54
Bselá neda', Dios, nen xel-la' waca chiu'.
Gúcale̱ neda', Dios, nen xel-la' wal-la chiu'.
Bene da dxenaba' lau', Dios, ne beche̱be chia'.
Bze̱ naga da guchálajle̱na' Lue'.
Za'aca benne' snia ca' xeledíl-lale̱ne̱' neda'.
Benne' xichaj zra'a ca' dxelaca lazre̱' xelútie̱' neda',
benne' ca' quebe dxelape̱' ba lá'ana Lue', Dios.
 
Dios naque̱' Benne' dxácale̱ne̱' neda'.
Xránadxu Dios zúale̱ne̱' benne' ca' dxuluxúe̱' neda'.
Ca naca da cale̱la dxelún benne' dxeledábague̱' neda',
xuzrí'i Dios na chee̱ benne' ca'.
Guzría xi'e̱ benne' ca' lawe' da naque̱' li lazre'.
 
Du lazra' cu'a da gudéa' lau Lue', Xran.
Güe lá'anaqueza' Lau' lawe' da nácale̱'e̱ na xrlátaje.
Bseláu' neda' lu xúgute̱ da ste̱be guzúa'.
Ble'eda' gulebía xi' benne' ca' dxeledábague̱' neda'.