1 عَشِتٌقٍلِ نَشَ عَ قَلَ عَبِسَلٌمِ بّ، «عَ لُ ﭑ شَ مِشِ وُلُ قُ نُن قِرِن مَيٍفٍتِ، ﭑ شَ سِفَ دَوُدَ قْشْ رَ تٌ كْي رَ يَتِ. 2 ﭑ عَ لِمَ نَا، عَ تَفَنشِ، لِمَنِيَ يٌ مُ نَ عَ بّ، قٌ فَاشُي. نَ كُي حَمَ عٍ فِمَ نّ، ﭑ قَ مَنفّ قَشَ عَ كٍرٍن. 3 نَ تّمُي ﭑ حَمَ بِرِن مَلَنمَ، عٍ شَ فبِلٍن عِ مَ. نَ قَتَنمَ دَوُدَ شَ قَشّ نَن نَ. حَمَ قَمَ لُدٍ بْحّسَ كُي نَ كِ نّ.» 4 نَ مَسٍنيِ نَشَ رَقَن عَبِسَلٌمِ نُن عِسِرَيِلَ كُنتِفِيٍ بِرِن مَ.

5 عَبِسَلٌمِ نَشَ عَ قَلَ، «وٌ شُسَ عَرِكَ شِلِ. وٌن شَ نَ قَن شُي رَ مّ.» 6 شُسَ تٌ قَ، عَبِسَلٌمِ نَشَ عَ قَلَ عَ بّ، «عَشِتٌقٍلِ شَ مَرَ سِ نَن يَ. عِ تَن عَ تٌمَ دِ؟ عَ لَنمَ كَ عَ مُ لَنمَ؟» 7 شُسَ نَشَ عَ يَابِ، «يِ بِيَاسِ، عَشِتٌقٍلِ شَ مَرَ سِ مُ قَن. 8 عِ عِ بَبَ كٌلٌن، عِ عَ شَ سْورِيٍ كٌلٌن. فبَنفبَلَنيِيٍ نَن عٍ رَ، عٍ شَاحّ عَلْ يّتّ نَشَن شَ دِيٍ بَشِ عَ يِ. عِ بَبَ فٍرٍ كٌلٌن. عَ مُ شِمَ حَمَ يَ مَ. 9 عَ لِمَ يَكْسِ عَ حَن بَرَ عَ نْشُن فٍيَ يِرٍ ندٍ. عِ شَ مِشِ ندٍ نَ قَشَ نَ فٍرٍ كُي، حَمَ قَمَ نّ عَ قَلَدٍ، ‹عَبِسَلٌمِ شَ مِشِيٍ بَرَ سْنتْ عَ حَاشِ رَ!› 10 لِمَنِيَ قَمَ نّ بَدٍ مِشِيٍ يِ رَ، هَلِ سْورِ شْرْشْييٍ. عِسِرَيِلَ عِ بَبَ كٌلٌن سْورِ رَ، عٍ عَ شَ مِشِيٍ كٌلٌن فبَنفبَلَنيِيٍ رَ.»

11 «ﭑ مَ مَرَ سِ نَن يَ. عِ شَ عِسِرَيِلَ بِرِن مَلَن كٍلِقٍ دَنَ مَ هَن بٍرِ سٍيبَ. عِ شَ مِشِيٍ نَ وُيَ عَلْ مّيّنيِ نَشَن نَ بَا دّ رَ، عِ تَن يَتِ قَمَ عٍ رَ سٌدٍ فٍرٍ كُي. 12 عَ نَ دّدّ، وٌن قَمَ عَ تٌدٍ، وٌن قَمَ نّ فٌرٌدٍ عَ مَ، عَلْ شِنِ فٌرٌ مَ بْشِ مَ كِ نَشّ. مِشِ كٍرٍن مُ لُمَ عٍ يَ مَ، مُشُ قَمَ دَوُدَ نُن عَ شَ سْورِ بِرِن قَشَدٍ. 13 شَ عَ سَ عَ نْشُن تَا ندٍ كُي، عِسِرَيِلَكَيٍ قَمَ نَ تَا تّتّ فّمّيٍ بّندُندٍ لُوتِيٍ رَ هَن تّتّ بِرِن بَ نَا.»

14 عَبِسَلٌمِ نُن عِسِرَيِلَ كُنتِفِيٍ نَشَ عَ قَلَ، «شُسَ عَرِكَ شَ مَرَ سِ نَن قَن دَنفِ عَشِتٌقٍلِ شَ مَرَ سِ رَ.» عَلَتَلَ نُ بَرَ عَشِتٌقٍلِ شَ مَرَ سِ كْوتَشِ شُن نَكَنَ، عَلَكٌ عَبِسَلٌمِ شَ تْورْ.

15 شُسَ نَشَ عَ قَلَ سَدْكِ نُن عَبِيَتَرِ سّرّشّدُبّيٍ بّ، «عَشِتٌقٍلِ بَرَ عَبِسَلٌمِ نُن عِسِرَيِلَ قٌرِيٍ رَ سِ مَرَ سِ ندٍ رَ، كْنْ ﭑ تَن بَرَ عٍ رَ سِ قٍ فبّتّ رَ. 16 يَكْسِ وٌ شَ شّيرَيَ عِبَ دَوُدَ بّ كٍرٍن نَ، عَ قَلَقٍ رَ، ‹عِ نَشَ لُ قِيلِ مَ فبٍنفبٍرٍنيِ سّيتِ مَ تٌ كْي رَ دٍ. عِ شَ دَنفِ نَا رَ ثٌن، عَلَكٌ مَنفّ نُن عَ شَ مِشِيٍ نَشَ سْنتْ.›»

