24
تُندٍ تَالِ
1 عَ حّ سٌلٌمَنَانِ ندٍ، كِكٍ قُ، شِ قُ ندٍ رَ، عَلَتَلَ نَشَ عَ مَسٍن ﭑ بّ، عَ نَشّ، 2 «عَدَ مَدِ، عِ شَ يِ حّ، يِ كِكٍ، نُن يِ لْشْي سّبّ، بَرِ مَ تٌ بَبِلْن مَنفّ فٍرٍ قْلْمَ نّ دَرِ سَلَمُ. 3 عِ شَ يِ تَالِ وْيّنيِ قَلَ يِ بْنسْي مُرُتَشِ بّ. عَ قَلَ عٍ بّ؛
‹عَلَتَلَ يِ نَن مَسٍنشِ؛
يٍ سَ تُندٍ كُي، تُندٍ دْشْ تّ مَ.
4 سُبٍ شُتِ قَنيِيٍ سَ عَ كُي،
شُتِيٍ نَشٍيٍ قَن عَ بِرِن بّ عَلْ تَبٍ نُن تُنكِ سُبٍ،
5 نَشَن شَبَشِ شُرُ سٍ قَتٍ قَنيِ رَ.
يٍفٍ سَ تّ هَن تُندٍ شَ سَتُن، سُبٍ شَ حِن.›»
6 «وٌ مَرِفِ عَلَتَلَ يِ نَن مَسٍنشِ؛
فبَلٌي بَرَ يِ بْشِ لِ.
يٍ بَرَ سٌ سُبٍ رَ تُندٍ كُي.
سُبٍ شُتِ بِرِن بَ كٍرٍن كٍرٍنيِ رَ.
7 مِشِ كْن تٌ رَشَبَ، عَ رَبَ قَنيٍ نَن قَرِ.
شَ عَ سَ رَبَ بْشِ نّ نُ، بّندّ نُ نْمَ عَ مَكٌتٌدٍ.
8 ﭑ قَن قَمَ نّ وٌ وُلِ رَقِلِدٍ ﭑ فبٍحْشْي رَ قَنيٍ قَرِ،
عَلَكٌ عَ نَشَ مَكٌتٌ.»
9 «وٌ مَرِفِ عَلَتَلَ يِ نَن مَسٍنشِ؛
‹حَشَنكَتّ نَ يِ تَا قَشّتِ بّ.
ﭑ يٍفٍ فبٍفبٍ سَمَ نّ نَ تّ شْورَ.
10 وٌ قَن يٍفٍ سَ تّ، عَ شَ شُنفبٌ.
سُبٍ حِن عَ قَنيِ رَ، بْرّ سٍ سَ عَ قَرِ، عَ شْرِيٍ شَ فَن قٍوٌ.
11 نَ دَنفِ شَنبِ، تُندٍ عِفٍلِ شَ دْشْ تِفٍ وٌلٍنشِ قَرِ،
هَن تُندٍ شَ قُرَ عَلْ وُرٍ فبٍيلِ نَشَن وَ مَ رَشُنُقٍ،
عَلَكٌ سٍ بِرِن نَشَن لُشِ تُندٍ كُي عَ شَ حْن.
12 كْنْ نَ مُ سْونّيَمَ.
تّ مُ نْمَ سٍ بِرِن شْرِدٍ نَشَن لُمَ تُندٍ كُي.›»
13 «وٌ بَرَ قِندِ سّنِيّنتَرٍيٍ رَ وٌ شَ يّنّ شَ قٍ رَ. ﭑ بَرَ كَتَ وٌ رَ سّنِيّندٍ، كْنْ وٌ مُ تِن. نَ كُي وٌ مُ سّنِيّنيِ سْتْمَ هَن ﭑ فّ ﭑ مَ شْنّ بِرِن نَمِنِدٍ وٌ مَ. 14 ﭑ تَن عَلَتَلَ شَ عَ قَلَ وٌ بّ، نَ وَشَتِ بَرَ عَ لِ. ﭑ مُ كِنِكِنِمَ وٌ مَ، ﭑ مُ فبِلٍنمَ ﭑ مَ نَتّ مَ. ﭑ وٌ مَكِيتِمَ وٌ حّرّ كِ نُن وٌ شَ وَلِ نَن مَ. وٌ مَرِفِ عَلَتَلَ شُي نَن نَن كِ.»
