Sabóor 70
Yàlla, gaawe ma
Mu jëm ci njiital jàngkat yi, ñeel Daawuda, di woy wuy fàttlee.
 
Yàlla, wallu ma!
Éy Aji Sax ji, gaawe ma!
 
Kuy wut sama bakkan,
yal na rus, torox ne tott.
Kuy bége sama loraange,
yal nañu ko duma, waññi ko, mu ne yàcc.
Kuy ñaawle,
yal na dellu gannaaw, torox.
 
Képp ku lay sàkku,
yal na bég, di la bànneexoo.
Képp ku sopp sag wall,
yal na jàppoo: «Yàlla màgg na!»
 
Man de, néew naa doole, ñàkk naa.
Éy Yàlla, gaawe ma.
Yaw yaa may wallu, xettli ma.
Éy Aji Sax ji, bu ma yeexe.