1 نَ وَشَتِ عِبُرَهِمَ نُ بَرَ فّ قٌرِدٍ. عَلَتَلَ نُ بَرَ بَرَكّ سَ عِبُرَهِمَ شَ قٍ بِرِن. 2 عِبُرَهِمَ نَشَ عَ مَسٍن عَ شَ وَلِكّيٍ شُنيِ بّ، نَشَن عَ حّنفِ سَشِ عَ هَرِفٍ بِرِن شْن مَ، «عِ بّلّشّ سَ ﭑ تَبٍ بُن مَ كَلِ كِ مَ. 3 ﭑ قَقٍ عِ رَكَلِدٍ كٌورٍ نُن بْشِ مَرِفِ عَلَتَلَ رَ، عَلَكٌ عِ نَشَ كَنَان فِنّ قٍن ﭑ مَ دِ بّ ﭑ سَبَتِشِ دّننَشّ. 4 عَ شْلِ ﭑ مَ عِ شَ سِفَ ﭑ بَرِ بْشِ نَن مَ، عِ قَ مّننِ فِنّ ندٍ قٍن ﭑ بْنسْي يَ مَ ﭑ مَ دِ عِسِيَفَ بّ.»

5 عَ شَ وَلِكّ نَشَ عَ يَابِ، «شَ عَ سَ لِ نَ فِنّ مُ تِن بِرَدٍ ﭑ قْشْ رَ قَقٍ يِ بْشِ مَ، ﭑ شَ عِ شَ دِ شَنِن عِ شَ بْشِ مَ، عِ كٍلِشِ دّننَشّ؟» 6 عِبُرَهِمَ نَشَ عَ يَابِ، «عِ نَشَ ﭑ مَ دِ رَفبِلٍن مّننِ دٍ! 7 عَلَتَلَ نَشَن نَ كٌورٍ مَ، نَشَن ﭑ تٌنفٌشِ ﭑ بَرِ مِشِيٍ يَ مَ، نَشَن ﭑ نَكٍلِشِ ﭑ مَ بْشِ مَ، عَ قَ عَ كَلِ عَ يِ بْشِ قِمَ نّ ﭑ بْنسْي مَ، عَ تَن يَتِ قَمَ نّ عَ شَ مَلٍكّ شّيدٍ عِ مَلِقٍ رَ، عَلَكٌ عِ شَ نْ فِنّ تٌنفٌدٍ مّننِ ﭑ مَ دِ بّ. 8 شَ نَ فِنّ مُ قَ سَ تِن بِرَدٍ عِ قْشْ رَ، عِ قَمَ نّ رَتَنفَدٍ ﭑ مَ مَرَكَلِ مَ، عِ نَشَن تٌنفٌشِ ﭑ بّ. كْنْ عِ نَشَ ﭑ مَ دِ شَنِن مّننِ دٍ!»

9 نَ وَلِكّ نَشَ عَ بّلّشّ سَ عَ مَرِفِ عِبُرَهِمَ تَبٍ بُن مَ، عَ نَشَ عَ رَكَلِ. 10 عَ نَشَ حْشْمّ قُ تٌنفٌ عِبُرَهِمَ شَ حْشْمّ فْورّ يَ مَ، عَ كٌتٍ فبٍفبٍ سَ عٍ قَرِ. عَ نَشَ كٍلِ، عَ سِفَ نَشٌرِ شَ تَا ثَدَن عَرَ مِ بْشِ مَ.

