1 «نَ تّمُي عَلَتَلَ نَشَ يَامَرِ قِ ﭑ مَ. عَ نَشّ، ‹وَلَشّ فّمّ دَاشِ قِرِن يَءِلَن عَلْ عَ سِنفٍيٍ نُ كِ نَشّ. عِ مَن شَ كَنكِرَ وُرِ دَاشِ يَءِلَن. نَ تّمُي عِ شَ قَ ﭑ يِرٍ فٍيَ قَرِ. 2 ﭑ مَن فبِلٍنمَ نّ يِ سّرِيّ سّبّ رَ نَشَن نُ نَ بٌورٍ وَلَشّيٍ مَ، عِ نَشٍيٍ كَنَشِ. عِ قَمَ عٍ سَدٍ نَ كَنكِرَ نَن كُي.› 3 ﭑ نَشَ كَنكِرَ يَءِلَن وُرِ مْولِ ندٍ رَ نَشَن شْرْشْ. ﭑ نَشَ وَلَشّ فّمّ دَاشِ قِرِن قَن يَءِلَن نَشَن مَنِيَ بٌورٍيٍ رَ. ﭑ نَشَ تٍ عٍ رَ فٍيَ قَرِ. 4 عَلَتَلَ نَشَ سّبّلِ تِ يِ وَلَشّ نّينّيٍ مَ، عَلْ نَشَن سِنفٍ نُ سّبّشِ بٌورٍيٍ مَ. يِ يَامَرِ قُ، عَ نَشٍيٍ يَشَرَن وٌ بّ فٍيَ قَرِ تّ تَفِ وٌ نُ مَلَنشِ تّمُي نَشّ، عَلَتَلَ نَشَ عٍ سٌ ﭑ يِ رَ. 5 ﭑ نَشَ فٌرٌ فٍيَ قَرِ، ﭑ قَ عٍ سَ كَنكِرَ كُي، ﭑ نَشَن يَءِلَنشِ. عٍ نَشَ لُ نَا عَلْ عَلَتَلَ عَ قَلَ ﭑ بّ كِ نَشّ.»

6 عِسِرَيِلَكَيٍ نَشَ كٍلِ بٍنٍ يَكَن كْلْنيِيٍ رَ سِفَقٍ رَ مٌسٍرَ. هَرُنَ لَاشِرَ مّننِ نّ، عَ نَشَ بّندّ سْتْ نَا. عَ شَ دِ عٍلٍيَسَرِ نَشَ قِندِ عَ حْشْي رَ سّرّشّدُبّحَ كُي. 7 نَ دَنفِ شَنبِ عِسِرَيِلَكَيٍ نَشَ سِفَ فُدُفٌدَ. عٍ تٌ كٍلِ فُدُفٌدَ، عٍ نَشَ سِفَ يٌتٌبَتَ، شُرٍ فبٍفبٍ نَ بْشِ نَشَن مَ. 8 نَ وَشَتِ بُن مَ، عَلَتَلَ نَشَ وَلِ تَشُ لٍوِ بْنسْي رَ، عٍ شَ قِندِ كَنكِرَ شَنِنيِيٍ رَ، عٍ شَ تِ عَلَتَلَ يَ عِ عَ شَ وَلِ رَبَقٍ مَ، عٍ مَن شَ دُبَ حَمَ بّ عَلَتَلَ شِلِ رَ. نَ نَن نَبَقٍ هَن تٌ لْشْي. 9 نَ قٍ نَ عَ تٌشِ لٍوِ بْنسْي مُ كّ سْتْشِ عٍ نفَشَكٍرٍنيِيٍ يَ مَ. عَلَتَلَ نَن نَ عٍ تَن مَلِمَ رَ عَلْ عَ عَ قَلَ كِ نَشّ.

