113
I SOMOL e ma ayweg e girdi’ nike t’uf e ayuw rorad
1 Ke sorok SOMOL!
Gimed e pi tapigpig rok SOMOL,
mu pininged e sorok nga fithingan!
2 Mang e yugun pining e sorok nga fithingan,
e chiney i yan ngaram ndariy n’umngin nap’an.
3 Ngan pining e sorok nga fithingan SOMOL
ni mus ko ngek nge mada’ ko ngal!
4 I SOMOL e be gagiyegnag urngin e pi nam;
feni gilbugwan e ke pag e pi tharmiy ngalang.
5 Dariy be’ ni bod rogon SOMOL ni Got rodad.
Ma par ko bin th’abi lang e giyow,
6 machane ma lumel nga but’
nge guy e pi tharmiy nge fayleng.
7 Me suwonnag e pi’in gafgow u fithik’ e ab;
me chibiy e pi’in bt’uf e ayuw rorad u fithik’ e gafgow
8 me tayrad ngar manged fager ko pi’in pagel ni fak e pilung,
fapi fak e pilung ko girdi’ rok.
9 I tolangnag be’ ni bpin ni dariy fak u lan e tabnaw rok,
me felfelan’nag fare pin ko bitir ni pi’ ngak.
Ke sorok SOMOL!