11 عِبُرَهِمَ شَ وَلِكّ تٌ مّننِ لِ، عَ نَشَ حْشْمّيٍ رَفٌرٌ تَا قَرِ مَ كْلْنيِ ندٍ سّيتِ مَ. نُنمَرٍ تّمُي نَن نُ عَ رَ، فِنّيٍ مِنِمَ يٍ بَدٍ تّمُي نَشّ. 12 عَ نَشَ عَلَ مَشَندِ، «ﭑ مَرِفِ عِبُرَهِمَ مَرِفِ عَلَتَلَ، ﭑ بَرَ عِ مَشَندِ عَلَكٌ ﭑ مَ حّرّ شَ قِندِ ﭑ بّ شُن نَكٍلِ رَ تٌ لْشْي. عِ مَن شَ هِننّ ﭑ مَرِفِ عِبُرَهِمَ رَ. 13 عِ بَرَ ﭑ تٌ ﭑ نَ كْلْنيِ سّيتِ مَ، تَا فِنّ دِ مّيٍ نَ قَقٍ يٍ بَدٍ. 14 ﭑ قَمَ نّ فِنّ دِ مّ ندٍ مَشْرِندٍ عَ شَ عَ شَ يٍ بَسٍ سٌ ﭑ يِ رَ، ﭑ شَ يٍ مِن. شَ عَ سَ ﭑ يَابِ، ‹يٍ مِن، ﭑ شَ يٍ سٌ عِ شَ حْشْمّيٍ قَن يِ رَ،› ﭑ قَمَ نّ عَ كٌلٌندٍ نَ تّمُي، عِ نَ فِنّ يَتِ نَن سُفَندِشِ عِ شَ كٌنيِ عِسِيَفَ بّ. نَ تّمُي ﭑ قَمَ عَ كٌلٌندٍ عِ بَرَ هِننّ ﭑ مَرِفِ عِبُرَهِمَ رَ.»

15 بٍينُن عَ شَ فّ نَ وْيّنيِ رَ، نَ نَن لَن بٍتُوٍلِ شَ دِ فِنّ رٍبٍكَ نَشَ قَ. عِبُرَهِمَ شُنيَ نَشٌرِ شَ مَمَدِ نَن لَنشِ عَ مَ. عَ شَ قّحّ دْشْشِ عَ تُنكِ قَرِ. 16 فِنّ دِ مّدِ تٌقَنيِ نَن نُ عَ رَ، نَشَن مُ شّمّ قٍ كٌلٌن. عَ نَشَ فٌرٌ كْلْنيِ يِرٍ، عَ نَشَ عَ يٍ بَسٍ رَقٍ يٍ رَ، عَ مَن نَشَ تٍ. 17 عِبُرَهِمَ شَ وَلِكّ نَشَ عَ فِ عَ سَ عَ رَلَن. عَ نَشَ عَ قَلَ عَ بّ، «ﭑ بَرَ عِ مَشَندِ، عَ لُ ﭑ شَ يٍ ندٍ مِن، نَشَن نَ عِ شَ قّحّ كُي.» 18 عَ نَشَ عَ يَابِ، «ﭑ بَ، يٍ مِن.» عَ نَشَ عَ شَ قّحّ رَفٌرٌ عَ تُنكِ قَرِ، عَ يٍ سٌ عَ يِ رَ. 19 عَ تٌ فّ نَ رَ، عَ نَشَ عَ قَلَ عَ بّ، «ﭑ يٍ بَمَ نّ عِ شَ حْشْمّيٍ قَن بّ، عَلَكٌ عٍ بِرِن شَ يٍ مِن عَ قَنيِ رَ.» 20 مَقُرٍن، عَ نَشَ عَ شَ قّحّ عِبَفَن كُورّ كُي، عَ مَن عَ فِ سِفَقٍ كْلْن دّ رَ عَ شَ يٍ فبّتّ بَ. عَ نَشَ يٍ بَ هَن حْشْمّ بِرِن نَشَ وَ سَ.

