58
Kau aaknga Devitda matakut.
1 Ginu gwapakngi amin, ginu wam yak gwene wamu noman takngakan yakaingunin ba?
Asikaya ginu aminbamdane wamu katak siknga usanzikaing? Wena siknga.
2 Natdetdet zaatangu waiakngakan tasinangge natapan kekekanggak.
Siwan ginda aminu kepna kepna yuaing amin kuupbam zipa maikaing.
3 Sike wai aminda kepi sukukaingu kuupbam kepi take aknga ateke sukukaing.
Sike tapduu engangu kayuk aakaing komuneta apu apmanu kweknga sike yuaingu, waiaknga tasike kem wamban yakaing.
4 Wamu yakaingu unzing gomokgane genaatang marasinu waiaknga yuak binga.
Sike waakwakga maakngi atzaangukaing. Unzing gomokga maakngi kusiwan wamu dua nataaing binga.
5 Gomou waaknga natdetdeu toikngatane wamu dua nataak. Unzing gakngat taknga tasiwan gomou kunduta natake enake taiwikgen.
Sike natdetdet amin tapata benggo noman siknga apuyapan ngana, gomou waapa wamna dua natapik.
6 Anutu, gata wai aminu waakwau pasiwi mainong. Buyambam tapa, waaminda kaap zongu laionda amak tasikaing binga tasikaing.
Unzingge gena zipmanzike kuupbam gatukande ukgwiyamuyo.
7 Waaminu yanggata zipmake kusika kep ganang pukuke sopunggak binga sopunong.
Waaminu kweemna katakga pake sakut kaike mutningu sakutna tundunga siyok.
8 Sike gatu waaminu gapanda kepdakane kungwake kapanga sike sopukaing binga kuut sinong. Gatu engangga mingae musiaatang kungwakaing binga kuut sinong.
Masande mingata tangaiwanu gunzit gwenu dua kawik.
9 Zaatgaman Anututa waaminu apasiwan maining. Unzing aminda katap matek dakandaka pasiwan pimakaing binga.
Waaminu kayuk yuwawan Anututa musiptok natake sambasamba binga mumba kuning.
10 Sike amin nomanda wai aminu Anututa pasiwan maiwan kakengu apbaknganing.
Siwana noman aminda wai amindane dak kakngane kepina sautning.
11 Siwana aminu kunduta gatu anzing yaning,
Siakande siknga, Anututa take aminde buyana nomana siknga yamunggak.
Siakan siknga, Anutu ayuak. Sike ita aminbamu wam yaning komune asusanzikgak ngang yaning.