1 عَلَتَلَ نَشَ عَ مَسٍن ﭑ بّ، عَ نَشّ، 2 «عَدَ مَدِ، عَ مُ لَنمَ شّ عِ شَ يِ تَا قَشّتِ مَكِيتِ، عِ شَ عَ رَكٌلٌن عَ شَ وَلِ كٌبِيٍ بِرِن نَ؟ 3 عَ قَلَ عَ بّ، ‹وٌ مَرِفِ عَلَتَلَ يِ نَن مَسٍنشِ؛ تَا نَن يِ كِ، نَشَن شُن نَكَنَمَ عَ شَ قَشّ تِقٍ رَ، نَشَن عَ قِندِ مَ تَا سّنِيّنتَرٍ رَ عَ شَ كُيٍ بَتُقٍ رَ. 4 وٌ بَرَ يُنُبِ سْتْ نَ قَشّ تِقٍ كُي، وٌ بَرَ سّنِيّنتَرٍحَ سْتْ نَ كُيٍيٍ بَتُقٍ رَ، وٌ نَشٍيٍ يَءِلَنشِ وٌ بّلّشّ رَ. عَ فبٍ مُ لُشِ وٌ شَ سِمَيَ شَ حْن، سِ فبّتّيٍ شَ وٌ شِلِ مَبٍرٍ. 5 سِ نَشٍيٍ نَ رَبِلِنيِ نُن سِ نَشٍيٍ نَ يِرٍ مَكُيٍ، عٍ بِرِن وٌ مَيٍلٍمَ نّ وٌ شَ يُنُبِيٍ شَ قٍ رَ. وٌ شَ قٍ شْرْشْ!›»

6 «وٌ شَ مَنفّيٍ قَشّ تِمَ عٍ شَ نْي سَابُي رَ، 7 عٍ مِشِيٍ بَبَ نُن عٍ نفَ مَبٍرٍ مَ، عٍ وٌ شَ شْحّ نُن وٌ شَ كِرِدِيٍ تْورْ مَ. 8 وٌ ﭑ مَ سٍ سّنِيّنشِيٍ بْتّ بَشِ، وٌ ﭑ مَ مَلَبُي لْشْييٍ مَبٍرٍ مَ. 9 تْوحّفّلَيٍ نَ وٌ يَ مَ نَشٍيٍ قَشّ تِمَ. كُيٍ بَتُيٍ نَ وٌ يَ مَ نَشٍيٍ سّرّشّ بَمَ فٍيَ قَرِ، عٍ قَ يّنّ حَاشِ رَبَ نَا. 10 شّمّيٍ نَ نَ نَشٍيٍ سَمَ عٍ بَبَ شَ فِنّ قّ مَ، عٍ فِنّ مَسَمَ نَشَن مُ سّنِيّنشِ عَ شَ كِكٍ وَلِ شَ قٍ رَ، 11 عٍ يّنّ رَبَمَ عٍ دْشْبٌورٍ شَ فِنّ رَ، عٍ يّنّ رَبَمَ عٍ شَ دِ شَ فِنّ رَ، عٍ يّنّ رَبَمَ عٍ مَافِنّ يَتِ رَ عٍ نُن نَشَن بَبَ كٍرٍن. 12 مِشِيٍ نَ وٌ يَ مَ نَشٍيٍ سَرٍ رَ سُشُمَ مِشِ قَشَقٍ مَ. ندٍيٍ نَ نَ نَشٍيٍ فٍينِ سَمَ دٌنِ قَرِ، عٍ قُمَ عٍ نفَشَكٍرٍنيِ مَ. وٌ بَرَ نّيمُ ﭑ تَن مَ! عَلَتَلَ شُي نَن نَ كِ.»

13 «ﭑ نَ ﭑ بّلّشّ بْنبْمَ نّ شْنّ كُي وٌ شَ نَاقُلِ تِنشِنتَرٍ نُن وٌ شَ قَشّ تِقٍ شَ قٍ رَ 14 سّنبّ لُمَ وٌ بّ ﭑ مَ كِيتِ سَ لْشْي؟ وٌ سُو سَمَ ﭑ نَ؟ ﭑ شَ عَ قَلَ وٌ بّ، ﭑ وٌ حَشَنكَتَمَ نّ. عَلَتَلَ شُي نَن نَ كِ. 15 ﭑ وٌ رَيٍنسٍنمَ نّ حَمَنّيٍ مَ، ﭑ وٌ رَيٍنسٍن يّ بْشِ بِرِن مَ. ﭑ وٌ شَ سّنِيّنتَرٍحَ حْنمَ نّ. 16 وٌ نَ لُ يَافِ كُي حَمَنّيٍ تَفِ، وٌ قَمَ نّ عَ كٌلٌندٍ عَ ﭑ تَن نَن نَ عَلَتَلَ رَ.»

