27
'Auvea Iosua i venua'ivineni Mosese tutulina
18 'Auvea Mosese i voneni i vo, Iosua, Nuni natuna, kumanina 'Anu'anunuku i ageiga, 'u na mieni nimamu 'waineye 'u na yatoi.
19 'U na voneni tovelomu Eleasa manawaneye i na tovoi wata me Isileli matatabudi matadie 'u na lu'ivona Iosua 'omu tutulimu, yadi to'edakumeta.
20 Yamu veimea 'ifwaidi 'u na sivedamanedi Iosua 'waineye bega me Isileli matatabudi i na vematayakeyakeni.
21 Tutuyanina Iosua nuanuana yau 'Auvea a na awave'ede'edeni, i na nago tovelomu Eleasa i na voneni Ulimu i na vefoloveni faifaina, 'wainega i na 'asetai yaku nuanua me Isileli faifaidi. Me Isileli 'adi 'aila'a matatabuna taiadi Iosua bonaneamo i na nagoi wata bonaneamo i na viladi i na maia.”
22-23 'Auvea yana veimea Mosese i 'idewai, Iosua i naweni tovelomu Eleasa wata 'aila'a bwaikina matadie. Nimana i yatodi Iosua 'waineye, veimea i veleni bega i na veto'edakumeta me Isileli faifaidi. Fai 'Auvea i voneyeniga, naninina i 'idewai.