1 نَ تّمُي عَلَتَلَ نَشَ عَ مَسٍن مُنسَ بّ، «عِ شَ سِفَ قِرَوُنَ يِرٍ، عِ شَ عَ قَلَ عَ بّ، ‹عِسِرَيِلَكَ مَرِفِ عَلَتَلَ شَ مَسٍنيِ نَن يَ، «عِ شَ ﭑ مَ حَمَ بّحِن، عَلَكٌ عٍ شَ سِفَ ﭑ بَتُدٍ.» 2 شَ عِ تٌندِ عٍ بّحِندٍ، عِ كَنكَن عٍ مَ، 3 عَلَتَلَ قَمَ وُفَنيِ حَاشِ رَدِندٍ عِ شَ شُرُ سٍيٍ مَ، عَلْ سٌي، سٌقَلٍيٍ، حْشْمّيٍ، نِنفٍيٍ، يّشّييٍ، نُن سِ. 4 عَلَتَلَ قَمَ عِسِرَيِلَكَيٍ شَ فْورّ نُن مِسِرَكَيٍ شَ فْورّ تَفِ رَ سَدٍ. عِسِرَيِلَكَيٍ شَ شُرُ سٍيٍ مُ وُفَنيِ سْتْمَ. 5 عَلَتَلَ بَرَ نَتّ تٌنفٌ نَ رَبَمَ تّمُي نَشّ، عَ قَلَقٍ رَ، «تِنَ، ﭑ قَمَ نَ نَن نَبَدٍ.»›»

6 نَ كُيٍ عِبَ، عَلَتَلَ عَ رَبَ نَ كِ نّ. مِسِرَ فْورّ بِرِن نَشَ قَشَ، كْنْ هَلِ شُرُ سٍ كٍرٍن مُ قَشَ عِسِرَيِلَكَيٍ شَ فْورّ يَ مَ. 7 قِرَوُنَ نَشَ مِشِيٍ شّي نَ قٍ كٌلٌندٍ. عٍ نَشَ عَ قَلَ قِرَوُنَ بّ شُرُ سٍ كٍرٍن مُ قَشَشِ عِسِرَيِلَكَيٍ شَ فْورّ كُي، كْنْ عَ شَشِلِ نَشَ شْرْشْ، عَ مَن مُ تِن عِسِرَيِلَ حَمَ بّحِندٍ.

8 نَ تّمُي عَلَتَلَ نَشَ عَ مَسٍن مُنسَ نُن هَرُنَ بّ، «وٌ شَ تّ شُبٍ رَتٍ قِرَوُنَ يَ شْرِ. 9 عَ قِندِ مَ شُبٍ رَ نَشَن دِنمَ مِسِرَ بْشِ بِرِن نَ، عَ سُورِ رَ مِنِ مِسِرَكَيٍ نُن عٍ شَ شُرُ سٍيٍ بِرِن مَ.»

10 عٍ نَشَ تّ شُبٍ شَنِن قِرَوُنَ يِرٍ. مُنسَ نَشَ عَ وٌلِ كٌورٍ مَ، عَ قَ سُورِ حَاشِيٍ رَ مِنِ مِشِيٍ نُن شُرُ سٍيٍ مَ. 11 مَندُرُلَيٍ يَتِ مُ نْ تِدٍ مُنسَ يَ عِ سُورِيٍ شَ قٍ رَ، نَشٍيٍ نُ نَ مِسِرَكَيٍ بِرِن مَ. 12 كْنْ عَلَتَلَ نَشَ قِرَوُنَ شَشِلِ رَشْرْشْ، عَلَكٌ عَ نَشَ تِن مُنسَ نُن هَرُنَ شُي سُشُدٍ، عَلْ عَلَتَلَ نُ بَرَ عَ مَسٍن مُنسَ بّ كِ نَشّ.

13 نَ تّمُي عَلَتَلَ نَشَ عَ مَسٍن مُنسَ بّ، «تِنَ عِ شَ كُرُن سِفَقٍ رَ قِرَوُنَ يِرٍ، عَ قَلَ عَ بّ، ‹عِسِرَيِلَ مَرِفِ عَلَتَلَ شَ مَسٍنيِ نَن يَ، «ﭑ مَ حَمَ بّحِن، عٍ شَ سِفَ ﭑ بَتُدٍ، 14 شَ نَ مُ عَ رَ ﭑ فبَلٌي مْولِ بِرِن نَمِنِمَ عِ تَن، عِ شَ كُنتِفِيٍ، نُن عِ شَ حَمَ مَ ﭑ سّنبّ رَ. نَ كُي عِ قَمَ عَ كٌلٌندٍ ﭑ مَنِيّ مُ نَ دُنِحَ بّندّ قُحِ قَرِ. 15 ﭑ نُ نْمَ فبَلٌي حَاشِ رَ مِنِدٍ وٌ مَ ﭑ سّنبّ رَ، نَشَن نُ نْمَ وٌ سْنتْدٍ، وٌ لْي دُنِحَ مَ، 16 كْنْ ﭑ بَرَ وٌ لُ دُنِحَ عَلَكٌ ﭑ شَ ﭑ سّنبّ مَسٍن وٌ بّ، دُنِحَ شَ ﭑ شِلِ كٌلٌن. 17 هَن يَ عِ كِرَ بٌلٌنمَ ﭑ مَ حَمَ يَ رَ، عِ تٌندِ عٍ شَ سِفَ. 18 نَ نَن عَ رَ، تِنَ ﭑ قَمَ نّ بَلَبَلَنيِ مَفَاشُشِ رَفٌرٌدٍ مِسِرَ مَ، وٌ مُ نَشَن مْولِ تٌ كَبِ دُنِحَ قْلّ. 19 عِ شَ عِ شَ فْورّ نُن عِ شَ سٍ بِرِن نَسٌ يِرٍ مَكَنتَشِ كُي، بَرِ مَ يِ بَلَبَلَنيِ نَ بِرَ، عَ مِشِ نُن شُرُ سٍ بِرِن سْنتْمَ نّ.»›»