17 عَلَتَلَ نَشَ عَ مَسٍن ﭑ بّ، عَ نَشّ، 18 «عَدَ مَدِ، عِسِرَيِلَ بْنسْي بَرَ لُ ﭑ بّ عَلْ فبٍتِ فبِ شَبُدٍ. عٍ مَنِيَشِ نَ وُرٍ فبٍيلِ نَن نَ، يْشُي، وُرٍ، نُن سُنبُي نَشَن بَمَ فبٍتِ رَشُنُشِ رَ. 19 نَ كُي، مَرِفِ عَلَتَلَ يِ نَن مَسٍنشِ؛ ‹وٌ تٌ بَرَ لُ عَلْ فبٍتِ فبِ، ﭑ وٌ مَلَنمَ نّ دَرِ سَلَمُ، 20 ﭑ مَ شْنّ قَ وٌ رَشُنُ عَلْ فبٍتِ، وُرٍ فبٍيلِ، وُرٍ، يْشُي، نُن سُنبُي رَشُنُمَ كِ نَشّ تّ رَ. 21 ﭑ وٌ مَلَنمَ نّ ﭑ مَ بْحّتٍ كُي، ﭑ قَ وٌ رَشُنُ دَرِ سَلَمُ تَا كُي. 22 وٌ نَ رَشُنُ نَا، وٌ عَ كٌلٌنمَ نّ عَ ﭑ تَن نَن نَ عَلَتَلَ رَ، نَشَن عَ شَ شْنّ رَدِنشِ وٌ مَ.›»

23 عَلَتَلَ نَشَ عَ مَسٍن ﭑ بّ، عَ نَشّ، 24 «عَدَ مَدِ، عَ قَلَ عِسِرَيِلَ بْشِ بّ، عِ نَشّ؛ ‹بْشِ نَن عِ رَ، نَشَن مُ تُنّ تٌمَ ﭑ مَ شْنّ لْشْي. 25 عِ شَ مَنفّيٍ شَشِلِ لُمَ نّ عَلْ يّتّ شَاحّ نَشَن سُبٍ عِبْو مَ. عٍ نَ نَ مْولِ رَبَقٍ مِشِيٍ رَ. فِنّيٍ نَ قِندِقٍ كَاحّيٍ رَ عٍ شَ قَشّ تِقٍ شَ قٍ رَ. عٍ نَ مُحّ تِقٍ عَلْ قٍ. 26 عِ شَ سّرّشّدُبّيٍ ﭑ مَ سّرِيّ مَتَندِ مَ، عٍ سٍيٍ سّنِيّنشِ قِندِ مَ سٍ سّنِيّنتَرٍ رَ. عٍ مُ سٍ سّنِيّنشِ نُن سٍ سّنِيّنتَرٍ تَفِ رَ سَمَ، عٍ مُ مِشِيٍ قَن نَكٌلٌنمَ نَ تَفِ رَ سَ رَ. عٍ مُ ﭑ مَ مَلَبُي لْشْي شَ يَامَرِ سُشُمَ. نَ بِرِن كُي، عٍ ﭑ شِلِ مَبٍرٍ مَ عٍ يَ مَ. 27 عِ شَ كُنتِفِيٍ لُشِ نّ عَلْ وُلَءِ بَرٍ نَشٍيٍ سُبٍ عِبْو مَ. عٍ مِشِيٍ قَشَ مُحّ تِقٍ مَ. 28 عِ شَ نَمِحْنمّيٍ دُفِ قٍلٍنمَ نَ بِرِن مَ عٍ شَ وُلٍ لَامَتُنيِيٍ نُن عٍ شَ وُلٍ مَسٍنيِيٍ رَ. عٍ نَشّ، «عَلَ نَن عَ مَسٍنشِ،» عَ قَ لِ عَلَ مُ سٍسٍ مَسٍنشِ عٍ بّ. 29 بْشِكَيٍ عٍ بٌرٍ رَوَلِمَ تِنشِنتَرٍيَ كُي. عٍ مُحّ تِمَ، عٍ سٍتَرٍيٍ نُن شْحّيٍ تْورْ مَ. عٍ مُ تِنشِن قٍوٌ.›»

30 «ﭑ بَرَ مِشِ ندٍ قٍن عٍ يَ مَ، نَشَن نْمَ تّتّ رَكٍلِدٍ، عَ قَ تِ نَادّ يَ رَ ﭑ يَ عِ، عَلَكٌ نَ بْشِ نَشَ كَنَ. كْنْ ﭑ مُ نَ مِشِ سْتْ. 31 نَ نَن عَ رَ، ﭑ قَمَ ﭑ مَ شْنّ رَ مِنِدٍ عٍ مَ عَلْ تّ، ﭑ عٍ سْنتْ عٍ شَ وَلِ حَاشِ سَرٍ مَ. مَرِفِ عَلَتَلَ شُي نَن نَ كِ.»