121
Maa Jitoꞌo kuu ia jito jini ña
Yaa ka jita ñayiu nuu mavindanui Jerusalén
1 Nuu ndakoto niꞌni san nuu yuku kaꞌnu yun
te ndakani ini san, ¿ndenu kii ia chituu ña jion?
2 Te ia chituu ña jin san kuu maa Jitoꞌo,
ia ni saꞌa andivi vi ñuyiu.
3 Te ma kuandetu ya ja kekaa ni ja ndonso ni,
te ni ma kusun saꞌun ia jito jini ña jin ni.
4 Chi tu saꞌun kixin ia jito ña jin ñayiu Israel,
te ni tu kixin ndei ya.
5 Maa Jitoꞌo Dios kuu ia jito jini ña,
te nuu kati maa ya ka oo ni.
Te oo ya ichi ndaꞌa kuaꞌa ni ja chituu ña ya.
6 Te ma teñuꞌu ña nikandii tnoꞌo nduu,
ni ma saꞌa kueꞌe ña ndaꞌa yoo tnoꞌo jakuaa.
7 Chi maa Jitoꞌo Dios kuu ia tavaꞌa ña nuu ndiꞌi jakueꞌe.
Maa ya kuu ia tavaꞌa ña jin ni.
8 Chi maa Jitoꞌo Dios kuu ia jito jini ña ndee nuu kee ni veꞌe ni
vi ndee nuu ndajiokuiin ni,
ndee vitna vi nikuii nikani.