N na Alatala maxandi n ma tɔɔrɛ kui,

a n yaabima nɛ.

2 Alatala, n natanga wule falɛe dɛ ma,

naxee mixie madaxuma.

3 Mixi madaxui, a fama munse rabade?

4 A fama sɔxɔɛ nan tide tanbɛ raluganxie ra,

a fama ganyi tide tɛ wolee ra.

5 A xɔrɔxɔ n bɛ lufe ra Meseki bɔxi ma,

a xɔrɔxɔ n bɛ lufe ra Kedari bɔnsɔɛ ya ma.

6 N bara bu yi mixie ya ma,

naxee bɔɲɛsa xɔnxi.

7 N tan na bɔɲɛsa nan bɛ,

kɔnɔ n nɛfɛ wɔyɛn,

e tan wama gere nan xɔn ma.