100
Lei subisubia.
1 Tomia fwayafwaya matatabuda, bonada bwaikinega
'Auvea ta na sosoaneni.
2 Ma yada sosoana matatabuna 'wainega ta na subisubiai,
ta na mai mataneye bega ta na lei wata ta na awa'ai'aia.
3 I lubwainemi 'wa na 'aseta-'atumaia,
'Auvea taunina Yaubada.
I 'idewada bega 'ida yana tomotogavo,
I 'i'isave'avinida bani'odi to'isave'avina sifi yana sifivo i 'i'isave'avinidi.
4 Ma yada vekaiwa ta na luku 'Auvea yana Vanuga 'ana 'awa 'waineamo,
ta na vagaluku 'ana masi'eda 'waineye,
bei ta na subisubiai.
E'e, mogitana ta na vevekaiwa 'waineye 'ana wagava ta na sisilakai.
5 'Auvea 'atumaiotogina,
Yana tomotogavo i nuakalikalieda, kebu yana 'eba ve'a'a'avaga,
tubulelelegima 'aitamogana 'aitamogana 'waidie i na vevesauluva 'atumaina kebu i na bailedaga.