1 عِسِيَفَ نَشَ يَشُبَ شِلِ، عَ دُبَ عَ بّ. عَ نَشَ عَ يَمَرِ، «عِ نَشَ فِنّ دْشْ دٍ نَشَن قِندِ كَنَانكَ رَ. 2 كٍلِ، عِ شَ سِفَ ثَدَن عَرَ مِ، عِ نفَ بَبَ بٍتُوٍلِ شْنيِ. مّننِ عِ شَ عِ نفَ تَارَ لَبَن شَ دِ فِنّ ندٍ دْشْ.

6 عٍسَيُ نَشَ عَ كٌلٌن عَ بَبَ بَرَ دُبَ يَشُبَ بّ، عَ شّيقٍ ثَدَن عَرَ مِ عَ شَ مّننِ فِنّ دْشْ. عَ مَن نَشَ كٌلٌن سْتْ عَ مَ، عَ بَبَ بَرَ يَشُبَ يَمَرِ عَ نَشَ كَنَان فِنّ دْشْ، 7 يَشُبَ قَن بَرَ عَ بَبَ نُن عَ نفَ شُي رَتِنمّ سِفَقٍ رَ ثَدَن عَرَ مِ. 8 نَ كُي عٍسَيُ نَشَ عَ قَهَامُ كَنَان فِنّ مُ رَقَن عَ بَبَ عِسِيَفَ مَ. 9 نَ نَ عَ رَ عَ نَشَ سِفَ عِبُرَهِمَ شَ دِ سُمَيِلَ يِرٍ، عَ سَ نَ شَ دِ فِنّ مَهَلَتَ دْشْ، نَشَن قِندِشِ نٍبَيٌتِ شُنيَ رَ.

10 يَشُبَ نَشَ كٍلِ بٍرِ سٍيبَ سِفَقٍ رَ شَرَنِ. 11 كْي تٌ سٌ عَ رَ كِرَ عِ، عَ نَشَ عَ سَ يِرٍ ندٍ، عَ فّمّ قِندِ عَ شَ شُنسَسٍ رَ. 12 كْي رَ عَ نَشَ شِيٍ سَ، سَمّ تِشِ بْشِ قَرِ عَ شُنيِ سَ دْشْشِ كٌورٍ رَ. عَلَ شَ مَلٍكّيٍ نُ تٍقٍ سَمّ كْن نَ، عٍ مَن نُ فٌرٌ. 13 عَلَتَلَ نُ تِشِ سَمّ قُفٍ رَ. عَ نَشَ عَ مَسٍن يَشُبَ بّ، «ﭑ تَن نَن نَ عِ تَنُن عِبُرَهِمَ نُن عِ بَبَ عِسِيَفَ مَرِفِ عَلَتَلَ رَ. عِ سَشِ بْشِ نَشَن قَرِ يِ كِ، ﭑ عَ قِمَ نّ عِ تَن نُن عِ بْنسْي مَ. 14 عِ بْنسْي قَمَ نّ وُيَدٍ عَلْ شُبٍ. وٌ شَ بْشِ قَمَ نّ فبٌدٍ كٍلِقٍ سٌفٍتٍدٍ مَ عَ سَ دْشْ سٌفٍفٌرٌدٍ رَ، كٍلِ كْولَ مَ سَ دْشْ يِرٍقَنيِ رَ. ﭑ قَمَ هّيرِ قِدٍ سِ بِرِن مَ عِ تَن نُن عِ بْنسْي سَابُي رَ. 15 عِ سِفَ دّدّ، وٌن بِرِن نَ عَ رَ. ﭑ عِ كَنتَمَ يِرٍ بِرِن. ﭑ مَن عِ رَفبِلٍنمَ نّ يِ بْشِ مَ. ﭑ مُ عِ رَبٌلٌمَ قٍقٍ مَ. ﭑ نَن ﭑ مَ لَايِدِ بِرِن نَكَمَلِمَ نّ عِ بّ.»

16 يَشُبَ تٌ شُنُ، عَ نَشَ عَ قَلَ، «يَكْسِ ﭑ بَرَ عَ كٌلٌن عَلَتَلَ نَ بٍ، كْنْ سِنفٍ ﭑ مُ نُ عَ كٌلٌنشِ.» 17 عَ نَشَ فَاشُ، عَ قَ عَ قَلَ، «يِرٍ مَفَاشُشِ نَن نَ بٍ رَ. بٍ قِندِشِ عَلَ شَ بَنشِ نَادّ نَن نَ، سِفَقٍ رَ كٌورٍ مَ.» 18 يَشُبَ تٌ كٍلِ سُبَشّ مَ، عَ نَشَ نَ فّمّ تٌنفٌ عَ شُنيِ نُ سَشِ نَشَن مَ. عَ نَشَ عَ رَكٍلِ، عَ عَ تِ تْنشُمَ رَ، عَ نَشَ تُرٍ مَسٌ فّمّ شُنيِ مَ. 19 عَ نَشَ نَ يِرٍ شِلِ سَ بٍتٍلِ، «عَلَ شَ بَنشِ.» بٍينُن نَ شَ رَبَ، نَ يِرٍ شِلِ نُ قَلَمَ نّ لُسِ. 20 يَشُبَ نَشَ لَايِدِ تٌنفٌ عَلَ بّ عَ قَلَقٍ رَ، «شَ عَلَ ﭑ كَنتَمَ كِرَ شْن مَ، عَ قَ دٌنسٍ نُن سٌسٍ قِ ﭑ مَ، 21 ﭑ فبِلٍن بْحّسَ كُي ﭑ بَبَ شْنيِ، نَ تّمُي ﭑ عَلَتَلَ نَن قِندِ مَ ﭑ مَرِفِ عَلَ رَ. 22 ﭑ بَرَ يِ فّمّ تِ بٍ تْنشُمَ رَ، يِ يِرٍ شَ قِندِ عَلَ بَتُدٍ رَ. عَلَتَلَ، عِ هَرِفٍ نَشَن بِرِن قِمَ ﭑ مَ، ﭑ قَرِلّ بَمَ نّ عَ رَ، ﭑ نَ قِ عِ مَ.»