apoapoe ina vunumelei,
ma aiavoi da ḡoa aiaii ravai e gedugeduaiei, ina kovoḡi.
22  Bada ana taunola e gagagaloei,
aiai da e nenei Bada au ḡouna, kovoḡa ina vorei.