21 عِبُرَهِمَ شَ وَلِكّ نُ قَ عَ مَحْشُن، «تّمُندٍ عَلَتَلَ بَرَ ﭑ مَ بِيَاسِ سْونّيَ ﭑ بّ.» 22 حْشْمّيٍ تٌ بَرَ فّ يٍ مِندٍ، عِبُرَهِمَ شَ مِشِ نَشَ حْيرَ سٌي شّيمَ دَاشِ سٌ رٍبٍكَ حْي رَ، نَشَن شَ بِنيّ فِرَ مُ سٍننِ لِمَ. عَ مَن نَشَ بّلّشّرَ سٌي قِرِن شّيمَ دَاشِيٍ سٌ عَ بّلّشّ رَ، نَشَن كٍرٍن شَ بِنيّ دَنفِ فِرَ مُ كّمّ رَ. 23 عَ نَشَ فِنّدِ مّدِ مَشْرِن، «ندٍ شَ دِ لَنشِ عِ مَ؟ يَندِ، عَ قَلَ ﭑ بّ، عِ بَبَ نْمَ مُشُ يِفِيَدٍ تٌ كْي رَ؟» 24 رٍبٍكَ نَشَ عَ يَابِ، «بٍتُوٍلِ شَ دِ نَن لَنشِ ﭑ مَ، مِلِكَ نُن نَشٌرِ شَ مَمَدِ.» 25 عَ مَن نَشَ عَ قَلَ، «مُشُ شْنيِ سّشّ نُن حٌوفٍ فبٍفبٍ نَ نَ، يِفِيَ قَن نَ نَ وٌ لُمَ دّننَشّ.» 26 عِبُرَهِمَ شَ وَلِكّ نَشَ عَ عِفٌرٌ بْشِ مَ عَلَتَلَ بّ. 27 عَ نَشَ عَ قَلَ، «ﭑ مَرِفِ عِبُرَهِمَ مَرِفِ عَلَتَلَ، ﭑ بَرَ عِ تَنتُ. عِ مُ تَفَن هِننّدٍ ﭑ مَرِفِ عِبُرَهِمَ رَ، عِ شَ لَنلَنتٍيَ مُ كَنَ. عَلَتَلَ ﭑ شُن تِشِ ﭑ مَرِفِ عِبُرَهِمَ شَبِلّ نَن شْنيِ رَ.»

28 رٍبٍكَ نَشَ سِفَ عَ فِ رَ عَ نفَ يِرٍ، عَلَكٌ قٍ نَشَن دَنفِشِ، عَ شَ عَ تَفِ رَبَ عَ بّ. 29 رٍبٍكَ تَارَ لَبَن نَشَ عَ شُلُن سِفَقٍ رَ كْلْن يِرٍ، عِبُرَهِمَ شَ وَلِكّ نُ تِشِ دّننَشّ. 30 لَبَن نُ بَرَ عَ مَافِنّ تٌ، حْيرَ سٌي عَ حْي رَ، بّلّشّرَ سٌي عَ بّلّشّ رَ. عَ مَن نُ بَرَ عَ شَ دّنتّفّ مّ، شّمّ نَشَن قَلَشِ عَ بّ. نَ كُي، عَ نَشَ سِفَ نَ شّمّ رَلَندٍ كْلْنيِ قّ مَ، حْشْمّيٍ نُ نَ دّننَشّ. 31 لَبَن نَشَ عَ قَلَ عَ بّ، «عَلَتَلَ بَرَ بَرَكَ سَ عِ تَن نَشَن مَ قٍ، عِ تِشِ بٍ مُنقٍ رَ، دّننَشّ مَكُيَ تَا رَ؟ عِ شَ سٌ ﭑ شْنيِ. ﭑ بَرَ بَنشِ يَءِلَن عِ يِفِيَ رَ، ﭑ بَرَ يِرٍ رَقَلَ عِ شَ حْشْمّيٍ لُمَ دّننَشّ.» 32 عِبُرَهِمَ شَ وَلِكّ نَشَ سٌ لَبَن شْنيِ. لَبَن نَشَ حْشْمّيٍ شَ كٌتٍ رَفٌرٌ، عَ قَ دٌنسٍ سٌ عٍ يِ رَ، عَ يِرٍ يَءِلَن عٍ بّ. عَ نَشَ يٍ قَن سٌ عِبُرَهِمَ شَ مِشِيٍ يِ رَ، عَلَكٌ عٍ شَ عٍ سَنيِيٍ مَشَ.

