25
Girdi’en e musik u Tempel
1 David ni Pilung nge pi’in yad ma yog e thin rok e pi Levite e ra mel’eged e yuke girdi’ ni ba’aray ko Levi ni ngar gagiyeg niged rogon gam’ingin e liyor: Asaf, Heman, nge Jeduthun. Yad e ngar wereged e thin rok Got, nib mu’un e musik ko harp nge cymbal ngay. Irera’ babyoren e pi girdi’ nmel’eg ni nge gafaliy fare liyor, nib mu’un ngay mmit i pigpig u reb e ulung:
2 Fa aningeg i pagel ni fal Asaf: Zakur, Josef, Nethaniah, nge Asharelah. Asaf e ir e nge pow’iyrad, ni ngar wereged e thin rok Got ko ngiyal’ nra yog e pilung.
3 Fa nel’ i pagel ni fak Jeduthun: Gedaliah, Zeri, Jeshayah, Shimei, Hashabiah, nge Mattithiah. Chitamangirad e ir e nge pow’iyrad, ni ngar wereged e thin rok Got, nib dachug ngay e musik ko harp nge tang ko sorok nge ogmagaer ngak SOMOL.
4 Fa ragag nge aningeg i pagel ni fak Heman: Bukkiah, Mattaniah, Uzziel, Shebuel, Jerimoth, Hananiah, Hanani, Eliathah, Giddalti, Romamti Ezer, Joshbekashah, Mallothi, Hothir, nge Mahazioth.
5 Got e pi’ ngak Heman ni profet rok e en pilung, ragag nge aningeg i pagel ney ni fak nge ku dalip i ppin, ni bod ni micheg, ni fan e nge gel gelngin Heman.
6 Gubin e pi pagel ni fak ney e go’ yad ma musik ko cymbal nge harp ni ir ni chitamngrad e ma pow’iyrad, u yagagen e liyor u Tempel. Me Asaf, Jeduthun, nge Heman e yad bay u tan lungun e en pilung.
7 Gubin e re rliw’ nge aningeg i pumo’on ney ni go’ yad ba salap; nge pi Levite ni pichongrad e ri yad ba salap ko musik. Gubin e pi pumo’on ney u gubin e 288.
8 Yad ma girengiy e pow ni nge duwgil ko mang e nge rin’ be’ nge be’, ni demturug ko bfel’ yangrem fa kam pilibithir, ara ga ba salap fa kafin mu tabab.
9-31 Pi pumo’on ney ni yad 288 e kan ki’egrad ni yu tabnaw ni rliw’ nge aningeg ulung ni ragag nge l’agruw ni’ nga reb e ulung, nra reb e pi ulung nem ma bay be’ ni ir e ga’ riy. Ba’aray rogon yarmen ni ngar marwelgad: 1) Josef ko tabnaw rok Asaf; 2) Gedaliah; 3) Zakkur; 4) Zeri; 5) Nethaniah; 6) Bukkiah; 7) Asharelah; 8) Jeshayah; 9) Mattaniah; 10) Shimei; 11) Uzziel; 12) Hashabiah; 13) Shebuel; 14) Mattithiah; 15) Jerimoth; 16) Hananiah; 17) Joshbekashah; 18) Hanani; 19) Mallothi; 20) Eliathah; 21) Hothir; 22) Giddalti; 23) Mahazioth; 24) Romamti Ezer.