10 «ﭑ نَشَ لُ فٍيَ قَرِ يَنيِ تٌنفٌ نَانِ نُن كْي تٌنفٌ نَانِ عَلْ ﭑ نَشَن نَبَ سِنفٍ رَ. عَلَتَلَ مَن نَشَ ﭑ مَ مَشَندِ سُشُ، بَرِ مَ عَ مُ وَشِ وٌ قَشَقٍ. 11 عَلَتَلَ نَشَ عَ مَسٍن ﭑ بّ، ‹حَمَ رَحّرّ. عٍ شَ سٌ بْشِ مَ ﭑ نَن نَكَلِشِ نَشَن نَ عٍ بَبَيٍ بّ سٌقٍ رَ عٍ يِ.›»

12 «يَكْسِ قَ، عِسِرَيِلَكَيٍ وٌ مَرِفِ عَلَتَلَ وَ مَ وٌ شَ مُنسٍ رَبَ؟ عَ وَ مَ نّ وٌ شَ فَاشُ عَ يَ رَ عَلَكٌ وٌ شَ وٌ حّرّ عَ شَ كِرَ شْن مَ، وٌ شَ عَ شَنُ، وٌ شَ عَ رَبَتُ وٌ بْحّ قِيشّ نُن وٌ نِي بِرِن نَ. 13 عَلَتَلَ وَ مَ نّ وٌ شَ عَ شَ يَامَرِ رَبَ، وٌ شَ عَ شَ سّرِيّ رَبَتُ، ﭑ نَشَن سٌشِ وٌ يِ رَ تٌ لْشْي، عَلَكٌ وٌ شَ سِمَيَ شَ قَن. 14 وٌ مَرِفِ عَلَتَلَ نَن فبٍ نَ كٌورٍ نُن بْشِ رَ، عَ نُن سٍ نَشَن بِرِن نَ عَ مَ. 15 عَلَتَلَ وٌ بَبَيٍ نَن شَنُ. يَكْسِ قَ وٌ تَن نَن نَ عٍ بْنسْي رَ، عَ وٌ تَن نَن سُفَندِشِ بٌورٍ سِيٍ تَفِ، عَلْ وٌ عَ تٌشِ كِ نَشّ تٌ لْشْي.»

16 «وٌ لَن نّ وٌ شَ وٌ شَشِلِ رَ سّنِيّن، وٌ نَشَ شُرُتَرٍحَ رَبَ سْنْن، 17 بَرِ مَ وٌ مَرِفِ عَلَتَلَ كٍرٍن ثٍتِ نَن نَ عَلَ رَ، مَنفّيٍ شَ مَنفّ، عَلَ بٍلٍبٍلٍ سّنبّمَ مَفَاشُشِ، نَشَن مُ مِشِ رَقِسَ عَ بٌورٍ بّ، نَشَن مُ كِيتِ حَاشِ كْبِرِ رَ سُشُمَ. 18 عَ تَن نَن كِرِدِيٍ نُن كَاحّ فِنّيٍ كَنتَمَ رَ. شْحّيٍ رَقَن عَ مَ، عَ دٌنسٍ نُن سٌسٍ سٌمَ عٍ يِ رَ. 19 وٌ تَن قَن، وٌ هِننّ شْحّيٍ رَ نَشٍيٍ نَ وٌ يَ مَ. وٌ شَ وٌ مَحْشُن شْحّ نَن نُ نَ وٌ تَن قَن نَ مِسِرَ بْشِ مَ. 20 وٌ شَ فَاشُ وٌ مَرِفِ عَلَتَلَ يَ رَ، وٌ شَ تُوبِ عَ بّ، وٌ شَ بِرَ عَ قْشْ رَ، وٌ مَن شَ وٌ رَكَلِ عَ تَن نَن شِلِ رَ. 21 عَ تَن نَن نَ وٌ شَ نْرّ رَ. عَ تَن نَن نَ وٌ مَرِفِ عَلَ رَ، نَشَن كَابَنَكٌي نُن قٍ مَفَاشُشِيٍ رَبَشِ وٌ يَ شْرِ. 22 وٌ بَبَيٍ نُ قَمَ تّمُي نَشّ مِسِرَ، عٍ مُ نُ دَنفِشِ مِشِ تٌنفٌ سٌلٌقٍرٍ رَ. يَكْسِ وٌ مَرِفِ عَلَتَلَ بَرَ وٌ رَوُيَ دَنفِ تُنبُييٍ رَ نَشٍيٍ نَ كٌورٍ مَ.»