1 عَلَ شَ مِشِ سُفَندِشِ بَرَ وٌن شُنسَرَ، عَلَكٌ وٌن شَ شْرّيَ سْتْ. نَ كُي، وٌ شَ تِ عَ قَنيِ رَ. وٌ نَشَ تِن كٌنيِيَ ندٍ يٌ شَ دْشْ وٌ قَرِ سْنْن.

2 ﭑ تَن ثْلُ، ﭑ شَ نْندِ قَلَ وٌ بّ، شَ وٌ تِن نَ مِشِيٍ شَ وٌ سُننَ، عَلَ شَ مِشِ سُفَندِشِ شَ وَلِ تِدٍ يٌ مُ نَ وٌ بّ سْنْن. 3 ﭑ مَن شَ عَ قَلَ وٌ بّ، شّمّ نَشَن تِنمَ عٍ شَ عَ سُننَ، عَ لَنمَ عَ شَ عَلَ شَ يَامَرِ بِرِن نَتِنمّ. 4 وٌ تَن نَشٍيٍ وَ مَ تِنشِنيِ سْتْقٍ يَامَرِيٍ رَتِنمّقٍ سَابُي رَ، وٌ نُن عَلَ شَ مِشِ سُفَندِشِ تَفِ بَرَ عِكُيَ. عَلَ مُ هِننّمَ وٌ رَ سْنْن. 5 وٌن وٌن شَشِلِ تِمَ عَلَ شَشِلِ رَ وٌن مَ دَنشَنِيَ كُي، عَلَكٌ وٌن شَ تِنشِنيِ سْتْ وٌن شَشِلِ تِمَ نَشَن نَ. 6 شَ مِشِ بِرَشِ عَلَ شَ مِشِ سُفَندِشِ عِسَ قْشْ رَ، سُننّ نُن سُننَتَرٍيَ تِدٍ يٌ مُ نَ عَ بّ. قٍ كٍرٍن نَن تِدٍ فبٌ؛ مِشِ شَ دَنشَنِيَ عَلَ مَ، عَ شَ مِشِ شَنُ.

7 وٌ نُ نَ حّرّقٍ عَ قَنيِ رَ. ثٍ، ندٍ عَ نِيَشِ وٌ شَ نْندِ رَبٌلٌ؟ 8 نَشَن وٌ بّندُنشِ نَ كِ، نَ مُ قِندِشِ عَلَ رَ نَشَن وٌ شِلِ. 9 لّبِنِ دٌندٌرٌنتِ نْمَ قَرِن فبٍفبٍ رَتٍدٍ. 10 ﭑ بَرَ لَ وٌ رَ عَلَ سَابُي رَ، مِشِ يٌ قَ عَ شَ قَ وٌ يَ عِسٌ، وٌ مُ تِنمَ نَ شَشِلِ مْولِ رَ. نَ كَنيِ قَمَ نّ عَ سَرٍ سْتْدٍ. 11 ﭑ نفَشَكٍرٍنيِيٍ، شَ عَ لِ نُ هَن يَ ﭑ نَ كَوَندِ تِقٍ مِشِيٍ شَ سُننَ، مُنقٍ رَ يُوِقِيٍ لُمَ ﭑ حَشَنكَتَ رَ؟ شَ عَ سَ لِ نُ ﭑ نَ كَوَندِ مْولِ تِمَ، عِسَ شَ سّرّشّ وُرِ مَفَلَنبُشِ مَ، عَ مُ قِندِ مَ وْيّن شْرْشْي رَ مِشِيٍ بّ نُ. 12 ﭑ وَ مَ نّ نَشٍيٍ نَ وٌ يَ عِسٌقٍ، هَلِ عٍ مُ عَ دَن سُننّ قٍ فبَنسَن مَ. عٍ شَ عٍ شّمّيَ بِرِن بَ نَ.

13 ﭑ نفَشَكٍرٍنيِيٍ، عَلَ وَ مَ وٌ شَ لُ شْرّيَ كُي، كْنْ وٌ نَشَ نَ شْرّيَ مَقِندِ يُنُبِ رَ. وٌ وٌ بٌرٍ مَلِ شَنُنتٍيَ كُي. 14 عَلَ شَ سّرِيّ بِرِن نَ يِ يَامَرِ كٍرٍنيِ نَن كُي؛ وٌ شَ وٌ بٌورٍ عَدَ مَدِ شَنُ عَلْ وٌ يّتّ. 15 شَ وٌ لُمَ وٌ بٌرٍ تْورْ رَ، وٌ نُ وٌ بٌرٍ حَشَنكَتَ، وٌ عَ نِيَ دْيِن، شَ نَ مُ عَ رَ وٌ وٌ بٌرٍ شَ قٍ شُن نَكَنَمَ نّ.

16 ﭑ وَ مَ نَشَن قَلَقٍ وٌ بّ، وٌ شَ عَ لُ عَلَ شَشِلِ شَ وٌ رَحّرّ. وٌ نَشَ بِرَ وٌ يّتّ وَشْنقٍ حَاشِيٍ قْشْ رَ. 17 عَدَ مَ وَشْنقٍ حَاشِ نُن عَلَ شَشِلِ سّنِيّنشِ، عَ كٍرٍن مُ عَ رَ. نَ قِرِنيِ نَ عٍ بٌرٍ فٍرٍقٍ، عَلَكٌ وٌ نَشَ وٌ وَشْنقٍ رَبَ. 18 شَ عَلَ شَشِلِ نَ وٌ رَحّرّقٍ، وٌ شَشِلِ مُ تِمَ وٌ شَ يَامَرِ رَتِنمّشِيٍ رَ سْنْن.

19 يُنُبِتْي وَشْنقٍيٍ نَن يَ؛ لَنفٌيحَ، سّنِيّنتَرٍحَ، سْن كٌبِ، 20 كُيٍ بَتُقٍ، دُورٍيَ، شْننَنتٍيَ، لَنتَرٍيَ، تْونّ، بْحّ تٍقٍ، فٍينِ قٍنقٍ عِ يّتّ بّ، سْنشْقٍ، بٌورٍ رَقِسَقٍ عَ بٌورٍ بّ، 21 مِلَنتٍيَ، سِيسِقٍ، شُلُنيِ حَاشِيٍ، نُن نَ مَنِيّيٍ. ﭑ مَن شَ عَ قَلَ وٌ بّ، مِشِ نَشٍيٍ حّرّ مَ نَ كِ، عٍ مُ عَرِيَننَ سْتْمَ كّ رَ مُكُ.

22 كْنْ عَلَ شَشِلِ سّنِيّنشِ شَ كّوَلِيٍ نَن يَ؛ شَنُنتٍيَ، سّيوّ، بْحّسَ، دِحّ، يَرَوَ سّ، قَنيِ، لَنلَنتٍيَ، 23 بْحّ بّشِيَ، نُن يّتّ سُشُي. تْنيِ يٌ مُ نَ نَ قٍ مْولِيٍ مَ. 24 عَلَ شَ مِشِ سُفَندِشِ عِسَ قْشِرَبِرّيٍ بَرَ يُنُبِتْي وَشْنقٍ رَبّحِن عَ نُن قٍ حَاشِ بِرِن. 25 وٌن تٌ كِسِ سْتْ عَلَ شَشِلِ سّنِيّنشِ سَابُي رَ، وٌن شَ بِرَ عَ قْشْ رَ. 26 وٌن نَشَ وٌن يّتّ عِفبٌ، وٌن نَشَ وٌن بٌرٍ رَشْنْ، وٌن نَشَ مِلَ وٌن بٌرٍ مَ.