126
Ka ndakuatu ñayiu ja na saꞌa ia Dios ja vi ndusii ini
Yaa ka jita ñayiu nuu mavindanui Jerusalén
1 Nuu ni saꞌa Jitoꞌo Dios ja ni ka ndajiokuiin san ñuu san Sión,
ja ni ka jika ndaꞌu san inka ñuu,
te kuu na kuinio nuu ka jani san.
2 Chi saa te ni ka jaku sii san vi ni ka jita san yaa nuu ia Dios.
Yun te ni ka kachi ñayiu sava ka ñuu:
“Kaꞌnu ndevaꞌa tniuu ni saꞌa Jitoꞌo Dios jin ñayiu yun”.
3 Te saa kuu, chi kaꞌnu ndevaꞌa tniuu ni saꞌa Jitoꞌo Dios jin san,
te yun kuu ja ka kusii ini san.
4 Vitna te saꞌa ni ja na vi ndasama san, te vi koo guaꞌa san,
nagua saꞌa ni ja ndajiokuiin yute nuu ñuꞌu yichi Neguev, vi Jitoꞌo san.
5 Chi na ñayiu jate ndikin tata jin tenui,
te kokusii ini nuu ndaxtutui ja kee nuu ñundeꞌi.
6 Te na ñayiu ndaꞌi kuaꞌin nuu jatei triu tatai,
te vi suaꞌa jitai ja kusii ini ndajiokuiin jin nuꞌni triui.