29
شٍسٍكِيَ شَ مَنفّيَ
عِسِرَيِلَ مَنفّيٍ عِِ ١٨‏؛١ ٬ ٤
شٍسٍكِيَ مَنفّيَ سْتْ عَ حّ مْشْحّن نُن سُولِ نَن مَ، عَ قَ حّ مْشْحّن نُن سٌلٌمَنَانِ مَنفّيَ رَبَ دَرِ سَلَمُ. عَ نفَ نُ شِلِ نّ عَبِيَ، سَكَرِ شَ دِ فِنّ. عَ عَ حّرّ نّ عَلَتَلَ شَ تِنشِنيِ كُي، عَلْ عَ بَبَ دَوُدَ عَ رَبَ كِ نَشّ.
عَ شَ مَنفّيَ حّ سِنفٍ كِكٍ سِنفٍ كُي، عَ نَشَ عَلَتَلَ شَ بَنشِ نَادّيٍ رَبِ، عَ عٍ يَءِلَن. عَ نَشَ سّرّشّدُبّيٍ نُن لٍوِكَيٍ مَشِلِ، عَ عٍ مَلَن تّتّ كُي سٌفٍفٌرٌدٍ. عَ نَشَ عَ مَسٍن عٍ بّ، «لٍوِكَيٍ، وٌ وٌ تُلِ مَتِ ﭑ نَ. وٌ شَ وٌ رَ سّنِيّن، وٌ شَ وٌ بَبَيٍ مَرِفِ عَلَتَلَ شَ بَنشِ رَ سّنِيّن، وٌ شَ سٍ سّنِيّنتَرٍ بِرِن رَ مِنِ عَلَتَلَ شَ هْرْ مْبَنشِ كُي. وٌن بَبَيٍ نُ بَرَ عَلَتَلَ رَبّحِن، عٍ قٍ كٌبِ رَبَ عٍ مَرِفِ عَلَتَلَ رَ. عٍ نُ بَرَ عٍ كٌبٍ تِ عَلَتَلَ رَ، نُن عَ شَ هْرْ مْبَنشِ رَ. عٍ نَشَ هْرْ مْبَنشِ نَادّيٍ يَتِ بَلَن. عٍ نَشَ لَنثُييٍ رَشُبٍن، عٍ مُ سُرَيِ نُن سّرّشّ فَن دَاشِ بَ عِسِرَيِلَ مَرِفِ عَلَ بّ يِرٍ سّنِيّنشِ كُي. نَ كُي، عَلَتَلَ نَشَ شْنْ دَرِ سَلَمُ نُن يُدَيَ مَ، عَ نَا قِندِ فبَلٌي يِرٍ رَ. سِ فبّتّيٍ يٌمَ وٌن مَ عَلْ وٌ عَ تٌشِ كِ نَشّ. نَ بَرَ عَ نِيَ وٌن بَبَيٍ شَ قَشَ سَنتِدّفّمَ رَ، وٌن مَ فِنّيٍ، نُن وٌن مَ دِ شّمّيٍ نُن فِنّيٍ بَرَ قِندِ فٍيلِمَنِيٍ رَ. 10 يَكْسِ ﭑ بَرَ عَ حَنِفٍ ﭑ بْحّ كُي وٌن شَ سَاتّ تٌنفٌ عِسِرَيِلَ مَرِفِ عَلَتَلَ بّ، عَلَكٌ عَ شَ شْنّ شَ فبِلٍن وٌن قْشْ رَ. 11 يَكْسِ ﭑ مَ دِيٍ، وٌ شَ وٌ تُننَبّشِ، بَرِ مَ عَلَتَلَ نَن وٌ سُفَندِشِ، عَلَكٌ وٌ شَ قِندِ عَ شَ كٌنيِيٍ رَ، وٌ شَ سُرَيِ فَن سّرّشّ رَ عَ بّ.»
12 نَ كُي يِ لٍوِكَيٍ نَشَ كٍلِ؛ عَمَسَيِ شَ دِ مَشَتِ، عَسَرَيَ شَ دِ يٌوٍلِ، كٍهَتِ شَ دِ ندٍيٍ، مٍرَرِ شَ دِ ندٍيٍ، عَبِدِ شَ دِ كِسِ، يٍهَلٍلٍلِ شَ دِ عَسَرَيَ، فٍرِ سٌن شَ دِ ندٍيٍ، سِمَ شَ دِ يٌوَ، يٌوَ شَ دِ عٍدٍن، 13 عٍلِسَقَن مَ دِيٍ سِمِرِ نُن يٍيِيٍلِ، عَسَقِ شَ دِيٍ سَكَرِ نُن مَتَنِيَ، 14 هٍمَن شَ دِيٍ يّشِيّلِ نُن سِمٍيِ، نُن يٍدُتُن شَ دِيٍ سٍمَيَ نُن يُسِيّلِ.