33 لَبَن تٌ قَ دٌنسٍ رَ عٍ بّ، عِبُرَهِمَ شَ وَلِكّ نَشَ عَ قَلَ، «ﭑ مُ ﭑ دّفٍمَ سِندٍن، قٌ ﭑ شَ ﭑ دّنتّفّ وٌ بّ.» لَبَن نَشَ عَ قَلَ عَ بّ، «عَوَ يِرٍ، دّنتّفّ سَ.» 34 عِبُرَهِمَ شَ وَلِكّ نَشَ عَ مَسٍن، «ﭑ تَن نَن نَ عِبُرَهِمَ شَ وَلِكّ رَ. 35 عَلَتَلَ بَرَ بَرَكّ سَ ﭑ مَرِفِ عِبُرَهِمَ شَ قٍ كِ قَنيِ. عَ بَرَ قِندِ بَننَ رَ، بَرِ مَ عَلَتَلَ بَرَ شُرُ سٍ مْولِ بِرِن قِ عَ مَ، عَ نُن فبٍتِ، شّيمَ، كٌنيِيٍ، حْشْمّيٍ، نُن سٌقَلٍيٍ. عَلَتَلَ بَرَ نَ بِرِن قِ عَ مَ. 36 ﭑ مَرِفِ عِبُرَهِمَ شَ فِنّ سَرَ بَرَ دِ قَن بَرِ عَ بّ عَ شَ قٌرِحَ كُي. عِبُرَهِمَ عَ هَرِفٍ بِرِن قِشِ نَ دِ نَن مَ.»

37 «عِبُرَهِمَ ﭑ نَكَلِشِ نّ، ‹عِ نَشَ فِنّ تٌنفٌ ﭑ مَ دِ بّ نَشَن قِندِ كَنَانكَ رَ ﭑ سَبَتِشِ دّننَشّ. 38 عِ شَ سِفَ ﭑ بَبَ بَرِبٌورٍ يِرٍ ﭑ شَبِلّ تَفِ، عَلَكٌ عِ شَ فِنّ تٌنفٌ ﭑ مَ دِ بّ مّننِ.› 39 ﭑ مَرِفِ تٌ نَ قَلَ ﭑ بّ، ﭑ نَشَ عَ مَشْرِن، ‹شَ نَ فِنّ قَ تٌندِ بِرَدٍ ﭑ قْشْ رَ فٌ؟› 40 عَ نَشَ ﭑ يَابِ، ‹ﭑ حّرّ مَ عَلَتَلَ نَشَن يَ عِ، عَ قَمَ عَ شَ مَلٍكّ بِرَدٍ عِ قْشْ رَ عِ شَ حّرّ كُي عَلَكٌ عَ شَ سْونّيَ. عِ قَمَ نّ فِنّ تٌنفٌدٍ ﭑ مَ دِ بّ ﭑ شَبِلّ تَفِ ﭑ بَبَ شْنيِ. 41 عِ نَ سِفَ ﭑ شَبِلّ رَ، شَ عٍ مُ قَ سَ فِنّ دِ مّدِ سٌ عِ يِ رَ قٍوٌ، عِ بَرَ رَتَنفَ ﭑ مَ مَرَكَلِ مَ.›»

42 «ﭑ تٌ كْلْن يِرٍ لِ، ﭑ نَشَ عَلَ مَشَندِ، ‹عَلَتَلَ، ﭑ مَرِفِ عِبُرَهِمَ نَشَن بَتُمَ، ﭑ بَرَ عِ مَيَندِ عِ شَ ﭑ مَ بِيَاسِ سْونّيَ. 43 عِ يَ تِ ﭑ نَ يِ كْلْنيِ سّيتِ مَ. ﭑ قَمَ نّ فِنّ دِ مّدِ ندٍ مَشْرِندٍ نَشَن قَقٍ يٍ بَدٍ، عَ شَ يٍ سٌ ﭑ يِ رَ نَشَن نَ عَ شَ قّحّ كُي عَلَكٌ ﭑ شَ عَ مِن. 44 شَ عَ ﭑ يَابِ، «يٍ مِن، ﭑ يٍ بَمَ نّ عِ شَ حْشْمّيٍ قَن بّ، عٍ مِن،» ﭑ عَ كٌلٌنمَ نَ تّمُي، عَلَتَلَ نَ فِنّ دِ مّدِ يَتِ نَن سُفَندِشِ ﭑ مَرِفِ عِبُرَهِمَ شَ دِ بّ.›»

