1 شّمّ سّنبّمَ ندٍ نُ نَ بُنيَمِن بْنسْي يَ مَ، عَ شِلِ كِسُ. عَ بٍنبَيٍ نَن يِ كِ؛ عَبِيّلِ، سٍرٌرِ، بٍكٌرَتِ، نُن عَقِيَ. 2 عَ شَ دِ شّمّ فبَنفبَلَنيِ ندٍ نُ نَ نَشَن شِلِ سْلُ. عَ نُ رَيَبُ عِسِرَيِلَكَ بِرِن بّ، عَ مَن نُ كُيَ دَنفِ عٍ بِرِن نَ. 3 لْشْي ندٍ كِسُ شَ سٌقَلٍ لَنمَيٍ نَشَ لْي، عَ نَشَ عَ قَلَ عَ شَ دِ شّمّ سْلُ بّ، «كٌنيِ كٍرٍن تٌنفٌ، عِ سَ ﭑ مَ سٌقَلٍ لَنمَيٍ قٍن.»

4 عٍ نَشَ مِنِ عٍقِرَ مِ فٍيَيٍ رَ، عٍ سَلِسَ بْشِ عِحّرّ، كْنْ عٍ مُ سٌقَلٍيٍ تٌ. عٍ نَشَ بُنيَمِن بْنسْي شَ بْشِ قَن عِحّرّ، كْنْ عٍ مُ عٍ تٌ. 5 عٍ تٌ سٌ سُقُ بْشِ مَ، سْلُ نَشَ عَ قَلَ عَ شَ كٌنيِ بّ نَشَن نُ بِرَشِ عَ قْشْ رَ، «وٌن فبِلٍن، عَلَكٌ ﭑ بَبَ نَشَ كْنتْقِلِ وٌن مَ قٍ رَ، دَنفِ سٌقَلٍيٍ شَ قٍ رَ.» 6 نَ كٌنيِ نَشَ عَ يَابِ، «عَلَ شَ مِشِ بِنيّ ندٍ نَ يِ تَا كُي، نَشَن شَ مَسٍنيِ كَمَلِمَ تّمُي بِرِن. وٌن شَ عَ مَشْرِن عَ شَ سْونّيَ كِرَ مَسٍن وٌن بّ.» 7 سْلُ نَشَ عَ قَلَ عَ شَ كٌنيِ بّ، «مِشِ نْمَ سِفَدٍ عَلَ شَ مِشِ مَ عَ بّلّشّ عِفٍلِ رَ؟ هَلِ تَامِ كٍرٍن مُ نَ وٌن مَ فبْنقْي كُي. سٍسٍ مُ نَ وٌن يِ رَ، وٌن نَشَن قِمَ عَلَ شَ مِشِ مَ. وٌن نَ رَبَمَ دِ؟» 8 عَ شَ كٌنيِ نَشَ عَ يَابِ، «كْبِرِ دِ نَ ﭑ يِ رَ وٌن نَشَن قِمَ عَلَ شَ مِشِ مَ، عَلَكٌ عَ شَ سْونّيَ كِرَ مَسٍن وٌن بّ.» 9 نَ وَشَتِ، عِسِرَيِلَكَ نَشٍيٍ نُ وَ مَ مَشْرِنيِ تِقٍ عَلَتَلَ مَ عٍ نُ عَ قَلَمَ، «وٌن شَ سِفَ سٍمَتٌي يِرٍ.» تٌ نَ سٍمَتٌي شِلِ قَلَمَ نَمِحْنمّ.

10 سْلُ نَشَ عَ قَلَ عَ شَ كٌنيِ بّ، «عَوَ، وٌن شّي.» عٍ نَشَ سِفَ نَ تَا كُي، نَ عَلَ شَ مِشِ نُ نَ دّننَشّ. 11 عٍ تٌ سٌ نَا، عٍ نَشَ فِنّدِ مّدِيٍ لِ كِرَ شْن، عٍ سِفَقٍ يٍ بَدٍ. عٍ نَشَ عٍ مَشْرِن، «سٍمَتٌي نَ بٍ؟» 12 فِنّدِ مّدِيٍ نَشَ عٍ يَابِ، «عِيٌ، عَ بَشِ سٌدٍ يَكْسِ، كْنْ وٌ شُلُن دٍ، بَرِ مَ عَ قَشِ سّرّشّ بَدٍ حَمَ نَن بّ فٍيَ قَرِ. 13 شَ وٌ سٌمَ تَا كُي يَكْسِ، وٌ عَ لِمَ نّ نَا بٍينُن عَ شَ تٍ فٍيَ قَرِ سّرّشّ شْلِدٍ. حَمَ مُ عَ دّفٍمَ عَ شَنبِ، قٌ عَ شَ سّرّشّ دُبَ بٍينُن مِشِيٍ شَ عَ شْلِ. وٌ تٍ يَكْسِ. وٌ عَ لِمَ نَا.»