17 يٌنَتَن نُن عَشِمَاسِ نُ نَ عٍن رٌفٍلِ. كٌنيِ فِنّ ندٍ نَشَ سِفَ شُسَ شَ مَسٍنيِ قَلَدٍ عٍ بّ، عَلَكٌ عٍ قَن شَ سِفَ نَ شّيرَيَ عِبَدٍ دَوُدَ بّ. عٍ نُ نَ عٍن رٌفٍلِ نّ بَرِ مَ عٍ مُ نُ سُو سَمَ لُدٍ دَرِ سَلَمُ تَا كُي. 18 كْنْ قٌنِكٍ ندٍ نَشَ عٍ تٌ، عَ سَ نَ قٍ دّنتّفّ عَبِسَلٌمِ بّ. يٌنَتَن نُن عَشِمَاسِ نَشَ عٍ شُلُن، عٍ سَ سٌ بَشُرِ مِ تَا كُي مِشِ ندٍ شْنيِ. عٍ نَشَ فٌرٌ نَ مِشِ شَ كْلْنيِ كُي، نَشَن نُ نَ عَ شَ قْشْي رَ. 19 فِنّ ندٍ نَشَ دُفِ سَ نَ كْلْنيِ دّ رَ، عَ قَ سَنسِ شْرِ دِنشِ سَ نَ دُفِ قَرِ، عَلَكٌ مِشِ نَشَ سٌفِ قٍ ندٍ مَ. 20 عَبِسَلٌمِ شَ سْورِيٍ نَشَ سٌ نَ فِنّ شَ بَنشِ كُي، عٍ نَشَ عَ مَشْرِن، «عَشِمَاسِ نُن يٌنَتَن نَ مِندٍن؟» فِنّ نَشَ عٍ يَابِ، «عٍ بَرَ شُرٍ عِفِرِ.» عَبِسَلٌمِ شَ سْورِيٍ نَشَ عٍ قٍن، كْنْ عٍ مُ عٍ تٌ. نَ تّمُي عٍ نَشَ فبِلٍن دَرِ سَلَمُ.

21 عٍ تٌ فبِلٍن، عَشِمَاسِ نُن يٌنَتَن نَشَ تٍ كْلْنيِ رَ، عٍ سِفَ عَ قَلَ دَوُدَ بّ، «وٌ شَ شُرٍ عِفِرِ مَقُرٍنيِ رَ. عَشِتٌقٍلِ بَرَ يِ مَرَ سِ قِ عَبِسَلٌمِ مَ وٌ شِلِ مَ.» 22 نَ كُي دَوُدَ نُن عَ شَ حَمَ نَشَ يُرُدّن عِفِرِ سُبَشّ مَ، عٍ مُ مِشِ كٍرٍن لُ عٍ شَنبِ رَ.

23 عَشِتٌقٍلِ تٌ عَ تٌ عَ عَبِسَلٌمِ مُ عَ شَ مَرَ سِ سُشُشِ، عَ نَشَ بَكِ عَ شَ سٌقَلٍ قَرِ، عَ فبِلٍن عَ بَرِ تَا كُي. عَ نَشَ عَ شَ قٍيٍ يَءِلَن، عَ قَ عَ يّتّ فبَكُ. عَ قَشَ نَ كِ نّ. عٍ نَشَ سَ عَ رَفَتَ عَ بَبَ شَ فَبُرِ سّيتِ مَ.

24 دَوُدَ نَشَ سٌ مَشَنَيِمِ. عَبِسَلٌمِ نُن عَ شَ سْورِيٍ نَشَ يُرُدّن شُرٍ عِفِرِ. 25 عَبِسَلٌمِ نَشَ عَمَسَ تِ عَ شَ سْورِيٍ يَرٍرَتِ رَ، يٌوَبَ حْشْي رَ. عَمَسَ قِندِ يٍتٍرِ شَ دِ نَن نَ، نَشَن نَشَسَ شَ دِ فِنّ عَبِفَيِلِ دْشْ. عَبِفَيِلِ قِندِ يٌوَبَ نفَ سٍرُيَ شُنيَ نَن نَ. 26 عَبِسَلٌمِ نُن عَ شَ حَمَ نَشَ يٌنكِن فَلَدِ بْشِ مَ.

27 دَوُدَ تٌ سٌ مَشَنَيِمِ تَا كُي، نَشَسَ شَ دِ سٌوبِ، نَشَن كٍلِشِ رَبَ تَا كُي عَمٌنِكَيٍ شَ بْشِ مَ، عَ نُن عَمِيّلِ شَ دِ مَكِرِ، نَشَن كٍلِشِ لٌدٍبَرَ، عَ نُن بَرَ سِلَيِ، نَشَن كٍلِشِ رٌفٍلِمِ تَا كُي فَلَدِ بْشِ مَ، 28 نٍيٍ نَشَ قَ يِ سٍ بِرِن نَ دَوُدَ شَ مِشِيٍ بّ؛ سَدٍيٍ، ثِلٍتِيٍ، قّحّيٍ، قُندٍنيِ مَنِيّ، مّنفِ مَنِيّ، قَرِن، سَنسِ شْرِ فَنشِيٍ، تٌفٍ مْولِ قِرِن، 29 كُمِ، يّشّي نُن نِنفٍ شِحّ. عٍ نَشَ قَ نَ بِرِن نَ دَوُدَ نُن عَ شَ حَمَ شْن مَ، عَلَكٌ عٍ شَ عٍ دّفٍ، بَرِ مَ عٍ نُ يِ نَن قَلَمَ، «يِ حَمَ بَرَ تَفَن. كَامّ نُن يٍ شْلِ نَن عٍ سُشُشِ فبٍنفبٍرٍنيِ مَ يِ كِ.»