45 «بٍينُن ﭑ شَ فّ نَ وْيّنيِ رَحْندٍ ﭑ يّتّ مَ، نَ نَن لَن رٍبٍكَ نَشَ قَ، قّحّ دْشْشِ عَ تُنكِ قَرِ. عَ نَشَ فٌرٌ كْلْنيِ رَ، عَ يٍ بَ. ﭑ نَشَ عَ قَلَ عَ بّ، ‹ﭑ بَرَ عِ مَشَندِ، ﭑ كِ يٍ، ﭑ شَ عَ مِن.› 46 عَ نَشَ عَ شَ قّحّ رَفٌرٌ مَقُرٍن عَ تُنكِ قَرِ، عَ نَشَ عَ قَلَ ﭑ بّ، ‹يٍ مِن. عِ نَ فّ يٍ مِندٍ ﭑ يٍ سٌمَ نّ عِ شَ حْشْمّيٍ قَن يِ رَ.› 47 ﭑ نَشَ عَ مَشْرِن، ‹ندٍ شَ دِ نَ عِ رَ؟› عَ نَشَ ﭑ يَابِ، ‹بٍتُوٍلِ شَ دِ فِنّ نَن ﭑ نَ، نَشٌرِ نُن مِلِكَ شَ مَمَدِ.› نَ كُي ﭑ نَشَ شّيمَ سٌ عَ حْي رَ، ﭑ نَشَ شّيمَ بّلّشّرَ سٌي سٌ عَ بّلّشّ رَ. 48 ﭑ نَشَ ﭑ عِفٌرٌ بْشِ مَ عَلَتَلَ بّ. ﭑ نَشَ ﭑ مَرِفِ عِبُرَهِمَ مَرِفِ عَلَتَلَ تَنتُ، بَرِ مَ عَ بَرَ ﭑ شُن تِ ﭑ مَرِفِ شُنيَ شَ دِ فِنّمَ رَ، ﭑ شَ عَ قُتِ عَ شَ دِ بّ. 49 يَكْسِ، لَبَن، عَ قَلَ ﭑ بّ شَ عِ بَرَ تِن قٍ قَنيِ نُن قٍ تِنشِنشِ رَبَقٍ ﭑ مَرِفِ بّ. شَ نَ مُ عَ رَ ﭑ سِفَمَ نّ يِرٍ فبّتّ.»

50 لَبَن نُن بٍتُوٍلِ نَشَ عَ يَابِ، «عَلَتَلَ نَن يِ قٍ رَفِرِشِ. مُشُ مُ قَمَ نَ مَشْرْشْدٍ. 51 رٍبٍكَ نَن تِشِ عِ يَ عِ يِ كِ. عَ شَنِن عِ شُن مَ، عَلَكٌ عَ شَ قِندِ عِ مَرِفِ شَ دِ شَ فِنّ رَ، عَلْ عَلَتَلَ عَ مَسٍنشِ كِ نَشّ.» 52 عِبُرَهِمَ شَ وَلِكّ تٌ نَ وْيّنيِ مّ، عَ نَشَ عَ عِفٌرٌ بْشِ مَ عَلَتَلَ بّ. 53 نَ شَنبِ، عَ نَشَ بُنسٍ فبٍتِ دَاشِ، بُنسٍ شّيمَ دَاشِ، عَ نُن دُفِيٍ قِ رٍبٍكَ مَ. عَ نَشَ سَنبّ قَنيِيٍ قِ رٍبٍكَ نفَ نُن عَ تَارَ قَن مَ. 54 نَ دَنفِ شَنبِ، عِبُرَهِمَ شَ وَلِكّ نُن عَ شَ مِشِيٍ نَشَ عٍ دّفٍ، عٍ مِن، عٍ قَ سٌ عٍ سَدٍ.