14 عٍ تٌ سٌ تَا كُي، سَمُوٍلِ نَشَ مِنِ عٍ رَلَندٍ سِفَقٍ رَ فٍيَ قَرِ. 15 بٍينُن سْلُ شَ قَ، عَلَتَلَ نُ بَرَ عَ قَلَ سَمُوٍلِ بّ، 16 «تِنَ، يِ وَشَتِ، ﭑ بُنيَمِن بْنسْي مِشِ ندٍ شّيمَ عِ يِرٍ. عِ شَ تُرٍ سَ عَ شُنيِ مَ عَ مَسٍنقٍ رَ عَ عَ شَ قِندِ ﭑ مَ عِسِرَيِلَ حَمَ مَنفّ رَ. عَ قَمَ ﭑ مَ حَمَ رَكِسِدٍ قِلِسِتَكَيٍ مَ. ﭑ بَرَ ﭑ مَ حَمَ شُي مّ.»

17 سَمُوٍلِ تٌ سْلُ تٌ، عَلَتَلَ نَشَ عَ قَلَ عَ بّ، «ﭑ شّمّ نَشَن شَ قٍ قَلَ عِ بّ، عَ تَن نَن يِ كِ. يَامَرِ لُمَ عَ يِ رَ ﭑ مَ حَمَ شُن نَ.» 18 سْلُ نَشَ عَ مَسٌ سَمُوٍلِ رَ تَا سٌدٍ دّ رَ، عَ نَشَ عَ قَلَ عَ بّ، «يَندِ، سٍمَتٌي شَ بَنشِ مَسٍن مُشُ بّ.» 19 سَمُوٍلِ نَشَ عَ يَابِ، «سٍمَتٌي نَ ﭑ تَن نَن نَ. وٌن شّي فٍيَ قَرِ. وٌن بِرِن شَ وٌن دّفٍ يِرٍ كٍرٍن. تِنَ ﭑ عِ شَ كْنتْقِلِ بَمَ عِ مَ، ﭑ قَ عِ بّحِن. 20 عِ نَشَ كْنتْقِلِ عِ شَ سٌقَلٍ لَنمَيٍ شَ قٍ رَ نَشٍيٍ لْيشِ كَبِ شِ سَشَن. سٍسٍ مُ عٍ تٌشِ، عٍ بَرَ تٌ. نَشَن تِدٍ فبٌ عِسِرَيِلَ، عَ قِندِ مَ ندٍ فبٍ رَ؟ عِ تَن شَ مُ عَ رَ، عَ نُن عِ بَبَ شَ دٍنبَيَ بِرِن؟» 21 سْلُ نَشَ عَ قَلَ عَ بّ، «بُنيَمِنكَ نَن ﭑ نَ. مُشُ تَن شَ مُ شُرُن بْنسْي بِرِن بّ عِسِرَيِلَ؟ مُشُ شَبِلّ قَن مُ شُرُن شَبِلّ بِرِن بّ بُنيَمِن بْنسْي تَفِ؟ مُنقٍ رَ عِ وْيّنمَ ﭑ بّ يِ كِ؟»

22 سَمُوٍلِ نَشَ سْلُ نُن عَ شَ كٌنيِ رَ سٌ بَنشِ كُي، عَ نَشَ بِنيّ مَفٌرٌدٍ سٌ عٍ يِ رَ مِشِ شِلِشِ تٌنفٌ سَشَن تَفِ. 23 سَمُوٍلِ نَشَ عَ قَلَ كُرِ سٌمَ بّ، «قَ دٌنسٍ رَ ﭑ نُ نَشَن مَ عِ شَ عَ سَ عَ شَتِ مَ.» 24 كُرِ سٌمَ نَشَ قَ سُبٍ تَبٍ رَ، عَ عَ دْشْ سْلُ يَ عِ. سَمُوٍلِ نَشَ عَ قَلَ سْلُ بّ، «يِ سُبٍ دٌن، نَشَن سَشِ عَ شَتِ مَ عِ بّ، ﭑ تٌ يِ مَلَنيِ مَشِلِ.» نَ لْشْي، سْلُ نُن سَمُوٍلِ نَشَ عٍ دّفّ يِرٍ كٍرٍن. 25 نَ دَنفِ شَنبِ، عٍ نَشَ فٌرٌ كٍلِقٍ فٍيَ قَرِ، عٍ سٌ تَا كُي. عٍ نَشَ لُ يِرٍ كٍرٍن بَنشِ قَرِ، بٍرٍدٍ نُ نَ دّننَشّ.

26 نَ كُيٍ عِبَ سُبَشّ، عٍ نَشَ كٍلِ. سَمُوٍلِ نَشَ سْلُ شِلِ بَنشِ قَرِ مَ، عٍ شَ عٍ بٌورٍ تٌ. عَ نَشَ عَ قَلَ عَ بّ، «كٍلِ، ﭑ شَ عِ مَتِ كِرَ شْن.» سْلُ نَشَ كٍلِ، عٍ نَشَ مِنِ كِرَ مَ، عَ تَن نُن سَمُوٍلِ. 27 عٍ تٌ مِنِ تَا قَرِ مَ، سَمُوٍلِ نَشَ عَ قَلَ سْلُ بّ، «عَ قَلَ عِ شَ كٌنيِ بّ، عَ شَ دَنفِ يَرٍ.» كٌنيِ تٌ دَنفِ يَرٍ، سَمُوٍلِ نَشَ عَ قَلَ سْلُ بّ، «تِ بٍ، عَلَكٌ ﭑ شَ عَلَتَلَ شَ مَسٍنيِ ندٍ قَلَ عِ بّ.»