110
Same de'e Devida i kilumi
1 'Auvea Yaubada i vona 'aku Toveimea 'waineye i vo,
Veimea a velemuga bega 'u na miabui 'aku 'atagiega,
i na nagoga 'ana tugusa 'amu gaviavo a na vetoketoke-'iawedi bega 'u na veveimeyedi.”
2 'Auvea yamu 'eba veimea i na 'ivebwaiki,
Ielusalema 'wainega i na souyeni i na vaganago
nika 'amu gaviavo 'u na veveimeyedi.
3 Tutuyanina 'u na nago vetalaga faifaina,
yamu tomotoga taunidi i na tauyedi 'waimuye, taiadi 'wa na nagoi.
'U na vaigavu talauma tabutabudi 'waidiega.
'Aiata 'aitamogana 'aitamogana yamu toketokena a na luluve'ivauya,
bani'odi numula i obuobu abamega 'awa'awai 'aitamogana 'aitamogana 'waidie.
4 'Auvea i vona'awaufaufa, kebu tamu sai'afo nuana i na sivilai i vo,
'Omu 'u vetovelomu-vagata, bani'odi tovelomu bwaikina Melekisadeki.”
5 'Auvea 'amu 'atagiega i tovotovoi i na 'i'ibababalemu.
Tutuyanina i na nuasako-'afo'afoga kini fuedi i na kualedi.
6 Tomotoga 'adi 'aila'a tulina tulina i na vematavulogidi,
tomotoga fuedi i na luvewafadi, tomogodi fwayafwaya i na luvaia.
'Ana tovedumwe'ai'aivo 'unu'unudi i na tutufuafuadi fwayafwaya matatabuna 'waidie.
7 Tutuyanina i na nunago 'edeye, we'e ufa 'waidie i na le'wale'waga i na yemuyemu,
yana toketokena i na luluve'ivauya i na vetoketoke.