عٍ تٌ كٍلِ فّيسّفّ، عِبُرَهِمَ شَ وَلِكّ نَشَ عَ مَسٍن رٍبٍكَ نفَ نُن عَ تَارَ بّ، «وٌ عَ لُ قَ ﭑ شَ فبِلٍن ﭑ مَرِفِ شْنيِ.» 55 عٍ نَشَ عَ قَلَ، «رٍبٍكَ شَ شِ قُ حْندْن نَبَ بٍ سِندٍن، نَ تّمُي وٌ قَ سِفَ.» 56 عِبُرَهِمَ شَ وَلِكّ نَشَ عٍ يَابِ، «وٌ نَشَ ﭑ مَكَنكَن بٍ. عَلَتَلَ بَرَ ﭑ مَ بِيَاسِ سْونّيَ. وٌ عَ لُ قَ ﭑ شَ فبِلٍن ﭑ مَرِفِ شْنيِ.»

57 عٍ نَشَ عَ قَلَ، «وٌن شَ رٍبٍكَ شِلِ، وٌن شَ عَ كٌلٌن حَنِفٍ نَشَن نَ عَ بّ.» 58 عٍ نَشَ رٍبٍكَ شِلِ، عٍ نَشَ عَ مَشْرِن، «عِ وَ مَ سِفَقٍ وٌ نُن يِ شّمّ رَ؟» رٍبٍكَ نَشَ عٍ يَابِ، «عِيٌ، ﭑ وَ مَ سِفَقٍ.» 59 نَ كُي عٍ نَشَ عٍ شُنيَ رٍبٍكَ نُن عَ مّينِمَ سٌ عِبُرَهِمَ شَ وَلِكّ نُن عَ شَ مِشِيٍ يِ رَ.

60 عٍ نَشَ دُبَ رٍبٍكَ بّ عَ قَلَقٍ رَ،

62 عِسِيَفَ نُ بَرَ كٍلِ كْلْن يِرٍ نَشَن شِلِ «عَلَ حِحّ نَشَن ﭑ تٌشِ.» عَ نُ بَرَ سَبَتِ نٍفٍوِ بْشِ مَ. 63 لْشْي ندٍ، عِسِيَفَ تٌ مِنِ عَ مَحّرّدٍ دَاشَ نُنمَرٍ تّمُي، عَ نَشَ عِبُرَهِمَ شَ وَلِكّ شَ حْشْمّيٍ تٌ قَ رَ. 64 رٍبٍكَ تٌ بَرَ عِسِيَفَ تٌ، عَ نَشَ فٌرٌ حْشْمّيٍ قَرِ، 65 عَ قَ وَلِكّ مَشْرِن، «ندٍ نَ نَ شّمّ رَ نَشَن سَ قَقٍ نَ كِ، كٍلِ دَاشَ لٌنفٌرِ رَ وٌن نَلَندٍ؟» 66 عِبُرَهِمَ شَ وَلِكّ نَشَ عَ يَابِ، «ﭑ مَرِفِ نَن عَ رَ.» نَ نَن لَن، رٍبٍكَ نَشَ عَ يَ مَكٌتٌ عَ شَ مَقٍلٍنيِ رَ.

عِبُرَهِمَ شَ وَلِكّ نَشَ دّنتّفّ سَ عِسِيَفَ بّ، عَ قٍ نَشَن بِرِن نَدَنفِشِ. 67 نَ شَنبِ، عِسِيَفَ نَشَ رٍبٍكَ شَنِن عَ نفَ شَ كِرِ بَنشِ كُي، عَ عَ قِندِ عَ شَ فِنّ رَ. عِسِيَفَ نَشَ عَ شَنُ عَ بْحّ بِرِن نَ، هَن عَ نفَ شَ قَشّ سُننُنيِ نَشَ بَ عَ مَ.