15 عٍ تٌ فّ عٍ يّتّ رَ سّنِيّندٍ، عٍ نَشَ عٍ نفَشَكٍرٍنيِيٍ مَلَن، عٍ شَ عَلَتَلَ شَ بَنشِ قَن رَ سّنِيّن عَلَتَلَ شَ سّرِيّ كِ مَ. مَنفّ نُ بَرَ نَ يَامَرِ قِ. 16 سّرّشّدُبّيٍ نَشَ سٌ عَلَتَلَ شَ بَنشِ كُي عَلَكٌ عٍ شَ نَا رَ سّنِيّن. عٍ سٍ سّنِيّنتَرٍ نَشٍيٍ بِرِن لِ عَلَتَلَ شَ هْرْ مْبَنشِ كُي، نُن عَ تّتّ كُي، لٍوِكَيٍ نَشَ نَ بِرِن تٌنفٌ، عٍ عَ وْلّ عِ سٍدِرٌن فُلُنبَ كُي. 17 عٍ نَ وَلِ قْلْ كِكٍ شِ سِنفٍ نّ. عَ شِ سٌلٌمَسَشَن ندٍ، عٍ نُ بَرَ فّ مّننِ بِرِن نَسّنِيّندٍ هَن بُنتُنيِ رَ. عٍ مَن وَلِ نّ شِ سٌلٌمَسَشَن هْرْ مْبَنشِ قَن يَتِ رَ سّنِيّندٍ. كِكٍ سِنفٍ شِ قُ نُن سٍننِ ندٍ، عٍ نَشَ فّ نَ وَلِ بِرِن نَ.
18 نَ دَنفِ شَنبِ، عٍ نَشَ سِفَ مَنفّ شٍسٍكِيَ يِرٍ، عٍ دّنتّفّ سَ عَ بّ، «مُشُ بَرَ عَلَتَلَ شَ بَنشِ بِرِن نَسّنِيّن، سّرّشّبَدٍ، سّرّشّ فَن دَاشِ بَدٍ نُن عَ يِرَبَسٍيٍ، تٍيبِلِ، تَامِ سّرّشّ سَمَ دّننَشّ، نُن عَ يِرَبَسٍيٍ. 19 مُشُ بَرَ سٍ بِرِن يَءِلَن، مُشُ بَرَ سٍ بِرِن نَسّنِيّن، مَنفّ عَشَسِ نَشَن كْسّ عَ شَ تِنشِنتَرٍيَ كُي عَ شَ مَنفّيَ وَشَتِ. نَ بِرِن نَ عَلَتَلَ شَ سّرّشّبَدٍ يَ رَ.»
20 كُيٍ تٌ عِبَ، مَنفّ شٍسٍكِيَ نَشَ تَا كُنتِفِيٍ مَلَن، عٍ تٍ عَلَتَلَ شَ هْرْ مْبَنشِ. 21 مَنفّ نَشَ يَامَرِ قِ هَرُنَ شَ دِ سّرّشّدُبّيٍ مَ، عٍ شَ تُورَ سٌلٌقٍرٍ، يّشّي كٌنتٌنيِ سٌلٌقٍرٍ، يّشّييْرّ شّمّمَ سٌلٌقٍرٍ، نُن سِكْتّ سٌلٌقٍرٍ بَ يُنُبِ شَقَرِ سّرّشّ رَ عَلَتَلَ شَ سّرّشّبَدٍ قَرِ. 22 سّرّشّدُبّيٍ نَشَ تُورَيٍ كْن نَشَبَ، عٍ عٍ وُلِ كَسَن سّرّشّبَدٍ مَ. عٍ نَشَ يّشّي كٌنتٌنيِيٍ كْن نَشَبَ، عٍ عٍ وُلِ كَسَن سّرّشّبَدٍ مَ. عٍ نَشَ يّشّييْرّيٍ كْن نَشَبَ، عٍ عٍ وُلِ كَسَن سّرّشّبَدٍ مَ. 23 نَ دَنفِ شَنبِ، عٍ نَشَ قَ سِكْتّيٍ رَ نَشٍيٍ قِندِ مَ يُنُبِ شَقَرِ سّرّشّ رَ. مَنفّ نُن حَمَ نَشَ عٍ بّلّشّ سَ عٍ مَ. 24 سّرّشّدُبّيٍ نَشَ عٍ كْن نَشَبَ، عٍ عٍ وُلِ عِقِلِ سّرّشّبَدٍ مَ يُنُبِ شَقَرِ سّرّشّ رَ عِسِرَيِلَ بِرِن بّ. مَنفّ نُ بَرَ عَ قَلَ عَ نَ سّرّشّ فَن دَاشِ نُن نَ يُنُبِ شَقَرِ سّرّشّ شَ رَبَ عِسِرَيِلَ بِرِن بّ. 25 مَنفّ نَشَ لٍوِكَيٍ تِ عَلَتَلَ شَ هْرْ مْبَنشِ كُي، بّيتِبَسٍيٍ عَلْ مَشَسٍيٍ نُن كْرَيٍ نُ نَ عٍ يِ رَ، عَلْ دَوُدَ، عَننَبِ فَدِ، نُن عَننَبِ نَتَن نُ بَرَ عَ يَمَرِ كِ نَشّ. عَلَتَلَ شَ يَامَرِ نَن نُ عَ رَ، عَ نَشَن مَسٍنشِ عَ شَ نَمِحْنمّيٍ سَابُي رَ. 