20 قِرَوُنَ شَ كُنتِفِ ندٍيٍ نَشَ فَاشُ عَلَتَلَ شَ مَسٍنيِ يَ رَ، عٍ شُلُن عٍ شَ كٌنيِيٍ نُن عٍ شَ شُرُ سٍيٍ رَ سٌدٍ يِرٍ مَكَنتَشِ كُي. 21 كْنْ نَشٍيٍ مُ نُ عٍ حْشْ سَشِ عَلَتَلَ شَ مَسٍنيِ شْن مَ، عٍ نَشَ عٍ شَ كٌنيِيٍ نُن عٍ شَ شُرُ سٍيٍ لُ تَندٍ.

22 عَلَتَلَ نَشَ عَ مَسٍن مُنسَ بّ، «عِ بّلّشّ عِتَلَ كٌورٍ مَبِرِ، بَلَبَلَنيِ شَ بِرَ مِشِ، شُرُ سٍيٍ، نُن شّيٍ قَرِ مِسِرَ بْشِ بِرِن مَ.» 23 مُنسَ تٌ عَ شَ يِسُشُوُرِ عِتَلَ كٌورٍ مَ، عَلَتَلَ نَشَ سٍيَمَكْنيِ، فَلَنيِ، نُن بَلَبَلَنيِ رَفٌرٌ مِسِرَ بْشِ مَ. 24 بَلَبَلَنيِ مَسُنبُشِ تّ رَ عَ نَشَ فٌرٌ عٍ مَ. مِسِرَ بْشِ مُ نُ نَ فبَلٌي مْولِ تٌ كَبِ عَ قْلّ. 25 نَ بَلَبَلَنيِ نَشَ مِشِيٍ نُن شُرُ سٍيٍ مَفْنْ مِسِرَ بْشِ بِرِن مَ. عَ نَشَ شّيٍ نُن وُرِ بِلِيٍ قَن كَنَ. 26 فٌسٍن بْشِ فبَنسَن نَشَ رَتَنفَ نَ فبَلٌي مَ، عِسِرَيِلَكَيٍ نُ نَ دّننَشّ.

27 قِرَوُنَ نَشَ مُنسَ نُن هَرُنَ شِلِ، عَ عَ قَلَ عٍ بّ، «يِ بِيَاسِ، ﭑ بَرَ يُنُبِ رَبَ. نْندِ نَ عَلَتَلَ نَن بّ. ﭑ تَن نُن ﭑ مَ حَمَ بَرَ تَنتَن. 28 وٌ شَ عَلَتَلَ مَدِحّ، عَلَكٌ سٍيَمَكْنيِ نُن بَلَبَلَنيِ شَ حْن. ﭑ بَرَ تِن وٌ بّحِندٍ، ﭑ مُ كَنكَنمَ وٌ مَ سْنْن.» 29 مُنسَ نَشَ عَ قَلَ عَ بّ، «ﭑ نَ مِنِ تَا كُي، ﭑ عَلَتَلَ مَشَندِ مَ وٌ بّ. فَلَنيِ نُن بَلَبَلَنيِ دَنمَ نّ، عَلَكٌ عِ شَ عَ كٌلٌن عَ عَلَتَلَ نَن فبٍ دُنِحَ رَ. 30 كْنْ ﭑ بَرَ عَ كٌلٌن، عِ تَن نُن عِ شَ كُنتِفِيٍ، وٌ مُ فَاشُشِ مَرِفِ عَلَتَلَ يَ رَ سِندٍن.»

31 نَ بَلَبَلَنيِ نُ بَرَ سَنسِ قُندٍن مَنِيّ نُن فّسّ قُتِ كَنَ، نَشٍيٍ مُ نُ مْ سِندٍن. 32 مّنفِ نُن عَ مَنِيّ تَن مُ كَنَ، بَرِ مَ عٍ تَن تّمُي مُ نُ عَ لِشِ.

33 مُنسَ نَشَ مِنِ قِرَوُنَ شْنيِ، عَ سِفَ تَا قَرِ مَ. عَ تٌ عَ بّلّشّ عِتَلَ عَلَتَلَ مَشَندِدٍ، فَلَنيِ، بَلَبَلَنيِ، نُن تُنّ نَشَ دَن. 34 قِرَوُنَ تٌ نَ تٌ، عَ مَن نَشَ يُنُبِ سْتْ، بَرِ مَ عَ تَن نُن عَ شَ كُنتِفِيٍ نَشَ عٍ شَشِلِ رَشْرْشْ. 35 نَ كُي قِرَوُنَ مُ تِن عِسِرَيِلَكَيٍ بّحِندٍ، عَلْ عَلَتَلَ عَ مَسٍنشِ كِ نَشّ مُنسَ سَابُي رَ.