5
Fare Mo’on
1 Kagub ngalan e milay’ rog,
male’ rog, ma athibon an’ug.
Gu be kunuy e pi spices rog nge myrrh;
gu be kay e honeycomb nge honey rog;
ma gu be unum e wayin rog nge milik.
Fapi Fager
Gal fager mu abichgow migimew be garbod
nge mada’ ko ngiyal’ ni ka mu chinggow ko adag romew.
Bin aningeg e tang
Fare Pin
2 Ngiyal’ ni gu be mol, ma ba od lanin’ug.
Mug lik’ay ni be tugtuguy gamareg e mab.
Fare Mo’on
Mu pageg to’ nggub nga naun’,
gur fiti lanin’ug ma dove rog.
Ke garda’ lolgeg ko wa’ngachol,
ma ke monur piyan lolgeg ko garayuw.
Fare Pin
3 Ku gu mu’ i luf madag;
are mangfan ngku ni gun’ bayay?
Ku gu luknag rifrifen eg;
are mangfan ni ngkug alitnag bayay?
4 Gamareg e ke tay pa’ ko mab,
ma kugu t’on ko felfelan’ nike chugur ngog.
5 Ma ku gu fal’eg rogog ni nggu pag nga naun.
Ke sug e myrrh u pa’ag,
buglipa’ag e ke garda’ ko myrrh,
ni ggogoy e man’ ko mab.
6 Gu bing e mab ngak gamareg,
ma dakimo’ nike yan.
Kargum’ ni bochan ni nggu rung’ag laman!
U gu changarnag i yan mada gu pir’eg;
U gu pining made fulweg lungug.
7 Pi tamatnag ko binaw e ra pir’eged gag;
miyad pirdi’iyeg ngar maad’adgad ngog;
fapi matnag ni yad bay ko yoror ko binaw a ra gochthiyed e thal ni wuru’ e mad rog.
8 Mmicheged ngog, gimed e ppin nu Jerusalem,
ni fa’anra mu pir’eged e en gamareg,
migmed yog ngak ni kug m’ar ni gube yik’ nga chogowen.
Fapi Fager
9 Re pin th’abi pidorang u fithik’ e ppin,
mog en gamarem, yu gub thil u fithik’ gubin e girdi’?
Ri mang e rib fel’ rok e re mo’on nir
ni thingar gu michmichgad ngom?
Fare Pin
10 En gamareg e ba pichoay ma ba gel;
yigo’ ir u fithik’ ragag e biyu’.
11 Lolgen e bod e bin th’abi fel’ e gol;
ma piyen lolugen e ba m’ingm’ing’,
ni ba galunglung ni gowa ba arche’ ni gapluw.
12 Lan owchen e bod yochi dove u charen yoch pa’ i lul,
ni kani luknag ko milik ni bfel’ tagil’ u charen e lul’.
13 Linglingin e bod feni fel’usun bang i milay’
nib sug ko herbs nge spices.
Dap’iligun e bod e floras ni giyab,
nib monur ko myrrh nib renran.
14 Rifrifen pa’ e rib fel’ i chamay,
baye luwaw riy nni ayliy e malang ni galgal ngay.
Downgin e bpach ni bod e ivory,
ni kan ayliy ko sapphire.
15 L’agruw raba’ i ay ni duga’ ni marble
u daken rifrifen ay ni gol.
Feni picho’ay e bod e burey nu Lebanon
nge gek’iy riy ni cedar nib mal’eg.
16 Rib athib l’ugun ni yira kiss nag;
gubin ban’en ni rarogon ma kagum’ ni bochan.
Ppin nu Jerusalem, irera’ rogon e en gamareg.