16
1 Bxue neda', Dios, lawe' da dxuxrén lazra' Lue'.
2 Lu xichaj lázrdawa' gucha' Xrana' Dios:
“Lue' nacu' Xrana'.
Quebe bi xetú da xrlátaje de̱ chia' da quebe naca na chiu'.”
3 Tuze benne' ca' zaj naque̱' chee̱ Dios lu xe̱zr la xu,
ne benne' ca' zaj naque̱' du lazre' dxezaca ba lázrele̱na'.
4 Waxánqueze da dxelezaca benne' ca' dxelape̱' ba lá'ana
tu dios quebe bi zaca.
Quebe guna' le̱' tu zren gate dxuluzríe̱' zren lau dios na',
ne quebe guchíneda' la dios na'.
5 Xránadxu Dios dxugawe̱' neda', ne naque̱' da ba neza chia'.
Lue', Dios, nuxru' ca da naca chia'.
6 Ca da nuzú' chia' zaj naca na da dxezi'a ba neza,
ne xrtante̱ zaj naca da nunnu' chia'.
7 Tu gucá'ana szrénzqueza' Xránadxu Dios,
Bénnea' dxusé̱dene̱' neda'.
Chizrela gate ne dxasia' dxuzéajni'ine̱' neda' lu xichaj lázrdawa'.
8 Xránadxu Dios nuxrén lazra' gusi'e̱ neda'.
Lawe' da zue̱' cuita', quebe bi seque' guchebe na neda'.
9 Chee̱ le̱ na' gubé lázrdawa', ne gubéle̱'e̱quezda',
na' zra gacha' lu xe̱dxu ba cueza lazra'
10 lawe' da quebe gucá'anu' bénne'du xu'a lu lataj ba xa',
ne quebe gu'u lataj guzru nu benne' nácaqueze̱' chiu'.
11 Gulé'enu' neda' da guna' chee̱ gata' chia' xel-la' nabán.
Naga zu' Lue' wabéle̱'e̱quezda',
na' cuitu' Lue' súatequeze da ba neza chia'.