26 لٍوِكَيٍ نَشَ تِ نَا، دَوُدَ شَ بّيتِبَسٍيٍ سُشُشِ عٍ يِ رَ، سّرّشّدُبّيٍ قَن نَشَ تِ نَا، سَرَيٍ نُ نَ عٍ تَن قَن يِ رَ. 27 شٍسٍكِيَ نَشَ يَامَرِ قِ عٍ شَ سّرّشّ فَن دَاشِ بَ سّرّشّبَدٍ. عٍ تٌ نَ قْلْ، بّيتِبَيٍ قَن نَشَ بّيتِ بَ قْلْ عَلَتَلَ بّ سَرَيٍ شُي نُن عِسِرَيِلَ مَنفّ دَوُدَ شَ بّيتِبَسٍيٍ رَ. 28 حَمَ بِرِن نَشَ عٍ قٍلٍن بْشِ، بّيتِبَيٍ نَشَ بّيتِ بَ سَرَيٍ شُي هَن نَ سّرّشّ فَن دَاشِ فّ بَدٍ. 29 عٍ تٌ فّ سّرّشّ فَن دَاشِ بَدٍ، مَنفّ نُن حَمَ نَشَن بِرَ عَ قْشْ رَ، عٍ بِرِن نَشَ عٍ تُوبِ، عٍ عَلَ بَتُ. 30 نَ دَنفِ شَنبِ، مَنفّ شٍسٍكِيَ نُن عَ شَ كُنتِفِيٍ نَشَ لٍوِكَيٍ يَامَرِ عَ عٍ شَ عَلَتَلَ مَتْشْ دَوُدَ نُن عَننَبِ عَسَقِ شَ بّيتِيٍ رَ. عٍ نَشَ عَلَ مَتْشْ سّيوّ رَ، عٍ قَ عٍ شِن بِ سِن، عٍ عٍ قٍلٍن بْشِ عٍ عَلَ بَتُ.
31 نَ تّمُي شٍسٍكِيَ نَشَ عَ مَسٍن، «يَكْسِ، وٌ تٌ نُ قَمَ، سٍ نُ نَ وٌ بّلّشّ عِ عَلَتَلَ بّ، وٌ وٌ مَسٌ، وٌ نُن وٌ شَ سّرّشّيٍ نُن وٌ شَ تَنتُي سّرّشّيٍ رَ عَلَتَلَ شَ هْرْ مْبَنشِ رَ.» حَمَ نَشَ قَ عٍ شَ سّرّشّيٍ رَ، عَ نُن عٍ شَ تَنتُي سّرّشّيٍ رَ. نَشٍيٍ قَن عَ حَنِفٍ عٍ بْحّ قَنيِيٍ كُي، نٍيٍ قَن نَشَ قَ سّرّشّ فَن دَاشِيٍ رَ. 32 سّرّشّ فَن دَاشِيٍ نَن يَ حَمَ نَشٍيٍ قِ؛ نِنفٍ تٌنفٌ سٌلٌقٍرٍ، يّشّي كٌنتٌنيِ كّمّ، نُن يّشّييْرّ كّمّ قِرِن. نَ بِرِن قِندِ سّرّشّ فَن دَاشِيٍ نَن نَ عَلَتَلَ بّ. 33 عٍ مَن نَشَ نِنفٍ كّمّ سٍننِ نُن شُرُ سٍ لَنمَ وُلُ سَشَن بَ سّرّشّ رَ. 34 كْنْ سّرّشّدُبّيٍ تٌ مُ نُ وُيَ، عٍ مُ نْ سّرّشّ فَن دَاشِيٍ بِرِن بَدٍ. نَ كُي، عٍ نفَشَكٍرٍنيِ لٍوِكَيٍ نَشَ عٍ مَلِ نَ وَلِ رَحْندٍ، بٍيمَنُن سّرّشّدُبّ بٌورٍيٍ شَ فّ عٍ يّتّ رَ سّنِيّندٍ. لٍوِكَيٍ نُ بَرَ عَ حَنِفٍ عٍ بْحّيٍ كُي عَ عٍ شَ عٍ يّتّ رَ سّنِيّن مَقُرٍن، دَنفِ سّرّشّدُبّيٍ وَشْنيِ رَ. 35 سّرّشّ فَن دَاشِ فبٍفبٍ نُ نَ، عَ نُن تُرٍ نَشَن بَمَ شَنُنتٍيَ سّرّشّ رَ، عَ نُن سّرّشّ يٍيرَ مَ نَشَن نُ سَمَ سّرّشّ فَن دَاشِ شُن مَ. نَ كُي، حَمَ مَن نَشَ عَلَتَلَ بَتُ قْلْ عَ شَ بَنشِ كُي. 36 شٍسٍكِيَ نُن حَمَ بِرِن نَشَ سّيوَ، بَرِ مَ عَلَتَلَ بَرَ نَ وَلِ بِرِن نَفِرِ سْونّيَ رَ.