2 ﭑ شَ عَ قَلَ وٌ بّ، عَ لَنمَ وٌ شَ مَنفّ شَ يَامَرِ رَبَتُ، بَرِ مَ وٌ بَرَ وٌ رَكَلِ عَلَ يَ شْرِ. 3 عِ نَشَ فبَتَ كٍلِدٍ مَنفّ يَ شْرِ. عِ نَشَ تِ قٍقٍ شَنبِ رَ نَشَن مُ قَن. مَنفّ عَ وَشْنقٍ نَن نَبَمَ. 4 عَ لُ كِ يٌ كِ، نْي نَ مَنفّ نَن يِ. ندٍ نْمَ عَ مَتَندِدٍ؟

9 ﭑ بَرَ يِ بِرِن رَكْرْ سِ دُنِحَ مَ. ﭑ نَشَ مِشِ تٌ عَ نَ عَ بٌورٍ يَمَرِقٍ، عَ قَ عَ يّتّ تْورْ نَ كُي. 10 ﭑ نَشَ مِشِ حَاشِيٍ تٌ نَشٍيٍ رَفَتَمَ بِنيّ كُي، مِشِيٍ نُ نَشٍيٍ مَتْشْمَ هْرْ مْلِنفِرَ يِرٍ تَا كُي. قٍ قُقَقُ نَن نَ كِ.

11 شَ قٍ كٌبِ رَبَيٍ مُ حَشَنكَتّ سْتْ عَ تّمُي، حَمَ قَن قَمَ نّ بِرَدٍ عٍ وَشْنقٍ حَاشِيٍ قْشْ رَ. 12 ﭑ عَ كٌلٌن هَلِ قٍ كٌبِ رَبَيٍ فبِلٍن قٍ حَاشِ رَبَقٍ رَ هَن سَنمَيَ كّمّ، سْونّيَ تَن نَبَمَ نّ مِشِ بّ نَشَن فَاشُمَ عَلَ يَ رَ، نَشَن لُمَ عَ بَتُ رَ. 13 كْنْ قٍ مُ سْونّيَمَ مِشِ حَاشِيٍ بّ نَشٍيٍ مُ فَاشُمَ عَلَ يَ رَ، عٍ شَ سِمَيَ شْن مُ كُيَمَ عَلْ مِشِ نِينِ.

14 قٍ قُقَقُ فبّتّ نَ نَ يِ دُنِحَ مَ؛ قٍ شْرْشْي نَشَن لَن عَ شَ دْشْ مِشِ حَاشِ مَ، نَ نَن دْشْمَ تِنشِنتْي مَ. قٍ قَنيِ نَشَن لَن عَ شَ رَبَ تِنشِنتْي بّ، نَ نَن نَبَمَ مِشِ حَاشِ بّ. ﭑ شَ عَ قَلَ وٌ بّ، نَ قٍ مْولِ قِندِشِ قٍ قُقَقُ نَن نَ. 15 نَ كُي عَ لَنمَ عَدَ مَ شَ سّيوَ عَ شَ دُنِحّءِفِرِ كُي. قٍ يٌ مُ نَ نَشَن قِسَ يِ بّ؛ مِشِ لَنمَ عٍ شَ عٍ دّفٍ، عٍ شَ عٍ مِن، عٍ شَ سّيوَ. نَ كِ عَ سّيوَ مَ نّ عَ شَ وَلِ رَ عَ شَ دُنِحّءِفِرِ كُي، عَلَ نَشَن قِشِ عَ مَ دُنِحَ بّندّ قُحِ قَرِ.

16 ﭑ تٌ نَتّ تٌنفٌ ﭑ شَ قَهَامُي سْتْ عَدَ مَدِ شَ وَلِ شَ قٍ رَ، عَ نَشَن نَبَمَ كْي نُن يَنيِ، 17 ﭑ نَشَ عَلَ شَ وَلِ مَتٌ. مِشِ يٌ مُ نْمَ سٌدٍ قٍ بِرِن كُي نَشَن نَبَمَ دُنِحَ مَ. هَلِ عَ كَتَ هَن، عَ مُ عَ كٌلٌنمَ قٍوٌ. هَلِ شَشِلِمَ نَشَن عَ قَلَمَ عَ بَرَ فّ نَ كٌلٌندٍ، عَ مُ نْمَ نَ كٌلٌندٍ يَتِ يَتِ.