1 دَوُدَ شَ دِ سُلٍمَنِ شَ مَنفّيَ نُ مَبَنبَنشِ عَ قَنيِ رَ، بَرِ مَ عَ مَرِفِ عَلَتَلَ نُ نَ عَ سّيتِ مَ، عَ نُ عَ شَ قٍ مَتٍ. 2 نَ تّمُي سُلٍمَنِ نَشَ عِسِرَيِلَ حَمَ بِرِن شِلِ، مِشِ وُلُ شُنيِيٍ، مِشِ كّمّ شُنيِيٍ، كِيتِسَيٍ، عِسِرَيِلَ يَرٍرَتِيٍ، عَ نُن دٍنبَيَ شُنيِ بِرِن. 3 سُلٍمَنِ نُن حَمَ نَشَ سِفَ فَبَيٌن، يِرٍ عِتٍشِ كِرِ بَنشِ نَرَلَندٍ نُ نَ دّننَشّ، عَلَتَلَ شَ كٌنيِ مُنسَ نُ بَرَ نَشَن يَءِلَن فبٍنفبٍرٍنيِ مَ. 4 دَوُدَ نُ بَرَ عَلَتَلَ شَ سَاتّ كَنكِرَ تَن شَنِن دَرِ سَلَمُ، عَ عَ دْشْ كِرِ بَنشِ ندٍ كُي عَ نُ بَرَ نَشَن تِ. سِنفٍ، نَ كَنكِرَ نُ نَ كِرِيَتِ يٍيَرِ مِ نّ. 5 سّرّشّبَدٍ يْشُي دَاشِ، عُرِ شَ دِ بّسَلّلِ، شُرُ شَ مَمَدِ، نُ بَرَ نَشَن يَءِلَن، نَ نُ نَ عَلَتَلَ شَ هْرْ مْلِنفِرَ يَ رَ. سُلٍمَنِ نُن حَمَ نَشَ سِفَ عَلَتَلَ وَشْنقٍ قٍندٍ مّننِ. 6 سُلٍمَنِ نَشَ تٍ نَ سّرّشّبَدٍ يْشُي دَاشِ قّ مَ، عَلَتَلَ يَ شْرِ، كِرِ بَنشِ نَرَلَندٍ نَ دّننَشّ، عَ قَ سّرّشّ فَن دَاشِ وُلُ كٍرٍن بَ.

7 نَ كْي رَ، عَلَ نَشَ مِنِ سُلٍمَنِ مَ، عَ عَ مَسٍن عَ بّ، «عِ وَ مَ سٍ نَشَن شْن، عَ قَلَ ﭑ بّ، ﭑ شَ عَ قِ عِ مَ.» 8 سُلٍمَنِ نَشَ عَلَ يَابِ، «عِ بَرَ هِننّ ﭑ بَبَ دَوُدَ رَ، عِ بَرَ ﭑ تِ مَنفّ رَ عَ حْشْي رَ. 9 يَكْسِ، ﭑ مَرِفِ عَلَتَلَ، عِ نَشَن مَسٍن ﭑ بَبَ دَوُدَ بّ، عِ شَ عَ رَكَمَلِ، بَرِ مَ عِ بَرَ ﭑ تِ حَمَ شُن مَ نَشَن فبٌ عَلْ شُبٍ. 10 ﭑ بَرَ عِ مَشَندِ يَكْسِ، عِ شَ لْننِ نُن قٍ كٌلٌنيِ قِ ﭑ مَ، عَلَكٌ ﭑ شَ نْ يِ حَمَ رَحّرّدٍ. شَ نَ مُ عَ رَ ندٍ نْمَ يِ حَمَ فبٍفبٍ رَحّرّدٍ؟»

11 عَلَ نَشَ عَ مَسٍن سُلٍمَنِ بّ، «يِ نَن قَشِ عِ سٌندٌنيِ مَ. عِ مُ بَننَيَ مَشَندِ، شَ نَ مُ عَ رَ نَاقُلِ، شَ نَ مُ عَ رَ بِنيّ. عِ مُ ﭑ مَشَندِ ﭑ شَ عِ شْننَنتٍيٍ قَشَ. عِ مُ ﭑ مَشَندِ ﭑ شَ عِ شَ سِمَيَ شْن نَكُيَ. عِ لْننِ نُن قٍ كٌلٌنيِ نَن مَشَندِشِ، عَلَكٌ عِ شَ ﭑ مَ حَمَ رَحّرّ، ﭑ عِ تِشِ نَشٍيٍ شُن مَ. 12 نَ نَ عَ رَ ﭑ بَرَ عِ شَ مَشَندِ سُشُ. ﭑ لْننِ نُن قٍ كٌلٌنيِ قِمَ نّ عِ مَ، ﭑ مَن بَننَيَ، نَاقُلِ، نُن بِنيّ سَمَ نَ قَرِ دَنفِقٍ مَنفّ بِرِن نَ نَشٍيٍ سِنفٍ تِ عَ نُن نَشٍيٍ تِمَ عِ دَنفِ شَنبِ.» 13 نَ كُي، سُلٍمَنِ نَشَ كٍلِ فَبَيٌن يِرٍ عِتٍشِ، كِرِ بَنشِ نَرَلَندٍ نُ نَ دّننَشّ، عَ فبِلٍن دَرِ سَلَمُ، عَ عِسِرَيِلَ رَحّرّ.

14 سُلٍمَنِ نَشَ سْورِ رَفِسٍيٍ نُن سٌي رَفِيٍ مَلَن. سْورِ رَفِسٍ وُلُ كٍرٍن كّمّ نَانِ، نُن سٌي رَفِ وُلُ قُ نُن قِرِن نَن نُ نَ مَنفَتَا رَ دَرِ سَلَمُ نُن تَا مَكَنتَشِ فبّتّيٍ كُي. 15 مَنفّ نَشَ عَ نِيَ فبٍتِ نُن شّيمَ شَ وُيَ دَرِ سَلَمُ دَنفِقٍ فّمّ شْرِ رَ. وُرِ قَنيِ نَشَن شِلِ سّدِرِ، نَ نَشَ وُيَ دَنفِقٍ سِكٌمٌرٌ وُرِ رَ نَشٍيٍ نَ سٍقٍلَ بْشِ مَ. 16 سُلٍمَنِ نُ سٌي سَرَ مَ مِسِرَ نُن كٌوَ بْشِ نَن مَ. مَنفّ شَ يُلّيٍ نَن نُ سِفَمَ عٍ سَرَدٍ عَ بّ. 17 عٍ سْورِ رَفِسٍ سَرَ فبٍتِ كِلٌ سٌلٌقٍرٍ رَ، عٍ سٌي سَرَ فبٍتِ كِلٌ كٍرٍن نُن عَ تَفِ رَ. عٍ نَ مْولِ سَرَ شِتِ نُن سِرِيَ مَنفّيٍ قَن بّ.

18 سُلٍمَنِ نَشَ يَامَرِ قِ عَ هْرْ مْبَنشِ شَ تِ عَلَتَلَ بّ، مَنفّ بَنشِ شَ تِ عَ تَن قَن بّ.