114
Gate beledxúaj benne' Israel ca' lu xe̱zr la xu Egipto,
beledxúaj zri'ine zre sua Jacob lu xe̱zr la xu chee̱
benne' zitu' ca',
na' gulaca zri'ine zre sua Judá ca tu xu'u lizre Dios,
gulaca benne' Israel ca' naga dxenná be̱'e̱.
Ble'e Nísadau' Xrna da nigá, na' bzrunnuj na,
na' gugá xe̱gu Jordán.
Gulexrite xi'a zri'a ca' ca dxelexrite chivo ca',
na' gulexrite xí'adu ca' ca dxelexrite chíbudu ca'.
¿Bizra guca chiu', nísadau', lawe' da be̱n na bzrúnnuju'?
¿Bizra guca chiu', xe̱gu Jordán, lawe' da be̱n na gugú'?
Le'e, xi'a zri'a ca', ¿Bizr chee̱ na' guxrítele ca dxelexrite
chivo ca'?
Le'e, xi'adu ca', ¿Bizr chee̱ na' guxrítele ca dxelexrite
chíbudu ca'?
Dxezrize xe̱zr la xu lau Xránadxu Dios, lau Dios chee̱ Jacob.
Dios nigá be̱ne̱' bexaca xiaj xre' tu beaj nisa,
na' bexaca xiaj tu ga dxalaj nisa.