36
Pi’in owchen Esau
(1 Kronicles 1:34–37)
1 Ba’aray e pi’in owchen Esau, ni ku yima yog Edom ngak.
2 I le’engiy Esau be’ ni bpin nu Kanaan: ni Adah ni fak Elon nib Hittite; nge Oholibamah, ni be’ ni bpin ni fak Anah nib mo’on ni chitmangin e Zibeon nib Hivite;
3 nge Basemath ni be’ ni bpin ni fak Ishmael ni bay walagen ni bpin ni Nebayoth.
4 Adah e diyannag Elifaz; ma Basemath e diyannag Reuel;
5 me Oholibamah e diyannag Jeush, Jalam, nge Korah. Urngin e pi pagel ney e go’ ni diyan nagrad rok Esau u lan e binaw nu Kanaan.
6 Ma aram me fek Esau fapi ppin ni le’engin, nge urngin pifak ni pumo’on, nge ppin nge urngin e girdi’ nma par u tafen, nib mu’un urngin e gamanman nge urngin e tin ni yag ngak u lan e binaw nu Kanaan, nge chuw nge yan nga reb e binaw nib orel rok Jakob ni walagen.
7 I chuw ni bochan e fare gi binaw ni yow be par Jakob riy e dab kur gaman gad riy; ya kay gi pag urngin e gamanman rorow ni dabkiyag e par rorad u ta’bang.
8 Ere Esau e i par u fithik’ e burey u Edom.
9 Irera’ e pi’in owchen Esau, ni ku yad e chitamngin e Edomite.
10-13 I Adah ni le’engin Esau e ta’reb e bitir ni pagel ni diyannag ni fak Esau, ni Elifaz, ma Elifaz e diyannag lal e pagel: Teman, Omar, Zefo, Gatam, nge Kenaz. Ma Timna ni ku reb i le’engin, e ku ra diyen nagew ta’reb e pagel ni Amalek.
Basemath ni ku reb i le’engin Esau e ki diyannag ta’reb e pagel ngak Esau, ni Reuel, me Reuel e fakay aningeg e pagel: Nahath, Zerah, Shammah, nge Mizzah.
14 Oholibamah ni ku reb i le’engin Esau e diyannag dalip e pagel: Jeush, Jalam, nge Korah, ni re bpin ney e chitamngin e Anah nib mo’on ni fak Zibeon.
15 Irera’ e pi ganong ni yib rok Esau. Fa bin ni nganni’ e pagel ni fak Esau ni Elifaz e ir e chitamngin e tin ba’aray e ganong: ni Teman, Omar, Zefo, Kenaz,
16 Korah, Gatam, nge Amalek. Picha’ ney e yad owchen Adah ni le’engin Esau.
17 Reuel ni fak Esau e ir e chitamngin e tin ba’aray e ganong: Nahath, Zerah, Shammah, nge Mizzah. Picha’ ney e yad owchen Basemath ni le’engin Esau.
18 Tin ba’aray e ganong e rsumgad rok Esau nge Oholibamah ni le’engin, ni be’ ni bpin ni fak Anah: I Jeush, Jalam, nge Korah.
19 Urngin e tiney e ganong e rsumgad rok Esau.
Pi’in owchen Seir
(1 Kronicles 1:38–42)
20-21 Pi’in nri girdi’en e binaw nu Edom e yad yuke girdi’ ni rsumgad rok pifak Seir, ni be’ ko fare ke girdi’ ni Horite: ni irara’ fapi ganong ni Lotan, Shobal, Zibeon, Anah, Dishon, Ezer, nge Dishan.
22 I Lotan e ir e chitamngin l’agrow ke girdi’ ni Hori nge Heman. (Lotan e bay walagen ni bpin ni Timna.)
23 Ma Shobal e ir e chitamngin e yuke girdi’ ni Alvan, Manahath, Ebal, Shepho, nge Onam.
24 I Zibeon e immoy l’agruw i pagel ni fak, ni Aiah nge Anah. (Anah e facha’ ni pir’eg bogi alublub nib gawel e ran riy u lan e ted u nap’an ni be chathowliy e dongki rok e chitamngin.)
25-26 I Anah e ir e chitamngin Dishon, me Dishon e chitamngin e yuke girdi’ ni Hemdan, Eshban, Ithran, nge Cheran. Anah e ki immoy be’ ni bpin ni fak ni Oholibamah.
27 Ezer e ir e chitamngin e yuke girdi’ ni Bilhan, Zaavan, nge Akan.
28 Ma Dishan e ir e chitamngin e gal ke girdi’ ni Uz nge Aran.
29-30 Irera’ e pi ganong ko girdi’ ni Horite u lan e binaw nu Edom: Lotan, Shobal, Zibeon, Anah, Dishon, Ezer, nge Dishan.
Pi Pilung nu Edom
(1 Kronicles 1:43–54)
31-39 U m’on ni daworisum reb e pilung ni nge yog e thin u lan yu Israel, ma ba’aray e pi pilung ni ur gagiyeg niged e binaw nu Edom:
Bala nib pagel ni fak Beor ko binaw nu Dinhabah
Jobab nib pagel ni fak Zerah ko binaw nu Bozrah
Husham ko nug nu Teman
Hadad nib pagel ni fak Bedad ko binaw nu Avith (i gel rok pi Midanite ko mael u lan e nam nu Moab)
Samlah ko binaw nu Masrekah
Shaul ko binaw nu Rehoboth-u daken-fare Lul’
Baal Hanan nib pagel ni fak Achbor
Hadad ko binaw nu Pau (le’engin e Mehetabel, ni be’ ni bpin ni fak Matred ma tutuw rok Mezahab)
40-43 Esau e ir e chitamngin e tin ba’aray e ganong nu Edom: Timna, Alvah, Jetheth, Oholibamah, Elah, Pinon, Kenaz, Teman, Mibzar, Magdiel, nge Iram. Ra reb e pi ganong ney ma fithngan e ku er fithngan e binaw nma par riy.