9
1 Gu par nib n’uw nap’an ngu’ug leamnag urngin e pin’ey mu gguy ni Got e be gagiyegnag e ngongol rok e pi’in nib gonop nge pi’in nib mat’aw, ni mus ko t’ufeg nge fananikan rorad. Ma dariy be’ ni manang ko mang e bay nga m’on ni bayi mada’eg.
2 Dariy ban’en nib thil riy. Ka ta’ab wenegan e ra aw ngak be’ nib mat’aw’ nge be’ nib kireb, nge be’ nib manigil nge be’ nib buchan’, nge be’ nib alit nge be’ danga’, nge be’ nma pi’ e maligach rok nge be’ ni der pi’. Be’ ni bfel’ e dariy e thil rorow be nib tadenen; be’ nma micheg ban’en nge be’ ni danga’
3 Ta’ab wenegan e ra yib ngak urngin e girdi’, ran’ey e ba kireb ni bod gubin ban’en ni be buch u lan e re fayleng ney. N’umngin nap’an ni be par e girdi’ ni kabfos, ma laniyan’rad e ba sug ko kireb nge balyang, ma ba tomgin miyad yim’.
4 Machane en be par u lan e fayleng ko pi’in bfos e bay buchu’uw i l’agan’ rok; ba pilis nib fos e kabfel’ ngak ba layon nib yam’.
5 Arrogon, pi’in bfos e yad manang ni bay ram’ad, machane pi’in nib yam’ e dariy ban’en ni yad manang. Yad e dakriy e tow’ath rorad; ya kanpag talinrad.
6 Urngin e t’ufeg rorad, fananikan, nge tin yad be yim’ ni bochan e ke un ngorad ko yam’. Ma dakuriy bayay ni ku ra un nga ban’en ko biney e fayleng.
7 Man ngam abich ma ga be felfelan’, mu unum nunum wayin u fithik’ e felfelan’, bfel’ u wan’ Got.
8 Gubin ngiyal’ ni ngi i par owchem ni bfel’ ma bay e felfelan’ riy.
9 Ngu’um par nib felan’um ko fare pin nib t’uf rom, u n’umngin nap’an e re yafos ney ni dariy gam’ingin ko gin’en nike pi’ Got ngom u roy u fayleng. Mu felfelan’ u gubin e rran ni dariy gam’ingin, ni bochane kemus e n’en rayag ngom ni puluwon gubin e magaer rom.
10 Demturug ko mang e ga be rin’ ma ngam rin’ ni karimus rogom riy, ni bochan e dakriy ban’en ni ngan rin’, ma dariy e tafinay, ma dariy e llowan’, ma dariy e gonop u lan e fayleng ko yam’ — ni aram e gin ni ngam man ngay.
11 Ku gu nang reb e ban’en, u roy u fayleng ni pi’in yad bmachrag ko mil e gathi urngin yay ni yad ma m’on ko sagreng, nge cha’ nib falu’ e gathi urngin yay mma gel ko mael. Pi’in yad ba gonop e gathi urngin ngiyal’ ma ba gaman e tin nib t’uf ko yafos rorad, ma pi’in ba tamilangan’rad e gathi gubin ngiyal’ ma yad bfla’ab, ma pi’in yad ba salap ko gagiyeg e gathi gubin ngiyal’ ni yad ma yan ko liw nib tolang. Gubin e girdi mma buch wa’athan.
12 Dariy be’ nra nang e ngiyal’ nike taw nga tol’. Ni bod e arche’ nra gin ma ke aw ko wup, bod e nig nma aw ko nug, e re gadad nra ngalol e riya’ ni yug gadad ra dada’ ma kad awgad nga tafich.
Pi tafnay ni rogon e gonop nge balyang
13 Ku bay reb e ban’en ni ku gguy, ni be dag rogon nma leamnag e girdi’ e gonop u roy u fayleng.
14 Immoy bochi binaw ni de yo’or e girdi’ riy. Me cham ba pilung ngay nib gel gelngin. Nge cholongbiy nge fel’eg rogon ni nge buthug e yoror riy nga but’.
15 Ma bay be’ nib mo’on nma par u lan fare binaw ni rib gafgow, machane ir be’ nib llowan’ nrayag ni ayuweg fare binaw. Machane dariy be’ ni leamnag e re mo’on nem.
16 Yigguma yog ni gonop e kabfel’ ko yargel, machane dariy be’ nma leamnag ni be’ nib gafgow e ba gonop ara ni motoyil ko n’en ni be yog.
17 Ka bfel’ boch ni ngan motoyil ngab lam nib sobut’ mab munguy ni lungun be’ nib gonop ko ngan motoyil ko tolul’ rok ba pilung u fithik’ ba ulung i balyang.
18 Gonop e ka bo’or fel’ngin ko tatalin e cham, machane ta’reb e tadenen mrayag ni kirebnag bo’or ban’en nib manigil.