15 عَلَتَلَ نَشَ عَ مَسٍن ﭑ بّ، عَ نَشّ، 16 «عَدَ مَدِ، عَ فبٍ مُ لُشِ ﭑ شَ عَ نِيَ عَ نَشَن نَقَن عِ مَ دَنفِقٍ عِ يَيٍ يَتِ رَ، ﭑ قَمَ نّ نَ رَلْيدٍ عِ مَ كٍرٍن نَ. كْنْ عِ نَشَن نَبَمَ، عِ نَشَ وَ شُي يٌ رَ مِنِ، عِ نَشَ يَ يٍ كٍرٍن نَمِنِ. 17 عِ شَ عِ سَبَرِ عِ شَ سُننُنيِ كُي، عِ نَشَ عِ شُي رَ مِنِ عَلْ مِشِيٍ دَرِشِ عَ رَبَ رَ قَشَ مِشِيٍ بّ كِ نَشّ. عِ نَشَ عِ شُنيِ مَفٍلِ تِ، عِ نَشَ سَنكِرِ بَ عِ سَنيِ، عِ نَشَ عِ يَتَفِ مَكٌتٌ، عِ نَشَ دٌنسٍ دٌن مِشِيٍ دَرِشِ نَشَن دٌن نَ حْن قٍ تّمُي.»
18 ﭑ مَ فِنّ نَشَ قَشَ نَ نُنمَرٍ رَ. نَ كُيٍ عِبَ فّيسّفّ، ﭑ نَشَ عَ رَبَ عَلْ عَلَتَلَ نُ بَرَ ﭑ يَمَرِ كِ نَشّ. 19 حَمَ نَشَ ﭑ مَشْرِن، «عِ نَ يِ حْن قٍ رَبَقٍ كِ نَشّ، نَ مُنسٍ مَسٍنمَ مُشُ تَن بّ؟» 20 ﭑ نَشَ عٍ يَابِ، «عَلَتَلَ نَشَ عَ مَسٍن ﭑ بّ، عَ نَشّ، 21 ‹عَ قَلَ عِسِرَيِلَ بْنسْي بّ، وٌ مَرِفِ عَلَتَلَ نَشّ، عَ فبٍ مُ لُشِ ﭑ شَ عَ نِيَ ﭑ مَ هْرْ مْبَنشِ شَ قِندِ يِرٍ سّنِيّنتَرٍ رَ، نَ بَنشِ نَشَن نَقَن وٌ مَ كِ قَنيِ رَ. وٌ شَ دِيٍ مَن قَشَمَ نّ سَنتِدّفّمَ رَ.› 22 نَ تّمُي وٌ قَمَ نَ حْن قٍ سُشُدٍ عَلْ ﭑ عَ سُشُ كِ نَشّ. وٌ مُ وٌ يَتَفِ مَكٌتٌمَ، وٌ مُ حْن قٍ دٌنسٍ دٌنمَ، 23 وٌ مُ وٌ شُنيِ مَفٍلِ تِمَ، وٌ مُ سَنكِرِ بَمَ وٌ سَنيِ. وٌ مُ حْن قٍ رَبَمَ وَ شُي رَ. وٌ شَ يُنُبِيٍ نَن تُن وٌ شُن نَكَنَمَ. 24 عَلَ مَن نَشّ، ‹عَننَبِ عٍسٍكِيٍلِ قِندِ مَ وٌ بّ مِسَالِ نَن نَ. عَ نَشَن نَبَشِ، وٌ قَن قَمَ نَ نَن نَبَدٍ. نَ قٍيٍ نَ رَبَ، وٌ عَ كٌلٌنمَ نّ عَ ﭑ تَن نَن نَ وٌ مَرِفِ عَلَتَلَ رَ.›»
25 «عَدَ مَدِ، ﭑ شَ عَ قَلَ عِ بّ، ﭑ عٍ شَ هْرْ مْبَنشِ، نَشَن نَقَنشِ عٍ مَ كِ قَنيِ رَ، عَ نُن عٍ شَ دِيٍ، ﭑ نٍيٍ بَمَ عٍ يِ رَ لْشْي نَشّ، 26 نَ لْشْي يَتِ مِشِ رَتَنفَشِ قَمَ نّ عِ يِرٍ، عَ نَ شِبَارُي قَلَ عِ بّ. 27 نَ لْشْي، عِ نّنيِ قُلُنمَ نّ نَ مِشِ رَتَنفَشِ يَ شْرِ، عِ مُ قِندِ مَ بٌبٌي رَ سْنْن. نَ بِرِن قِندِ مَ مِسَالِ نَن نَ حَمَ بّ، عٍ قَ عَ كٌلٌندٍ عَ ﭑ تَن نَن نَ عَلَتَلَ رَ.»